عواصف الديار

العاصفه التاسعـة عشر

#عواصف الديار 🔥

بقلمَي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

وما كُنت أهوى الدّار إلا بأهلِها
على الدّار بعد الرّاحلين سلامُ

شدت ملامحها وگالت
- وياچ ضرتچ .. وأسهلها الچ أكثر زوجه زوجچ الأولىٰ  ....

جمدت بمكاني .. طلعت الحجيه رسن صاحت
- رسن : تعاي يمه سناء

راحت إلهًا وآني جامده شارده الذُهن
القت نظره استهزاء إلي ودخلت جوه .. فزيت من صفنتي
دخلت وراهن .. شفتها گاعده ابيناتهم حچيت بحده
- منو هاي ؟ تگلي ضرتچ

محـَد جاوبني كُلهم ياكلون برهاوه وعينهم بماعونهم
ضربت الباب وكملت - انخرستووو احچو هاي منوو

- سحر : شنهي غرتي علىٰ سعد ؟ مو بلگوه وافقتِ علي

- مو معناها تستغلوني مو معناها ما تحترموني

- رسن : اي هاي زوجته الأولىٰ تصير بنت عمه هذا بيتهم البصفنه
وصاله سنتين مزوجها .. وسعد من عشگچ وافقنه عليچ بس بشرط

عقدت حاجبي جاي شيصير ؟؟ كملت والكُل مركز وباها
-  رسن : وافقنه ناخذچ بس كون تخلفين النه وتنطينهم لسناء هيه التربيهم

- ههههههههه جايبيني هنا حيوانه اخدمكم واخلف
تحلمون احبل والله تحلمون

عفتهم ورجعت للغرفه
قفلتها ودخلت بنوبه هستيريه .. شكو شي گدامي شلته وكسرته
گعدت ابچي وهلمره ابچي علىٰ روحي

اصعب مرحله توصلون إلها البكاء علىٰ النفس
علىٰ نفسكم التبعثرت .. ومستقبلكم المجهول
وحاضرك السوداوي .. وشبابكم الضاع

طرق الباب مسحت وجهي وطلعتله
دفعني ودخل قفله ندار علي وابتسم
- سعد : غرتي علي ؟

- لا والله أبدًا

- سعد : چا عليش البچي وعيُونچ محومره

- ابچي علىٰ نفسي مو علىٰ غيرها

- سعد : ماعليچ بيهن انه احبچ

- تحبني ههههههه تحبني وتأذيني

- سعد : تحملي أذيتي وضربي وقساوتي