عواصف الديار

العاصفه السادسـة

#عواصف الديار 🔥

بقلمَـي  زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
____________
بخت ينراد حتىٰ نعيش مرتاحين

- آن : باعتنه للعصابه ........

استغربت من الگالته رديت مستهزئه
- هههههه شتحچين إنتِ ؟

مسحت دموعها ولزمت ايدي تگومني
- آن : تعاييي شوفيي بعينچ تعاي

سحبتني واخذتني للصاله جهضت عيُوني
من شفت الدولارات المشموره بالگاع
ضليت صافنه عليهن ما مصدگه
رجعتني للغرفه .. فتحت الموبايل شغلت مقطع فيديو
رفعته گدام عيُوني تشوفني
باد جسمي واختل توازني ركزت وي كُل كلمه تطلع منهم
كانت اتفاقيه كفيله بـ إنُ تگلب حياتنه رأسا على عقب

............

ركزت بملامحها سوده اعليه شلون نايمه بتعب
دمعت علىٰ منظرها تقربت قبلت راسها وغطيتها
هواي جاي تتعب علمودي جاي تعيش بضروف اكبر منها
شگد قويه وصبوره لو اني بمكانها ما اتحمل دقيقه بهذا الوضع
اخذت الموبايل نسحبت من الغرفه
طلعت أمشي علىٰ اطراف اصابعي
صرت بالمرجوحه نظرت للداخل تأكدت محد موجود يله خابرت
رفعت الموبايل لأذني وعيني علىٰ باب المطبخ
اجاني صوته بلهفه
- هلأ هلأ

- هلأ بيك

- وبيچ اكثر سُكرتي شلونچ

- الحمدلله وأنتَ

- هسه صرت بخير

- تقشمرنيي

- افا عليچ يعني ماتدرين بصوتچ هوا علاجي ؟

- دكتور غزلك كُله بالعلاج

- هههههههههه شسوي متأثر بالشغل

سكتت بعدها رديت بدلع - دكتورييي

- ياروحه .. جاي تعذبيني سُكر گلبي رچيچ مايتحمل

- ياا شسويت

- جريتيني بنعوصه سطرتني سطر

- بعد ما اعيدها

- سُكر

- عيُوني

- شتگولين ارجع اخطبچ

- ما راح توافق عليك