عواصف الديار

العاصفه الثامنـة عشر

#عواصف الديار 🔥

بقلمَي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

مَاينسـد مَكانك سكَف بيَت وطَاح

جمدت اطرافي ونشلت عن الحركه
من شفت سمراء معلگه علىٰ البنكه ...

شكلها وعيُونها وكُلشي بيها ما اگدر أنسىٰ
تقدمت مثل الخبله ارفع برجليها واصرخ
- ساعدوهااااااا

دخل سعد سحبني من إيدي
- سعد : لا تتغابين ماتت وانتهت شنو نساعدها

بعدته مني ورجعتلها
- ما ماتت عايشه

رجع أخذني وهلمره شمرني بالحديقه
- سعد : لا تتخبلين انتحرتتت راحت ماتتت

شهگت بحرگه وصرخت
اجت سحر و الحجيه رسن .. ضربتي بالعوچيه وردت
- رسن : لا تتعايرين اسكتي حيوانه

نظرت الها بغضب ورديت
- ماكو غيركم حيوان روح راحت بشر چان
وياكم مات شنو هلبرود العدكم ؟

ضربتني بقوه وسعد رفسني علىٰ بطني
ماهتميت ورجعت شفتهم منزلينها ويردون ياخذونها
حضنت ام سمراء اصرخ .. أخذوها وارحو

گعدت بالگاع اشهگ
راحت سمراء وماخذت كُلشي وياها بس أعمالها
اتذكر من رادت تصير شيخه وتاخذ فلوس وتكبر بيهن
شحصلت هسه ؟ ولاشي خسرت الأول والتالي والأهم روحها
دخلت لغرفتها أخذت موبايلها ضميته بصدري
ردت اطلع لمحت ورقه علىٰ الميز  أخذتها شهگت من قريت المكتوب
هواي كلام اعتاب و غلط وسب علىٰ اهلها
جهضت عيوني مستحيل هيه تكتب هيچ مستحيل

عقچت الورقه ردت اذبها ترددت
ضميتها وي الموبايل وطلعت اهرول
قفلت غرفتي طلعت الصندوق
فتحت كتابي ..  شفت الكاتبته كلامها و وصيتها إلي
خوفها قلقها توسلها كُلشي مر علىٰ بالي
ربطت الأحداث واقتنعت سمراء نقتلت علىٰ إيدهم

گمت ردت اطلع واگلهم أنتم قتلتوها
توقفت وتذكرت جملتها " تصرفي بذكاء وياهم "
تراجعت للخلف صرت ارجف واتحرك دون اراده
شگد شفت احداث من طفولتي للأن بس مثل إحداث الديره
وخصيصًا إحداث القصر ما شفت بقوتهن ..

گعدت خليت ايدي علىٰ بلعومي
صرت اهدي بروحي واحچي بكلمات ما مفهومه ومبعثره
- أخر آمل إنتِ لاتگعدين لاتنكسرين لاتفكرين بغباء گومي