Unicode
သောကြာနေ့။နောက်ဆုံးအတန်းချိန်၏ ကျောင်းဆင်းခေါင်းလောင်းက အသံမြည်လာခဲ့သည်။ဟယ့်ဝေ့တစ်ယောက် အိပ်ချင်မူးတူးနှင့် မတ်တပ်ထရပ်လိုက်၏။အခြားကျောင်းသားများသည်လည်း ပစ္စည်းပစ္စယာတွေကို ကျောပိုးအိတ်ထဲ အလျိုလျို သိမ်းဆည်းနေကြသည်။ဟယ့်ဝေ့ သူ့ကိုယ်သူ နိုးနိုးကြားကြားဖြစ်အောင် နှစ်စက္ကန့်မျှ လုပ်လိုက်ပြီး ကားသော့ရယ် ၊ ဖုန်းရယ်ကို ယူကာ အတန်းမှထွက်ခဲ့သည်။
သူ အတန်း (၁) ၏ အနောက်ဘက်တံခါးသို့ နှေးနှေးကွေးကွေး လျှောက်လာ၍ တတိယမြောက်စာသင်ခုံတန်းရှိ နောက်ပိတ်ဆုံးခုံအား လှမ်းကြည့်သည်။လူက ရှိမနေ။ဟယ့်ဝေ့ ခေါင်းကိုငဲ့လို့ ထိုင်ခုံတွေစီနေသော အိုမီဂါတစ်ဦးထံ မေးလိုက်သည်။
" လုဟယ့်ရန်ရော "
တစ်ဖက်အိုမီဂါက ရှက်ဝဲဝဲလေး ဖြေသည်။
" အိုမီဂါတစ်ယောက် စောစောလေးက သူ့ဆီလာရှာတော့ သူ အပြင်ထွက်သွားတယ်ရယ် "
ဟယ့်ဝေ့ : " အင်း ၊ ကျေးဇူးပဲ "
အနှီအိုမီဂါက လုဟယ့်ရန်ကို ဘာလုပ်မည်မှန်း ဟယ့်ဝေ့ နှစ်ခေါက်စဉ်းစားနေရန်မလိုဘဲ သိလိုက်ပါ၏။သူတို့နှစ်ယောက် အရွယ်ရောက်လာချိန်တွင် လုဟယ့်ရန်က လူတွေနှင့် အကွာအဝေးတစ်ခုခြားနေထိုင်လျက် တသီးတသန့်ဆန်လှသည့် အယ်လ်ဖာတစ်ဦးဖြစ်နေခဲ့သည် --- သို့တိုင် ၎င်းမှာလည်း ကံကောင်းမှုလေးတစ်ရပ်ရှိသည့်ပုံပါပေ ၊ ခပ်တန်းတန်းနေတတ်သော ခံစားချက်က လူတွေကို ဆွဲဆောင်ရန် ပိုမိုလွယ်ကူနေသည့်အလား။
ဟယ့်ဝေ့ စဉ်းစားမိသည်။မျက်နှာနှင့်ခန္ဓာကိုယ်ကို ခဏထားဦး ၊ လုဟယ့်ရန်သာ အနည်းငယ် ပိုနူးညံ့ပြီး အနည်းငယ် ဖော်ဖော်ရွေရွေရှိခဲ့လျှင် သူ့အား လူတွေ အခုလောက်ကြီး လွန်လွန်ကျူးကျူး တန်းတန်းစွဲကြလိမ့်မည် မဟုတ်ဟု။
မဟုတ်ပါက လုဟယ့်ရန် အခု ငြင်းသကဲ့သို့ ငြင်းနေရမည်ပင် - ' ငါ့အကြိုက်ပုံစံက ၀မ်းဗိုက်ကြွက်သားတွေအပြည့်နဲ့ အရပ် ၁.၈ မီတာထက်ကျော်တဲ့ အိုမီဂါမျိုး ' ။ဤအကြောင်းပြချက်ဟာ အင်မတန် ထိရောက်လှပါ၏။
YOU ARE READING
ယွိ့ယန်နန်ကျစ် {မြန်မာဘာသာပြန်}
Romanceမူရင်းဝတ္ထုအမည် - ယွိ့ယန်နန်ကျစ် မူရင်းစာရေးသူအမည် - မိုက့်ရှန်းကျီးနာ Alpha × Alpha လုဟယ့်ရန်(လေတပ်ဗိုလ်မှူး) × ရွှီကျယ်(စစ်ဆေးဆရာ၀န်) Both Gong and Shou are Alpha .
