"ဒူတူရူရူးရူ ... တူးရူးရူးရူ ... ဒါ ဒါ ဒီ ဒီ ... ""အံမယ်... တယ်တက်ကြွနေပါ့လား ကောင်မ.. ဒီညကရော ဘယ်မှာပါတီတုန်း"
သီချင်းလေးတအေးအေးဖြင့် မှန်တင်ခုံရှေ့တွင် ညည့်ငှက်မလေးအသွင် ကပို ကယိုဆန်သော အဝတ်အစားအဖြင့် အရိုင်းဆန်စွာ လှပနေသော " She" ဆိုသည့် သူမအား သူငယ်ချင်းဖြစ်သူ ချယ်ရီမှ စနောက်ကာဖြင့်မေးလိုက်လေသည်။
သူမက မျက်ကပ်မှန်တပ်နေရင်းမှ..
" ဂျိုနသန့်ညီ bachelor night party လေဟာ... နင်လိုက်မလား လိုက်ခဲ့လေ ဟိုမှာ လူငယ်တွေချည်းပဲဟ ...ဟဲဟဲ... လေထဲပျံမယ်...ခေါင်းတွေခါကြမယ်လေ... ကစ် ကစ် "
သူမက မျက်စိတစ်ဖက်မှိတ်၍ တစ်စုံတစ်ခုအား ကိုက်စားဟန်ဖြင့်
"Chickတွေဆွဲစားမယ်လေ"
ချယ်ရီက ရယ်သွမ်းသွေးလျက် ခေါင်းခါ၍
" တော်ပါဟယ်... နင့်ဟာနင်စားပိုးနင့်အောင်ဝါးစမ်းပါ... ငါတော့သွားကိုက်နေလို့ သားသတ်လွတ်စားလိုက်ပြီ ဟဲဟဲ"
Chick ဆိုသည်မှာ သူမတို့သူငယ်ချင်းများကြားတွင် ယောကျာ်းလေးများအား သုံးသည့်ဝေါဟာရတစ်ခုပင်။
ယောကျာ်းလေးများက မိန်းကလေးများအပေါ်တွင်သာ သုံးနှုန်းသော ထိုစကားအားသူမတို့ အနေဖြင့် နိုင့်ထက်စီးနင်းဆန်သည်ဟု အားလုံးပင် တစ်သမတ်တည်း ယူဆကြလေ၏။
ထို့ကြောင့်သူမတို့က တစ်ပြန်တစ်စီး နာမ်နှိမ်သည့်အနေဖြင့် သူမတို့သတ်မှတ်သည့် ထိုဝေါဟာရအား နာမ်စားသုံးခဲ့ကြလေသည်။သူမတို့အဖွဲ့မှာ စိတ်ဓါတ်တူ၊ အတွေးခေါ်တူ ၊ ကဲတာချင်းလည်းတူ ကြသောကြောင့် အတွဲညီညီပေါင်းသင်း၍ရပေသည်။ ထို့ကြောင့်လည်း သူမတို့ ခြောက်ဦးမှာ ကျောင်းဆောင်တွင်မနေပဲ ငွေကြေးတတ်နိုင်သူများဖြစ်သည့်အားလျော်စွာ ကွန်ဒိုတစ်ခန်းအား စုငှါးကာ ပါတီတက်လိုက်၊ ကျောင်းတက်လိုက်ဖြင့် စာသင်နှစ် အချို့အားကုန်ဆုံးစေခဲ့သည်။
"She" ဟုတင်စားခေါ်ဝေါ်ခံရသည့် ကျောင်း၏အလှဂုဏ်ဆောင် သူမ၊ ဇိုဝီဆိုသော အဆဲသန် အစနောက်သန်သည့်ဆတ်ဆတ်ကြဲမိန်းမပျိုလေး၊ ညဆို ပါတီများတွင် မူးယစ်ဆေးအသုံးလွန်ပြီး မနက်ဆိုလျှင် သေကောင်ပေါင်းလဲ အိပ်တတ်သော "Sarah" ၊ ရည်းစား သုံးယောက်တစ်ပြိုင်တည်းထားထားပြီး round လှည့်နေသော ကလိုဝီ၊ သူမတို့ထဲတွင် စာဂျပိုးဟု အစခံရသော "ဟန်နီ"
YOU ARE READING
Stories For Long Nights
HorrorStories For Long Nights အကြောင်း တစေ့တစောင်း တချို့က လုံးချင်းဝတ္ထုလို့ထင်နေလို့ပါ။ လျှို့ဝှက်ဆန်းကြယ်၊ သည်းထိတ်ရင်ဖို ဝတ္ထုတို အပိုင်းလေးတွေ စုစည်းထားတဲ့ စာအုပ်ပါ။ ဘာလို့၊ ဘာကြောင့်၊ ဘယ်တုန်းက၊ ဘယ်နေရာ စသည်ဖြင့် တွေးစရာမလိုပဲ " ဘယာနက" ရသ သီးသန့်...