"ရှောင်းပေါင်!!!အခုဘယ်ကပြန်လာတာလဲ?"
ရှောင်းပေါင် ညနေက အိမ်ကကားအလာကိုမစောင့်ဘဲ ဝမ်ရိပေါ်အနောက်လိုက်သွားခဲ့တာ စကားပြောရင်းအချိန်ကုန်လို့ကုန်သွားမှန်းမသိ အခုပြန်ရောက်တော့ ည၇နာရီတောင်ရှိနေပြီမို့ ရွှယ်လုကတော်တော်စိတ်တိုနေပြီ ညနေကကားသမားကိုမေးတော့လဲ သခင်လေးက သူငယ်ချင်းနဲ့လိုက်သွားတယ်ထင်တယ်လို့ပြောတယ် ရှောင်းပေါင်သူငယ်ချင်းစီဖုန်းဆက်ကြည့်တော့လဲ ရှောင်းပေါင်က အရင်ပြန်သွားတာလို့ပြောတော့ ရွှယ်လုဒေါသတွေထွက်တာထက် တစ်ကယ်စိတ်ပူနေခဲ့တာ
အရွယ်ရောက်နေပြီဆိုပေမယ့် တစ်ခါမှအပြင်ကိုတစ်ယောက်ထဲမလွှတ်ဖူးတာကြောင့်ပိုဆိုးသည် ပြီးတော့ ပြန်လာတော့လဲ ဆိုင်ကယ်ပေါ်ကနေနှုတ်ဆက်နေတဲ့သူက ရှောင်းပေါင်ကိုလိုက်ပို့ပုံရတယ် သူ့သားဘာတွေများလုပ်နေတာလဲဆိုပြီးတော့လေ
"ရှောင်းပေါင်!!!ငါမေးနေတယ်လေ"
ရှောင်းပေါင်ကတော့ သူ့မားမားစိတ်တိုရင်ဘယ်သူနဲ့မှမတူတာမို့ ကြောက်ကြောက်နဲ့ ခေါင်းလေးငုံ့ကာ ကုပ်ကုပ်လေးနေနေသည်
"နင်မဖြေဘူးလား ဟမ်!!!"
"ဟို...ဟို...သူငယ်ချင်းနဲ့ခနလိုက်သွားတာ"
"ဘယ်ကသူငယ်ချင်းလဲ ငါလုဝေဆီဖုန်းဆက်ပြီးပြီ နင်အရင်ပြန်သွားတာဆို"
"ဟို တခြားသူငယ်ချင်း"
"ဘယ်လိုတခြားသူငယ်ချင်းလဲ ဘယ်ကလဲ ဘာသွားလုပ်လာတာလဲ"
"ဟို...ကျောင်းမှာခင်တဲ့သူငယ်ချင်းပါ ဆိုင်ကယ်လိုက်စီးချင်လို့ ခနလိုက်သွား..."
"ဘာ!!ဆိုင်ကယ်လိုက်စီးတယ်ဟုတ်လား ကျောင်းကပြန်ရင် အိမ်ကိုတန်းပြန်ရမယ်ဆိုတာ ငါမပြောထားလို့လား အခုလုပ်တာကြည့်စမ်းdriverကိုသွားကြိုခိုင်းတာ ကျောင်းရောက်တော့မရှိတော့ဘူး ဘယ်သွားမှန်းလဲမသိရဘူး လုဝေကိုမေးတော့လဲမသိဘူး ဘယ်သွားလို့သွားမှန်းမသိဘဲငါကဘယ်ကိုလိုက်ရှာရမှာလဲ အခုပြန်လာတာ ၇နာရီထိုးနေပြီ အိမ်ကလူတွေစိတ်ပူနေမလား နည်းနည်းမှမတွေးမိဘူးလားဟမ်!!!"
YOU ARE READING
I'll be there-မင်းအနားမှာ(The Deepest S2)
Fanfictionအရင်ကဆိုးခဲ့သမျှအပြစ်တွေကိုပေးဆပ်ရင်း အရာရာအရှုံးပေးပြီးချစ်သွားပါ့မယ်