Unicode
ကျောင်းမဆင်းမီ နောက်ဆုံးအတန်းချိန်။နေဝင်ဆည်းဆာက တစ်ကျောင်းလုံးကို လွှမ်းခြုံရစ်သိုင်းနေသည်။အားကစားကွင်းဘက်၌ ကိုယ်ခန္ဓာကြံ့ခိုင်ရေး ကာယအတန်းပို့ချနေသော အတန်းနှစ်ဆယ်ခန့်ရှိသည်။ကြက်တောင်ရိုက်သံ ၊ တင်းနစ်ဘောလုံးပစ်သံတို့က သစ်ပင်ပေါ်ရှိ ကျေးငှက်ကလေးတွေကို လန့်ဖျပ်သွားစေသည်။ပျံလွှားငှက်များနှင့်စာကလေးငှက်များသည်လည်း ဝေဟင်ယံတွင် ကွေ့ကာဝိုက်ကာ ရစ်ဝဲပျံသန်းလျက် ၎င်းတို့အသိုက်ငယ်လေးထံ မပြန်နိုင်ရှာဘဲ ကြုံရာသစ်ကိုင်းထက်၌ နားခိုသက်ဆင်းလိုက်ကြသည်။
ချီကျားဟန် ခပ်သွက်သွက် ပြေးနေသည်။အိုမီဂါတွေက အနည်းငယ် အားနည်းတတ်ကြ၏။အားကစားကွင်းတစ်၀က်စာမျှ တစ်ဟုန်ထိုး ပြေးလွှားပြီးသော် အသက်ရှူသံများ စတင်လေးလံလာသည်။သူ စတိုခန်းတံခါးရှေ့အရောက် တံခါးကို တွန်းဖွင့်လိုက်သည်။နဂို ဟလျက်ရှိတဲ့တံခါးဟာ အတွင်းသို့ ကျွီခနဲ ပွင့်သွားခဲ့ပြီး ရော်ဘာနံ့ ၊ ထုံးမှုန့်နံ့များက နှာခေါင်းဆီ တိုးဝှေ့ဝင်လာသည်။
စတိုခန်းက အတော်လေး ကျယ်ကျယ်ဝန်းဝန်း။အခန်းဆုံးရှိ ပြတင်းပေါက်အမြင့်အောက်တွင် အယ်လ်ဖာတစ်ဦးက စစ်စိမ်းရောင်ထိုင်ဖုံအခင်းပေါ်၌ ထိုင်နေသည်။ထိုအယ်လ်ဖာ၏ပေါင်ပေါ်ဝယ် ဘောပင်တစ်ချောင်းနှင့် စာအုပ်တချို့တလေကို ဆင့်တင်ထားသည်။ဆည်းဆာအလင်းဖျော့ဖျော့က အယ်လ်ဖာရဲ့ကိုယ်မှာ စောင်းကျနေ၍ လက်မောင်းတစ်ပြင်၌ ပြာပြာနက်နက်အကွက်လေးများ အရိပ်ထင်နေ၏။
အယ်လ်ဖာက သူ့ထံ လျှောက်လာနေသည့် ချီကျားဟန်အား ခေါင်းမော့ကြည့်လာသည်။
" မင်း ဒီမှာ ရှိနေမယ်မှန်း ငါ သိသားပဲ "
ချီကျားဟန် တဟောဟောတဟဲဟဲ အသက်လုရှူနေရသည်။အယ်လ်ဖာ၏ ဖူးယောင်နေသော မျက်နှာညာဘက်အခြမ်းနှင့် နှုတ်ခမ်းထောင့်က ခရမ်းရောင်သမ်းနေသည့် ပွန်းပဲ့ဒဏ်ရာများကို တွေ့တွေ့ချင်း မျက်မှောင်ကြုတ်သွားသည်။
YOU ARE READING
ယွိ့ယန်နန်ကျစ် {မြန်မာဘာသာပြန်}
Romanceမူရင်းဝတ္ထုအမည် - ယွိ့ယန်နန်ကျစ် မူရင်းစာရေးသူအမည် - မိုက့်ရှန်းကျီးနာ Alpha × Alpha လုဟယ့်ရန်(လေတပ်ဗိုလ်မှူး) × ရွှီကျယ်(စစ်ဆေးဆရာ၀န်) Both Gong and Shou are Alpha .
