Unicode
အင်္ဂါနေ့ ၊ ရေကူးအတန်းချိန်။ခန်းမဆောင်ထဲ၌ ရွှီကျယ် အဝတ်လဲဗီရိုကတ်တစ်ကတ်ကို ရွေးယူလိုက်သည်။ယနေ့ သူ ယူခဲ့မိသော အဝတ်လဲခန်းနံပါတ်က (၆) ဖြစ်၏။
ယခင်အပတ်က နှစ်၀က်စစ်ဆေးမှု ပြီးဆုံးခဲ့ပြီဖြစ်ရာ ဤတစ်ပတ်ရေကူးအတန်းချိန်တွင် ကျောင်းသားတော်တော်များများက အလျိုလျို ခွင့်ယူသွားကြသည်။ကာယဆရာသည်လည်း ယင်းကိစ္စကို မျက်စိစုံမှိတ်ပေးထားလျက် စစ်ဆေးမှုကျရှူံးခဲ့သော ကျောင်းသားများကိုသာ အာရုံစိုက်ထားသည်။အခြားလူတွေအပေါ် သိပ်တင်းကြပ်ခြင်း မရှိလှ။သို့နှင့် ရေကူးရုံတစ်ခုလုံးက ခါတိုင်းအတန်းချိန်များထက် လူသူကျဲပါးနေသည်။
ရွှီကျယ်ဟာ ရေကူးအတန်းချိန်သို့ မဖြစ်မနေကြီး လာရန် မလိုအပ်ပါသည့်တိုင် ရှေ့ကအတန်းတစ်ချိန် ဆင်းဆင်းချင်း ကျောပိုးအိတ်ကို သိမ်းလို့ ရေကူးကန်ဆီ ရောက်လာခဲ့သည်။
အဝတ်လဲခန်းအချို့ရှေ့ကနေ ဖြတ်လျှောက်လာသည့်တိုင်အောင် ရွှီကျယ် လူများများစားစား မတွေ့ရ။အင်္ကျီအ၀တ်အစား လဲလှယ်ရင်း စကားစမြည်ပြောနေကြသည့် အယ်လ်ဖာတစ်ဦးစ ၊ နှစ်ဦးစမျှလျှင် ရှိ၏။အဝတ်လဲခန်းနံပါတ် (၆) ရဲ့တံခါးထံ ရွှီကျယ် ရပ်လိုက်သောအခါ ရုတ်ခြည်း မျက်စိကျိန်းသွားခဲ့သည်။ခေါင်မိုးအလင်း၀င်ပေါက်ကတစ်ဆင့် ဖြာကျနေသော ရွှေအိုရောင်နေခြည်တန်းဟာ အကြီးကျယ်ဆုံး တောက်ပနေသည်။နေ၀င်ဆည်းဆာက ခုံတန်းရှည်များ ၊ အ၀တ်လဲဗီရိုများထက်တွင် အစက်အပြောက် အကွက်ငယ်လေးများသဏ္ဍာန် အရိပ်ထွန်းလင်းနေခြင်း။
စူးရှရှနေရောင်အောက်၌ အရပ်ရှည်ရှည် ၊ ကိုယ်ခန္ဓာတောင့်တောင့် အယ်လ်ဖာတစ်ဦးက ရွှီကျယ့်ကို ကျောပေး၍ မတ်တပ်ရပ်နေသည်။အနှီသူက ကျောင်း၀တ်စုံတီရှပ်ကို ချွတ်ရန် လက်မြှောက်လိုက်၏။
လက်မောင်းနှင့်နောက်ကျောကြွက်သားများက အသက်ပြင်းပြင်း ရှူသွင်းနေသော လှုပ်ရှားမှုအညီ ရွေ့လျားဆန့်တန်းသွားသည်။ရွှီကျယ် သူကိုယ့်သူ ဘာလုပ်နေမိလဲဆိုတာ သဘောမပေါက်ခင်အထိ ကြက်သေသေ မှင်တက်နေခဲ့သည်။ကျောပိုးအိတ်သိုင်းကြိုးကို ခပ်တင်းတင်း ဆုပ်ကိုင်ရင်း သတိလက်လွတ် ရှေ့ဆက်လှမ်းရန် ပြင်အံ့ဆဲဆဲ တံခါးဘေးရှိ ဆိုင်းဘုတ်တွင် ချိတ်ထားသည့် အနီရောင်စာလုံးက ရွှီကျယ့်ကို သတိကပ်စေလိုက်သည်။ဤအ၀တ်လဲခန်းက စင်စစ်ကို နံပါတ် (၆) တည်း။
YOU ARE READING
ယွိ့ယန်နန်ကျစ် {မြန်မာဘာသာပြန်}
Romanceမူရင်းဝတ္ထုအမည် - ယွိ့ယန်နန်ကျစ် မူရင်းစာရေးသူအမည် - မိုက့်ရှန်းကျီးနာ Alpha × Alpha လုဟယ့်ရန်(လေတပ်ဗိုလ်မှူး) × ရွှီကျယ်(စစ်ဆေးဆရာ၀န်) Both Gong and Shou are Alpha .
