عواصف الديار

العاصفه الثالثـة عشر

#عواصف الديار 🔥

بقلمَـي  زهـراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

بالرُغم مِن الجليد الخارجي
والضحكات العاليه يوجّد بالعُمق جَهنّم.

....   "  M 3:00 / 1..2..3 "

ضل صدري يصعد وينزل برعب
وايدي ترجف .. عقچت الورقه وشمرتها
وكفت غمضت عيُوني اتناسيت الصار
جريت نفس ومشيت ...

المفروض ابقىٰ خايفه
واوگع
وارجف
وما اكمل باقي يومي
لكن التعويد علىٰ التهديد والقلق يخليكم تكملون يومكم بدون خوف
توجهت للمستشفى .. بلشت بالشغل اجه وقت استراحتي
اخذت لفه رجعت للغرفه گعدت اكل واتصفح بالنت
اجاني اشعار من رقم دولي .. شمرت اللفه علىٰ المكتب
ودخلت للرساله .. طاحت عيني علىٰ صورته
متغير وكبران .. كشت روحي ولعبت من ركزت بملامحه
صرت اقرف منه بشكل مو طبيعي
كتبت .. شتريد ؟

جاوب بسرعه
- شنو شتريد احچي عدل وياي

- مشتهي البلوك ؟

- احچي عدل

- لا والله  ؟ صدگ لو گالو فوك شينه گوات عينه

شافها دقيقه يله رد - خلينه نتفاهم

عفته عشر دقائق يله رديت - عليمن !
شتريد مني هاي ثالث مره احضرك وتدخلي من غير رقم شتريد

- اريدج .. گتلچ انه متندم نورس واريد نرجع

- هههههههه روح كرار مالي خلگك

- لهاي الدرجه كارهتني

- ما اكرهك

- تحبيني ؟؟؟

- ولا احبك

- چاا شني

- ماكو اي شعور بداخلي اتجاهك لو گايلتلك اكرهك اعرف معناهه
بعدك بداخلي بس اني لا اكرهك ولا احبك
شعورك بداخلي انتهى افهم

بعده يكتب حضرته وشمرت الموبايل
اخذت اللفه وطلعت لبرا .. اجتني البزونه عزلت اللحم عن الصمونه
وانطيته الها ..

من توصلون المرحله الا شعور أتجاه شخص
بعد ماكنتوا مولعين بالحُب والود اتجاها
هنا اعرفو هوا مات بگلبكم وبعد مايهز شعره منكم
سبحان الله الذي زرع عدم المبالاة بعد ما كان حُب قوي
خلصت يومي بوجع راس دوخه بدوخه الشغل