{Unicode}
Translators - Li Zhen & Xiao Chong
'ရေမြေအလိုက် ကြီးပြင်းလာသည့်လူခြင်းမတူ' ၊ လင်းယွီကျင်းမှာ သည်အချိန်သည်အခိုက်အတန့်တွင် ဤနေရာကြီးမှလူတွေအားလုံး ထူးဆန်းလွန်းသည်ဟုသာ တွေးလိုက်မိတော့၏။ အဘယ်ကဲ့သို့သောရေမြေမျိုးက ဤကဲ့သို့လူထူးဆန်းတစ်ယောက်ကို မွေးထုတ်ထားရသနည်း။
လင်းယွီကျင်း၏နဂိုမူလအတွေးလေးထဲတွင် ကျောင်းစတက်သည့်နေ့၌ မိမိကိုယ်ကိုမိတ်ဆက်ရသည့်အချိန်ဟာ ကသိကအောက်နိုင်စရာကိစ္စတစ်ရပ်ဟု ယူဆထားခဲ့ဖူးပါသေးသည်။ သို့သော် ယနေ့တွင်တော့ လျိုဖူကျန်းက သူမအား လက်တွေ့လုပ်ပြခိုင်းလာချေတော့၏။ မဟုတ်သေး....ငါ မင်းကို ဒီထက်ကသိကအောက်နိုင်အောင်လုပ်ပစ်မယ်ဆိုတာမျိုး....
မင်းရဲ့ထိုင်ခုံဖော်အပေါ်မြင်တဲ့ ပထမဆုံးထင်မြင်ချက်ကိုမိတ်ဆက်ပြရမယ်ကွ....ဟေးဟေး ငါ ဥာဏ်ကောင်းတယ်ဟုတ်....
လင်းယွီကျင်းမှာ သူမ တမေ့တလျော့အတော်ကြာကြာကိုဖိနှိပ်ထားခဲ့ဖူးသည့် ပုန်ကန်တတ်သောလူဆိုးဥာဥ်လေးများပင် ပြန်ထိုးကြွလာလုနီးနီး။
အကယ်၍ အတိတ်ကာလ သူမ အသက်ငယ်ရွယ်တုန်းကသာဆိုလျှင် သည်အချိန်အခါမျိုး၌ မလုပ်နိုင်သည့်အကြောင်း ပြောကောင်းပြောလိုက်ပြီးပြီပင်။
သို့သော် ယခုလက်ရှိအချိန်ဟာ အတိတ်မှမဟုတ်တော့ပေသည်ကိုး။
မည်သူကမှ အတိတ်ကာလထဲ၌ အမြဲတဝဲဝဲလည်၍တွေးမနေနိုင်သလို အတိတ်မှာချည်းရှင်သန်မနေနိုင်ပါပေ။
လင်းယွီကျင်း အသက်ပြင်းပြင်းရှိုက်၍ ရှန်ကျွမ့်နှင့်ပတ်သတ်သည့်အတွေးတို့ကို ပြန်လည်တူးဆွကြည့်လိုက်သည်။
သူ့ကို ဘယ်အချိန်မှာတုန်းက ပထမဆုံးတွေ့ဖူးခဲ့တာလဲ....
လွန်ခဲ့တဲ့သုံးရက်တုန်းက....
ဆယ်ကျော်သက်လူငယ်လေးက ခြုံစောင်တစ်ထည်ကို ခေါင်းမြီးခြုံပြီးတော့ ဆိုဖာပေါ်မှာ နှစ်နှစ်ခြိုက်ခြိုက်အိပ်နေခဲ့တာ....
YOU ARE READING
DDBM - Bai Re Meng Wo [ ဘာသာပြန် ]
RomanceNovel - Bai Re Meng Wo Author - 栖见 Chapter - 95 chapters & 4 extrs It is just a fan translation. Translators - Li Zhen & Xiao Chong ဇာတ်လမ်းမိတ်ဆက် >> ပညာသင်ဆုရရှိရေးအတွက် ပြိုင်ဆိုင်ကြသည်မှာ တောမီးလောင်သဖွယ် အကျိတ်အနယ်။ ကျောင်းအုပ်ကြီးရုံးခန်း...