နှစ်ယောက်သားရုပ်ရှင်ရုံကထွက်လာကတည်းက Seanက ကျောင်းကိုမပြန်ချင်တော့ဘူးဆိုလာတာကြောင့် နှစ်ယောက်သားပန်းခြံတစ်ခုမှာထိုင်နေဖြစ်သည် ကျောင်းမှာကျန်ခဲ့တဲ့ဆိုင်ကယ်ကိုတော့ ညမှသွားယူရတော့မယ်
"ကိုယ် ရေခဲမုန့် ရေခဲမုန့်"
"ဟင် ဟင်"
"ရေခဲမုန့်လို့!!!"
"ဟုတ်ပြီ ဟုတ်ပြီ ကိုယ်သွားဝယ်ပေးမယ်နော်"
ပန်းခြံအဝင်အဝကရေခဲမုန့်ဆ်ုင်လေးဆီသို့ လက်ညှိုးလေးထိုးပြီးပူဆာနေတဲ့ကလေးကြောင့် သူအပြေးအလွှားသွားဝယ်ပေးရသည်
Seanတစ်ယောက် သူခိုင်းလို့ပြာပြာသလဲ ပြေးထွက်သွားတဲ့သူကိုကြည့်ပြီး နှုတ်ခမ်းလေးတွေကွေးတက်သည်အထိပြုံးလိုက်သည် ပြီးမှမျက်နှာလေးညှိုးကာ စိတ်မကောင်းဖြစ်ရပြန်သေးသည်
ကိုယ်ကသူ့ကိုသိပ်ချစ်တဲ့အကြောင်းတွေတဖွဖွပြောတိုင်း သူရင်ခုန်ရမြဲ ဒါပေမယ့် သူ့ကိုအရမ်းဂရုစိုက်ပြီး သူခိုင်းသမျှမညည်းမငြူ ပြာပြာသလဲလုပ်ပေးနေတာမြင်ရတော့ စိတ်မကောင်းဖြစ်မိသည် ကိုယ့်စိတ်ထဲမှာ အရင်ကကိစ္စတွေကြောင့်သူ့ကိုယ်သူအပြစ်ရှိသေးသလိုများခံစားနေရသလားလို့တွေးမိတိုင်း Seanကိုယ့်ကိုတစ်ကယ်သနားမိသည်
"အချစ် ဘာတွေတွေးနေလဲ?"
Seanအတွေးလွန်နေတာနဲ့ ကိုယ်ဘယ်အချိန်ကတည်းကပြန်ရောက်နေမှန်းတောင်မသိ အသံကြားမှမော့ကြည့်မိတော့ သူ့ကိုစိုးရိမ်နေတဲ့မျက်ဝန်းတွေနဲ့ sean တစ်ချက်ပြုံးလိုက်ပြီး ခေါင်းခါပြလိုက်သည်
"ဘာမှမတွေးပါဘူးကိုရဲ့ ကျောင်းကထွက်လာတဲ့ကိစ္စတွေးနေတာ"
"အခုမှဆရာမဆူမှာ ကြောက်နေတာလားအချစ်?"
"မကြောက်ပါဘူးနော် ဆရာမဆူလဲ ဟောဒီကကိုကိုရှိတာပဲ"
Seanကချွဲချွဲနွဲနွဲနဲ့ကိုယ့်ခါးကိုဖက်ပြီး ရင်ဘတ်ထဲအတင်းတိုးဝင်တော့ ကိုယ်ကသဘောတကျရယ်သည်
"အဟားး ဟုတ်ပါပြီကွာ လောလောဆယ်တော့ ဟောဒီက ကိုကိုဝယ်လာတဲ့ ရေခဲမုန့်အရင်စားလိုက်ပါအုံး"
VOCÊ ESTÁ LENDO
I'll be there-မင်းအနားမှာ(The Deepest S2)
Fanficအရင်ကဆိုးခဲ့သမျှအပြစ်တွေကိုပေးဆပ်ရင်း အရာရာအရှုံးပေးပြီးချစ်သွားပါ့မယ်