عواصف الديار

العاصفه الواحدة والعشرون

#عواصف الديار 🔥

بقلمَي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

صدك رايح يروحي .. ماتردلي
انه مشتاك اشوفك .. ماتردلي
شنو يعني انتهت .. ماتردلي
اموت ولاترد بعدين اليه

وگفت ارجف فقدت عقلي وجن جنوني
من شفت ام سمراء تركض بالحوش محترگه ...

صرختها للأن ترن بأذني من حلات روحها ضلت تفتر بالحوش
فرفحت روحي عليها تقدمت اشمر ماي
طلعو كُلهم من جوا .. علىٰ أساس اختبصو وطفوها
بس بعديش بعد ما ماع جسمها وتشوهت تشوه
نقلوها للمستشفىٰ ضليت ابچي عليها
- سناء : عوده صايرتلي حنينه ياهو اليصير بي شي تبچي علي

- شلون ما ابچي مو ابيناته زاد وملح مو مواقفها حلوه وياي
شتردين اضحك ؟

- سحر : ههه ضعيفه الىٰ اقل درجه
ماتوصلين لأضفر قوتنه

مسحت دموعي ثنيت شفتي ورديت
- انتن معتبرات نفسچن قويات !! هه كُلش غلطانات

تقربن يمي يردن يخوفني وگفت ارجف صرت گبالهن واردفت
- القوه لابالضرب ولا بالسان الطويل
القوه بالعقل والأداب والاخلاق والثقافه والكلام
انتن وقحات مو قويات

انحقنت وجوهتهن من العصبيه اندارن عليه ملخني تملخ
لزمت بطني اتلاوه من الوجع .. تراجعن خايفات
اجت الحجيه شافتني وسودنت
- رسن : شسويتن ولچن راح ابنه راح

اجو سعد وحامد يهرولون تخبلو مو عليه علمود البطني
رفعوني للغرفه .. وره شوي اجت القابله
لزمت بطني كُلهم واگفين ينتظرون
ثغرت الابتسامه علىٰ وجها واردفت
- شيخه اريد بشارتي

وگفت ودگت بالگاع بعوچيتها كملت القابله
- حفيدكم بخير

ابتسمت وبينت اسنانها
- رسن : ولد

- والبشاره بشارتين توم ولد

تعالت اصواتهم نصها تضحك نصها تهلهل واني شارده
لزمت بطني وصابني مثل الشعور غريب
معقوله هذا شعور الأمومه ؟
سبحان الله ماتمنيت احبل ومن حبلت شلت هم وكلت شلون بتربيه
وطلعو توم ؟ بعدني ممصدگه وما استوعب بمجرد تلزم بطني تعرف