#عواصف الديار 🔥
بقلمَـي زهراء الساعدي
جميلاتي لاتنسون التصويت والتعليق بين الفقرات
+ متابعه لحسابي 💋
____________
كان درساً عظيماً ، كلفني قلبي بأكمله
زحفت ادور علي ، ماگدرت اقاوم اكثر كحيت التراب
ونزلت راسي للأرض عيُوني بدت تغوش ونفسي صار سريع
رنت أذني ودگات گلبـي صارت سريعه
بادت روحي وماحسيت بعد بشي ......
فزيت علىٰ صوت ضجيج
فتحت عيني وغمضتها اكثر من مره يله گدرت اشوف بوضوح
باوعت بتعب لارجاء المكان ، غرفه مابيها غير السرير
صوت جهاز القلب يرن بأذني ، المغذي معلگ بأيدي
رفعت ايدي اليسرىٰ تلمست راسي ، ملفلوف وحراره الدم ضاهره بره
عصرته بقوة اريد اتذكر الصار وياي
- شجابني لهنا ؟ وين چنت أخر مره !!
ضربت علىٰ جبيني اكثر من مره
ربع ساعه يله استرجعت ذاكرتي الاحداث
- اني چنت وياا !! أخر مره زحفت ادور علي وانغمىٰ علي
نهضت من السرير بهلع ، شلعت الكانونه والاجهزه
ضلت ايدي تنزف ما اهتميت ، امشي واعرج بملابس العمليات
اطوطح بل ممرات اخذتني اقدامي لصوت الضجيج
ناس تصرخ ناس تركض ، رفعت عيني شفت هذا باب الطوارئ
صرت اهرول بين الناس بالرغم من مأساتهم رمقوني بنظرات تعجب
صرت يم الباب مديت رجلي اليمنىٰ اريد اطلع
صارت ايد علىٰ كتفي سحبتني للداخل
- مجنونه انتِ شنو هذا المنظرر !!
نترت ايدها ورديت - اي مجنونه ابتعدي مني
- عفوًا هاذي مو مصحه للعقول المن جايبنچ هناا ؟
- اولاً اني ما اجيت هنا انتم الجبتوني
ثانياً وكـ معلومه ألچ المجنونه ماتعترف وتگول اني مجنونه
نظرتلي من رجليه لراسي رفعت حواجبها الثنين ماعاجبها الوضع
ردت اطلع ثاني مره استوقفتني
- انتِ مسؤله من عدنه مايصير هيچ اطلعين
باوعت لأيدي وكملت
- اضاهر هاربه منا لأن حتىٰ الكانونه خالعتها
- هاربه مجنونه كُلشيي البيه انتِ مالچ دخللل
رفعت اصبعي وأشرت للوراها
- روحي ساعدي هذول الناس احسن من ثرثرتچ الزايده
YOU ARE READING
عواصف الديار
Mystery / Thrillerأهَـلاً بَـكُم فيَ عواصف الديار سَوف تشاهدون الكثير من الغل والطغيان هيا بنا لنغوص معـًا ونعيش الحُب والفقدان .. باللهجه العراقية روايـة حقيقيه ، بقلمَـي زهراء الساعدي توضيـح لا احلل اخذ الروايـة ونشرها اطلاقاً
