عواصف الديار

العاصفه التاسعـة

#عواصف الديار 🔥

بقلمَـي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

شگد لگيت وجُوه سمرهَ .. وماعثرت ألا بـ سمارك💙

" بدأ العد التنازلي للنهايه لم تتبقىٰ الىٰ أيام معدوده "
جمدت اطرافنه ونعقد اللسانه . عم الصمت بانحاء المكان
شهكت نورس وخلت اديها علىٰ وجها تبچي
احتميت بشهرزان وصرت وره ضهرها .. عميمه وگعت بالگاع خايفه
بس شهرزان البينه بقت قويه وما خافت
- شهرزان : شبيچن صدُگ عود ؟؟؟ لاتخافن هسه يطلع واحد سكران
وحرامي وراد يخوفنه

- نورس : همه اجوني يردوني انيييي

- شفتي شمكتوب ؟ لا فدوه اريد اعرس ماريد اموت

- شهرزان : اششش اشش كُلشي ماكو يلااا گومن نرجع للغرفه

گومنه نورس ورجعنه .. گعدنه بالزويه وعينه علىٰ الباب
- شهرزان : شگد خوافات اوي

- ومساعه منو الكمز من گالت نورس سمعته حچه ؟

- شهرزان : اي يعني توقعته وراي واني ما متحضره

- المن ؟

- شهرزان : لسحلته

- بالضيم إنتِ

- نواهل : طالعه علىٰ عمتها ماتخاف

- مبين من تعابير وجهچ

- نواهل : جاي اسمع صوت علي وينه !!

- ياااا نسيته بالدكان

- نواهل : وعايفته يصيح

وگفت يم باب الغرفه خايفه اطلع
- يا يا والله من وره الخوف شهرزان جيبي الموبايل

طلعت بالضلمه راحت جابته واجت
- الووو

- علي : سُكررررر هاي إنتِ

- ايي نسيت الموبايل بالدكان

- علي : اشتعلتتت صفحتچ
سدا بوجهي رجعت دگيت مايجاوب
شمرت الموبايل ورحت توضيت وصليت
الخوف طاغي علىٰ ملامحنه والصمت موقفنه
صار الفجر وطلع الضوه .. بدلنه وطلعنه نورس نزلت يم المستشفى
واني يم جامعتي وشهرزان راحت لجامعتها
دخلت ما طايقه نفسي وكُل تفكيري يم علي
حاولت اتصل بي لكن ما احصله .. حضرت بس المحاضره الاولىٰ
الباقيات ضربتهن وگعدت بالحديقه .. اتصل واتصل وهوا ماكو
طگيتها بـ بچيه وشمرت الموبايل
دنگت اتفحصه  شفته تفلش عضيت شفتي السفليه متندمه