{Unicode}
Translators - Li Zhen & Xiao Chong
လင်းယွီကျင်းမှာ စကားတစ်ခွန်းအား ပြောင်ကျကျနှင့်ပြောထွက်သွားပြီးကာမှ အသိစိတ်ကပ်၍တုံ့ပြန်လာနိုင်၏။ ပြောလက်စ,စကားများကို ရပ်ပစ်ချင်လိုက်ပါသော်ငြား အချိန်မမီတော့။ အဆင်ပြေလောက်မည့်စကားတစ်ခွန်းခွန်း ဖြည့်စွက်ပြောရန်စဥ်းစားလိုက်ပါသော်လည်း ကြောင်အမ်းနေသည့်စက္ကန့်ပိုင်းအတွင်း၌တင် စကားကုန်ပြောထွက်သွားနှင့်နေချေသည်။
အခြေအနေမှာ 'ဒီတင်ပါး' ဆိုသည့်တစ်ကြိမ်ကနှင့်ပင် တူမနေပေဘူးလား။
ဤတစ်ကြိမ်မှာကား ပို၍ပင်ဆိုးနေသေး ၊ ဖြည့်စွက်ပြောစရာစကားလည်း အမှန်တကယ်မရှိတော့ဘဲ ဆိုးဆိုးရွားရွားအနေအထားသို့ပင်ရောက်နေ၏။
လင်းယွီကျင်းသည် ရှန်ကျွမ့်တစ်ယောက် နှုတ်ခမ်းဟလိုက်သည်ကိုသာ ကြည့်နေမိ၏။
သာ့လောင်ကိုကြည့်ရသည်မှာ ယခုလိုမျိုးတစ်ခါမှအပြောမခံဖူးခြင်းကြောင့်ဖြစ်မည်ထင် ၊ ကြောင်အမ်းအမ်းဖြစ်နေရှာသည်။
သည်သုံးစက္ကန့်အတွင်း လင်းယွီကျင်းသည်လည်း သူမဟာ 'သူ ရိုက်လို့မသေရုံတမယ်ဖြစ်သွားတဲ့ထုံကျော' နောက်တစ်ယောက်ဖြစ်ပြီဟုပင် တွေးလိုက်မိသည့်အချိန်တွင်တော့ ရှန်ကျွမ့်က ရုတ်တရက်ထရယ်လေတော့၏။ အင်္ဂလိပ်ဖတ်စာအုပ်အားရှေ့တွန်းထုတ်လိုက်ပြီး ခန္ဓာကိုယ်အားခပ်မတ်မတ်ပြင်၍တစ်ဖက်သို့လှည့်ကာ နံရံနောက်သို့မှီလိုက်ရင်း အသောမသတ်နိုင်အောင်ရယ်၍လှမ်းကြည့်လာသည်။
ရှန်ကျွမ့်မှ လင်းယွီကျင်းအား ပထမဆုံးတွေ့ဖူးသည့်အချိန်ကဆိုလျှင် သူမဟာ လိမ္မာလွန်းသည့်လူတစ်ယောက်ဟုလည်း မထင်မိသလို အပေါ်ယံမြင်တွေ့နေရသကဲ့သို့ အန္တာရယ်မရှိလောက်မည့်လူဟုလည်း သူ မထင်မိပေ။ ကိုယ့်ကိုကိုယ်ကာကွယ်ဖို့ရာအတွက် စက်ပစ္စည်းတစ်ခုခုကို အသင့်ဖွင့်ထားသည်မျိုး သို့မှမဟုတ်လည်း အပြင်ဘက်လောကကြီးအား လုံးလုံးအရေးမစိုက်သည့်လူမျိုး ၊ လိုအပ်သည့်အခြေအနေမျိုးမဟုတ်လျှင် ခန္ဓာကိုယ်ထက်မှ ဆူးချွန်များကိုထုတ်မသုံးဘဲသိမ်းထားသည်မျိုးနှင့်တူညီလေသည်။
YOU ARE READING
DDBM - Bai Re Meng Wo [ ဘာသာပြန် ]
RomanceNovel - Bai Re Meng Wo Author - 栖见 Chapter - 95 chapters & 4 extrs It is just a fan translation. Translators - Li Zhen & Xiao Chong ဇာတ်လမ်းမိတ်ဆက် >> ပညာသင်ဆုရရှိရေးအတွက် ပြိုင်ဆိုင်ကြသည်မှာ တောမီးလောင်သဖွယ် အကျိတ်အနယ်။ ကျောင်းအုပ်ကြီးရုံးခန်း...