{Unicode}
Translators - Li Zhen & Xiao Chong
လင်းယွီကျင်း အိမ်ပြင်ထွက်လာသည့်အချိန်မှာ ညနေခင်းနေဝင်ရီတရော ၊ သရဲတစ္ဆေဘဘက်များနှင့် တွေ့ဆုံတတ်သည့်အချိန်ပင်ဖြစ်သည်။
ဂျပန်နိုင်ငံ၏ရှေးခေတ်ကြားဖူးနားဝဒဏ္ဍာရီပုံပြင်များအရ လူသားတို့သည် ယင်၊ယန် နှင့် ဓါတ်ကြီးငါးပါးကို အယုံအကြည်ရှိကြပြီး နေ့အချိန်အခါနှင့်ညအမှောင်တို့ကူးပြောင်းသည့်တစ်ခဏတွင် မိစ္ဆာဥာဥ်များပေါ်လာတတ်သည်ဟုဆို၏။ လူသားများအနေဖြင့် လမ်းပေါ်လမ်းလျှောက်နေကြသူတိုင်းအား မိစ္ဆာသော်လည်းကောင်း လူသားသော်လည်းကောင်း မခွဲခြားတတ် ၊ ထို့ကြောင့် နေဝင်ရီတရောအချိန်အား မိစ္ဆာများနှင့်တွေ့ဆုံချိန်ဟု ပြောစမှတ်ပြုကြသည်။
ဤဒဏ္ဍာရီအကြောင်းအား 'ချိန်ယိ'မှပြောပြဖူးခြင်းဖြစ်ပြီး ထိုအချိန်တုန်းက သုံးယောက်သား ညနေခင်းကိုယ်ပိုင်စာကြည့်ချိန်အတန်းကိုလစ်၍ ခေါင်းမိုးထပ်၌ လေညှင်းခံနေကြခြင်းဖြစ်၏။ ညနေခင်းနေဝင်ခါနီးအချိန်ဖြစ်၍ တိမ်နီနီများက ကောင်းကင်တစ်ခွင်အပြည့်နေရာယူရင်း မီးတောက်သဖွယ်လွှမ်းထားတော့၏။
ထိုအချိန်တုန်းက ချိန်ယိမှ အသံတိုးတိုးနှင့်စကားဆိုလာ၏။
"မင်း လမ်းပေါ်မှာ လမ်းလျှောက်နေတယ်ထား.....မင်းဘေးနားဖြတ်သွားတဲ့လူက လူသားစစ်စစ်လား လူယောင်ဆောင်ထားတဲ့မကောင်းဆိုးဝါးလားဆိုတာ မင်း ခွဲခြားလို့မရဘူး ၊ အဲ့ဒါကြောင့်မလို့ ဒီအချိန်အတွင်းမှာ အကယ်၍များ တစ်ယောက်ယောက်က မင်းနာမည်ကို လှမ်းခေါ်လာမယ်ဆိုရင် လုံးဝလုံးဝတုံ့ပြန်လိုက်လို့မဖြစ်ဘူး ၊ တစ်ချက်ပြန်ထူးလိုက်တာနဲ့ ဝိဥာဥ်အနုတ်ခံရပြီပဲ ၊ တကယ်လို့ တစ်ယောက်ယောက်က မင်း အနားကိုရောက်လာတယ်ဆိုရင်လည်း မင်းက သူ့ကို ဒီလိုမေးရမှာကွာ"
သူက လည်ချောင်းတစ်ချက်ရှင်းပြီး အသံနက်နက်ဖြင့် ;
"ရောက်လာတဲ့အသင်က ဘယ်သူလဲ!"
နံဘေးတွင်ထိုင်နေသည့် လုကျားဟန် ;
"ချိန်ယိ"
YOU ARE READING
DDBM - Bai Re Meng Wo [ ဘာသာပြန် ]
RomanceNovel - Bai Re Meng Wo Author - 栖见 Chapter - 95 chapters & 4 extrs It is just a fan translation. Translators - Li Zhen & Xiao Chong ဇာတ်လမ်းမိတ်ဆက် >> ပညာသင်ဆုရရှိရေးအတွက် ပြိုင်ဆိုင်ကြသည်မှာ တောမီးလောင်သဖွယ် အကျိတ်အနယ်။ ကျောင်းအုပ်ကြီးရုံးခန်း...