عواصف الديار

العاصفه السابعـة والعشرون

#عواصف الديار 🔥

بقلمَي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________
غَصه بصَدري ضَلت من حَجيهُم .

اجاني صوته يحچي بلهفه وفرح بنبره من زمان ما سامعتهه بصوته
- علي : شهرزان لگيت آن والله لگيتها ...

شهگت فرحانه
- علي : لگيتها شهرزان وأخيرًا
ادعي كمليني بدعواتچ .. راح اخوض الحرب وانقذها

- ياحرب شصاير شبيها وين هيه ؟

- علي : ما اگدر اجاوبچ هسه بس وعد راح اجيبها
ادعي هواي ادعي النه شهرزان

- ان شاءالله بحق الحُسين علي ويانه احنه كُلشي يتسهل علينه

- علي : بعونه يضهر الحق ويخسر الضلم

- اريد اشوف اختي حباب جيبها ألي اريد احضنها
واشمها واحچي وياها

- علي : بعون الله واهل البيت اجيبها

زرع شعور الطمئنينة بداخلي
سديت الخط وبوجهي سجدت شكر
دعيت وماردني سبحانك شگد عظيم وحنون

دعيت تكمل فرحتنه وترجع آن لحضنه
ابينه بوسطنه تضحك وتسولف وترتاح
بس ياترى هل راح تنسىٰ الصار ؟ راح تگدر تعيش طبيعي
يارب تكون بخير ومابيها شي يا اللهي يا اللهي

اجتني ام الكلابيات تاخذهن
سلمتني فلوس وبوجهي رحت لأم نور
انطيتهن الها ماقبلت بس اصريت خطيه همه الهنا
علىٰ گد حالهم يادوب يطلعون مصرفهم تالي اخذ منهم

رجعت للبيت قفلته
حيل اخاف اعوف شي مفتوح الشباك مال دكان
لو الباب .. اقلفهن اكثر من قفل يله ارتاح

مشت الايام هيچ
اني هنا بوسط البيت قلقانة خايفه متوترة
الخوفني اكثر علي موبايله نغلق واختفىٰ
ضليت اكل بنفسي ابين اربع حيطان
بدلت لـ عبد الله الحمدلله صار زين بفضل الله ثم الدكتور

احس گلبي انوخذ من مكانه وبس ابچي من اتمرض
عرفت صار كُلشي بالنسبه الي وتعلقت بي بشكل مو طبيعي
شعور الامومه غير احساس ولا حاسيه بالدنيا يخبل
ربي يرزق كُل محروم بالذريه الصالحه ويفرح گلبه

بالليل نايمة سمعت صوت قوي
صياح برا وصوت دوريات شرطه
خليت ايدي علىٰ گلبي خايفة .. گمت فتحت الشباك ومديت راسي اباوع
شفت ام نور واگفه ومخليه اديها علىٰ حلگها
سألتها شصاير ردت وهيه عينها علىٰ نهاية الدربونة
- ام نور : لچ عيني أخذو بيت الشيخ حامد كُلهم ....