{Unicode}
Translators - Li Zhen & Xiao Chong
လင်းယွီကျင်းမှာ မိမိကိုယ်ကိုယ် ဥပေက္ခာပြုနိုင်လွန်းသည့် သဘောကောင်းသူတစ်ယောက်အဖြစ်ခံယူထားသည်ဖြစ်လေရာ ကိစ္စအများစုအား သူမ သည်းညည်းခံနိုင်လေ့ရှိအောင်ကြိုးစားသည်ပေ။ စိတ်အခြေအနေကိုပြန်ထိန်းညှိလိုက်ပြီး အသက်ပြင်းပြင်းရှိုက်သွင်းကာ စိတ်ငြိမ်စေမည့်ဘုရားစာအား အသံတိတ်ဖြင့်နှစ်ကြိမ်တိုင်တိုင်ရွတ်ဖတ်လိုက်သည်။
လူ့ဘဝဆိုတာ ကစားကွင်းတစ်ခုသာဖြစ်ပြီး ရေစက်ပါမှသာ ဆုံတွေ့ကြရတာ.....
ဘာလို့ရန်လိုနေရမှာလဲ....,
သို့သော်ငြား သင့်ဘဝထဲမှာ သောက်ပိန်းတွေ ၊ သောက်ပိန်းတွေ ၊ သောက်ပိန်းတွေ ၊ သောက်ပိန်းတွေ နှင့် အကြိမ်ရေတစ်ရာမက မှားယွင်းမှုတွေချည်းရှိနေမယ်ဆိုရင်တော့ လူတစ်ယောက် စိတ်တည်ငြိမ်အောင်ထားဖို့ အရမ်းခက်ခဲသွားပြီ.....
လင်းယွီကျင်း၏စိတ်ထဲ သူမနှင့်ဤမြို့ဟာ ယှဥ်တွဲမနေထိုင်သင့်သည်ဟုပင် တွေးမြင်လိုက်မိသည်။ ဆန်ခေါက်ဆွဲစားနေသည့်အချိန်ပင်လျှင် တရားလွန်ပြုမူတတ်သည့်လူတစ်စုနှင့်မှ တွေ့နေရခြင်း။ ဤကဲ့သို့အနိုင်ကျင့်သည့်နည်းလမ်းများက အလယ်တန်းကလေးများသုံးသည့်အကွက်ဟုပင် စိတ်ထဲတွေးလိုက်၏။
မျက်နှာချင်းဆိုင်မှ မိန်းကလေးသုံးယောက်ကိုကြည့်ရင်း စိတ်ရှုပ်လာ၏။ တကယ်တမ်း၌ သူမဟာ မိန်းကလေးများနှင့် ရန်မဖြစ်လိုပေ။
စိတ်လည်းရှုပ်ရသလို အမြင်လည်းကြည့်ရဆိုးသေးသည်။
မိန်းကလေးများရန်ဖြစ်သည့်အခါ ဟိုကုတ်ခြစ် ဒီကုတ်ခြစ် ၊ ဆံပင်ဆွဲ ၊ ဆဲဆိုကြသည်လောက်သာရှိသဖြင့် တစ်ဖက်လူ၏နည်းတူ ဆံပင်ပြိုင်ဆွဲပြီးဆဲဆိုနေရန်လည်းမဖြစ်ပြန်။ ရိုက်ပစ်ရလည်းခက် ၊ မရိုက်ဘဲထိုင်နေဖို့ရာလည်းခက်နှင့်။
ရှန်ကျွမ့်သည် အစားအသောက်နှင့်ပတ်သတ်၍ မည်သည်မှမဆိုဘဲ ဟယ်စုန့်နမ်တို့အုပ်စု စကားများဆူညံနေကြသည်ကိုသာ နားထောင်နေ၏။ ဟယ်စုန့်နမ်က ကျောင်းအပြင်ဘက်ရှိ ဆန်ခေါက်ဆွဲဆိုင်၌လာစားချင်နေသဖြင့် လူတစ်အုပ်လုံးက တက်တက်ကြွကြွနှင့်ချီတက်လာကြပြီး ဆန်ခေါက်ဆွဲဆိုင်ရှေ့အရောက်တွင် ဟယ်စုန့်နမ်က ဆိုင်အတွင်းဘက်သို့ကြည့်၍ ;
YOU ARE READING
DDBM - Bai Re Meng Wo [ ဘာသာပြန် ]
RomanceNovel - Bai Re Meng Wo Author - 栖见 Chapter - 95 chapters & 4 extrs It is just a fan translation. Translators - Li Zhen & Xiao Chong ဇာတ်လမ်းမိတ်ဆက် >> ပညာသင်ဆုရရှိရေးအတွက် ပြိုင်ဆိုင်ကြသည်မှာ တောမီးလောင်သဖွယ် အကျိတ်အနယ်။ ကျောင်းအုပ်ကြီးရုံးခန်း...