عواصف الديار

العاصفه السابعـة عشر

#عواصف الديار 🔥

بقلمَي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________
ڪُـلشـي ضـدي
حَـتـى هذا اللـيَل ضـدي
مِـن بـديت اسـهَـࢪ غُـفـه
وخَلاني وحـدي

- سعد : غزاله إيهاب خليني استلذ بيچ اليلة ...

تقربلي بوحشيه مثل الفريسه من تهجم علىٰ فريستها
ماتحملت قرفه انغمىٰ علي .. وره فتره زمنيه فتحت عيني بثكل
خجلت من وضعيتي سحبت الشرشف غطيت جسمي
صابتني نوبه سعال صرت اكح بهلع .. اختنكت بألف ياعلي
رفعت نفسي أخذت بطل الماي بإيد ترجف قربته يم شفتي
صار يطيح مني منا ومنا .. شربت رشفه وحده وطاح مني البطل
وگفت ارجف لعبت روحي من المنضر
لبست كلابيه لملمت الغرفه .. حضرت ملابسي وطلعت
الحمام صاير بصف الغرفه .. دخلت  گعدت بالگاع سندت ضهري للحايط
ضربت جبيني وخرمشت خدي ولطمت وبچيت من ورا قراري
ممُكن كلمه وحده تگولنها بوقت غلط ترسلكم للهلاك
وين چنت و وين صرت .. أول يوم وهيچ باقي الأيام شلون ؟
شلون راح اگدر اتحمل انسحب من أولها واستسلم !
هزيت راسي بالنفي واردفت بهمس
- هذا خطأي ولازم اتحمل نتيجته

أحذرو من اتخاذ القرارات بوقت انتو متعصبين لو ماتعرفون
تتصرفون .. اهدئو ابقو شهر شهرين بس تفكرون
بعدها قررو وامشو وره عقلكم مو وره گلبكم
تصرفو بقوه وذكاء مو مثلي بغباء وتسرع
حتىٰ لاتنهون نفسكم والحواليكم مثل ما أني سويت
والنتائج السلبيه الراح تصير من ورا قرار انوخد بساعه خوف ودون تفكير

طلعت صار بوجهي سابح ومبدل
ورا خواته وامه وجدته فرحانات و وحده منهن هلهلت
عفتهم ورجعت للغرفه .. گعدت انشف بشعري
دخل يهرول رگع الباب بقوه فزيت
رفعني من إيدي .. عيُونه تخوف حمر
- سعد : ليشش ماسلمتي

تغرغرت عيُوني بالدموع ضل صافن بوجهي
خفت لا يعيد حركته بس صار العكس
حضني بقوه !

ضليت اضرب بي اريد ابتعد مقيدني
- سعد : أذيتچ ؟

ماجاوبته ضليت انحب .. ابتعد مني مسح وجها وگال
- سعد : اسف والله اسف ما أدري بروحي تدرين بيه انه
احبچ وماريد أذيتچ

ابتعدت منه خايفه هذا شبي؟
درت وجهي ضليت ادور علىٰ فراش .. اسمع بس نفسه وراي
لگيتلي فراش فرشته نمت وغطيت نفسي
جوه فراشي انحب لحد ماتعبت وغفيت .. فزيت علىٰ صوت صياح قوي
شفت سعد ماكو لبست شالي وصرت يم الباب اخاف اطلع
صوت ثنين نسوان يتجادلن ويه بعض
خليت أيدي علىٰ شفتي بحياء من سمعت الفاظهن