عواصف الديار

العاصفه الثانيـة

#عواصف الديار 🔥

بقلمَـي  زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
____________
هلي أنتم سبب حزني
عكس ما اريد تدعولي علىٰ مصله
طحت طيحة دمع عالگاع
محد گالي اسم الله

جمدت من شفت المنظر واهتزت كُل ذره بجسمي ...
حاصر طفل وره المكتب ونازع جزء من ملابسه
منظر يلعب الروح ويسطر العقل

احتاريت شسوي اصرخ وافضح روحي
لو ادخل واورط نفسي
لو اطلع واعوفه وكأنُ شيئًا لم يكن
ما انطاني گلبي وحسيته اخوي الصغير
دفرت الباب ودخلت

التفت علي والولد ركض إلي
حضني من وره وضل يشهگ بخنگه 
سيطرت الرجفه علىٰ جسمي ماعرفت شسوي
ضليت واگفه واصفن

باوعت للطفل بيده علاگه مال جكاير ورصيد
لزمته من ايده واخذته وياي

صرت امشي سريع وما التفت وراي
عبرت الشارع وانطيت المحفظه لإبوي
درت وجهي علىٰ الطفل ونزلت لمستوىٰ
بعدت الثام ابتسمت وهوا بادلني الابتسامه
- سوالك شي؟

دنگ راسه ورد
- لا ما سوه

- حبيبي بعد لا تجي هنا هذول وحوش ما يرحمون

- چا وين اروح هذا رزقي

- روح لأماكن عامه ومفتوحه لا تدخل معامل لو محلات

- ليش ؟

- لأن بعض العدنه نفوسهم ضعيفه ومايخافون الله
ويسولك اشياء مضره

- بعد ما ادخل للوحوش

مديت ايدي ورددت - وعد هذا ؟ توعدني ما تدخل بعد

لزم ايدي واردف - وعد للموت

قبلت اديناته الصغار تقربت يم أذنه وهمست
- العالم وحوش علىٰ هيئه بشر لا تنغر بيهم

هز راسه متفهم حضني وراح
ضليت اباوعله بقهر ، الله يعلم شنو قصته
وليش هيچ يطلع يشتغل ابدال ما يتواجد بالمدرسه
يارب يوفي بوعده ومايدخل أماكن مغلقه