{Unicode}
Translators - Li Zhen & Xiao Chong
စိတ်လှုပ်ရှားစရာကောင်းသည့်ရန်ပွဲတစ်ခုကြည့်ရခြင်းဟာ စွမ်းအင်အမြောက်အများကုန်ဆုံးစေနိုင်သည်လားတော့မသိ ၊ လင်းယွီကျင်းမှာ ညဘက်နှစ်နှစ်ခြိုက်ခြိုက်ကို အိပ်ပျော်သွားတော့သည်။ ဤနေရာသို့ရောက်လာပြီးသည့်သုံးရက်အတွင်း ကောင်းကောင်းမွန်မွန်အိပ်ပျော်မိခြင်းလည်းဖြစ်သည်။
တစ်ညလုံးအိပ်မက်ဟူ၍မရှိ ၊ နောက်တစ်နေ့မနက်ခင်း နိုးလာသည့်အချိန်တွင်ပင် ဝေဝါးဝါးနှင့် မိမိ၏နဂိုမူလအိမ်ဟု တစ်ခဏထင်မှတ်သွားမိခဲ့သည်။
မျက်တောင်တစ်ဖျက်ခတ်မိရင်း ပန်းနုရောင်အခန်းစီးလိုက်ကာစများနှင့် နို့နှစ်ရောင်ကော်ဇောချပ်တို့မြင်လိုက်သည့်အခါတွင်မှ ဖြည်းဖြည်းချင်းအသိစိတ်ပြန်ကပ်လာ၏။ အရှိတိုင်းဆိုရလျှင် ကွမ်းရှန့်မိန်သည် အပေါ်ယံအရာများ၌ အကောင်းမွန်ဆုံးလုပ်ပြပေးထားသည်ပေ။ လင်းယွီကျင်း မရောက်လာခင်အချိန်ကတည်းက သူမ၏အိပ်ခန်းအား ပြင်ဆင်ပေးထားသည့်အပြင် အပြင်အဆင်နှင့်လိုက်ဖက်သည့်အမွေးပွအရုပ်များ ၊ စျေးကြီးသည့်ညအိတ်ဝတ်စုံဝမ်းဆက်များ ထည့်ပေးသည်မှာ ကြည့်လိုက်ရုံနှင့်ပင် စိတ်နှစ်ကိုယ်နှစ်ပြုလုပ်ပေးထားသည့်အတိုင်း။
အကယ်၍များ ပထမဆုံးတွေသည့်အချိန်က သတိထားဖယ်ကျဥ်ချင်နေသောအကြည့်တို့ကိုသာ သည့်ထက်ဖုံးကွယ်ပြနိုင်ပါလျှင် လင်းယွီကျင်းအနေဖြင့် သူမအား လက်ရှိအချိန်၌ 'အမေ'ဟုပင် စိတ်ပါလက်ပါခေါ်ဆိုနေမိလောက်မည်ဖြစ်သည်။
အိပ်ရာထဲလူးလိမ့်ပြီးသည့်နောက်တွင်တော့ လင်းယွီကျင်း ရေချိုးအဝတ်စားလဲပြီး အောက်ထပ်သို့ဆင်းလာကာ ဖုမင်ရှို့နှင့်အတူ မွန်းကြပ်စရာကောင်းလွန်းသည့်မနက်စာတစ်ပွဲအား စားဖြစ်ခဲ့သည်။ နှစ်ယောက်သားက ထမင်းစားချိန်တစ်လျှောက်လုံး မည်သည့်စကားမှမဆို။ လင်းယွီကျင်းမှ 'မင်္ဂလာနံနက်ခင်း'ဟု နှုတ်ဆက်လိုက်ပါသေးသည့်တိုင် ဖုမင်ရှို့က တစ်ချက်ပင်မော့ကြည့်မလာဘဲ မျက်နှာမည်းကြီးဖြင့်သာ ထိုင်နေချေသည်။
YOU ARE READING
DDBM - Bai Re Meng Wo [ ဘာသာပြန် ]
RomanceNovel - Bai Re Meng Wo Author - 栖见 Chapter - 95 chapters & 4 extrs It is just a fan translation. Translators - Li Zhen & Xiao Chong ဇာတ်လမ်းမိတ်ဆက် >> ပညာသင်ဆုရရှိရေးအတွက် ပြိုင်ဆိုင်ကြသည်မှာ တောမီးလောင်သဖွယ် အကျိတ်အနယ်။ ကျောင်းအုပ်ကြီးရုံးခန်း...