غموض جارنا
الكاتبة يمامة
أرينا
شفت المي الي اسبح بي عبارة عن دم من الصدمة رجلي ما حسيت بيهن ووگعت
غمضت عيوني صرت افرك بيهن رجعت فتحتهن مرة ثانية جان لون المي عادي لون الشامبو اتخبلت صرت احاول اهدي نفسي واگول اني بس جاي اتخيل بسرعة غسلت جسمي ولبست ملابسي وطلعت
لگيت آدم وحسوني بعدهم نايمين اتجهت للمراية حسيت نفس راح اوگع بسرعة لزمت الميز وسندت نفسي باوعت للمراية شفت وجهي لونة صاير اصفر كلش من الخوف حسيت حلگي صار مر ومثل الكهرباء الخفيفة تمشي بجسمي
صرت اتخيل راح يگولون علي مخبلة ويودوني لمستشفى المجانين ومحد راح يصدگني مجرد التفكير بهذا الشي خلاني اتخبل ياربي شنو الجاي يصير وياي
بسرعة مشطت نفسي وحاولت اكون طبيعية رحت باتجاه آدم بديت اگلة آدم اگعد اگعد وهو اصلا ما يحس بس يگول همم همم مليت وگلت هسة راح يتاخر لزمت ايدة وصرت اهزها علمود يگعد وبالگوة يالا فتح عيونة
آدم بابتسامة: صباح الخير
زهراء: صباح النور اگعد راح تتاخر على دوامك
آدم وهو يغمض عيونة: تمام
تمشيت اريد اطلع من الغرفة وقبل ما اطلع گتلة ترا راح اروح اسوي ريوگ وما اگعدك اذا رجعت نمت فگوم اگعد وگعد حسوني وياك
طلعت ورحت للمطبخ اسوي الريوگ غسلت القوري وحطيت الجاي عالنار واني كل شوية اتخيل احد وراي گلت راح اسوي مخلمة علمود اگضي الوقت وما افكر هواي بين ما يطلع آدم
سويتها وجهزت الگلاصات طلعت خيار وجبن وياها كملت كلشي باوعت للميز برضى سمعت صوت وراي التفتت لگيت آدم وحسوني وراي وامبين آدم مسبح حسوني هم
آدم باوعلي بابتسامة واني رديتلة الابتسامة احس فراشات بمعدتي بمجرد ما يبتسملي
جي حسوني يركض باتجاهي تقرب مني ورفع ايديه بمعنى اشيلة ابتسمتلة وشلتة بقيت ابوس بي وهو بس يضحك گعدنا ناكل واني فكري مشتت مو مثل يومية اضحك واتشاقة وحتى آدم لاحظ هالشي وسألني گتلة ماكو شي بس لان عندي امتحان ومادة الامتحان صعبة
هزلي راسة بتفهم وما حجى بعد بس حسيتة ما صدگ
كملنا ريوگ واني بسرعة نظفت المطبخ وآدم غسل المواعين والبيت هو نظيف لان من الليل نظفتة وماكو احد يوصخة واصلا هو صغير بسرعة يتنظف
رحت بدلت ملابسي بسرعة وگلت لأدم راح اودي حسوني لامي بين ما تكمل تبديل شلت حسوني وطلعت رحت لبيت اهلي دگيت الباب طلع آسر بوجهي صبح علي وگتلة هاك حسوني انطي لامي هو اخذة من ايدي وگالة بضحكة هلا بحبيب خالة شلونك جاوبة حسوني بضحكة ثين واي فديتة بعدة ما يحجي زين
سمعت صوت السيارة باوعت لگيت آدم طلع السيارة سلم على آسر واني رحت قفلت الباب ودعت آسر وصعدت السيارة بقيت الطريق كلة هادئة وافكر باليصير وياي وآدم مشغل قرآن جان الصوت كلش مريح
YOU ARE READING
غموض جارنا
Romanceواني جاي امشي انصدمت من الشفتة والدنيا مغرب والمكان يخوف ومهجور بس اراضي زراعية ردت اصرخ من الخوف بس ايد منعتني وگالت لا تصيحين ديري بالج لا تصيحين بقلمي سناريآ
