عواصف الديار

العاصفه الحاديـة عشر

#عواصف الديار 🔥

بقلمَـي  زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________
هلا بحَيلي وبعِد حَيلي
ضوهَ عيوني وسهَر ليلي ❤️

انتبهتله فتح البدي مال السياره وتقدم للبيت
مات الدم بجسمي و توقفت نبضات گلبي من شفتهم
شايلين جثه مقطوع راسها   .....

خلوها بكُل هدوء ليوره .. ضلو واكفين ورجع واحد منهم دخل
طلع شايل علاگه تنقط دم والضاهر هذا رأس الچثه
شمرها مثل الطوبه ليوره .. سدو البدي غسلو اديهم وصعدو
لحُسن حضي كان وجه السياره للحايط
يعني اني اشوف ضهر السياره
وينراد يرجعون حتىٰ يطلعون من الدربونه

صعدو كُلهم اتاحت إلي الفرصه ادخل لداخل البيت
صرت ازحف علىٰ ركبي واتلفت.. مسافه قليله بين البرميل والبيت
لكن كانت طويله بالنسبه إلي .. اتشاهدت من دخلت للبيت ..

طلعت سمراء تلبس بشالها و وراها ولد
نصدمت من منظري خزرتها وصگيت سنوني
أشرت بأيدي بمعنىٰ اگعدي .. عقدت حاجبها وتقدمتلي
همست بصوت خايف - اگعديييي

خافت وگعدت .. صارت وره الحايط
سمعت صوت السياره تقرب تشنجت اطرافي من استوفقت يمنه
سمعت واحد منهم يگول - معقوله اكو بشر هنا؟؟

رد علي الثاني - لايمعود منين يجي

- انتبه للگاع بالرمل أثر شخص زاحف من هذا البرميل للبيت

- تلگى چلب مو انسان دباوع للبيت يخوف منو يدخله

- ما ارتاح اله اتأگد بنفسي

سمعت فتحت الباب انتهيت بلحضتها واشاهدت
بس يدخل من الباب يشوفني اني گاعده بصفه ..
خليت ايدي علىٰ گلبي ورددت
- ياعلي ياعلي احفظني استرني ياعلي

من قوه الشمس شفت ضله واگف گبال الباب
مركز داخل البيت ويباوعله .. لساني يلهج بيـا علي
ودموعي تجري وگلبي ينبض بقوه مفرطه
اذا شافوني مستحيل يخلوني عايشه
ماريد اموت علىٰ ايدهم بطريقه بشعه ومقرفه

ثواني بس وابتعد الضل .. سمعت صوت باب السياره مره ثانيه
معناها رجع صعد ... ضحك الاول وگال
- مو گتلك چلب