Unicode
တနင်္လာနေ့ မနက်စောစော။လုဟယ့်ရန် ကျောင်းပေါက်၀သို့ ၀င်လာခဲ့သည်။ဘေးကပ်ရပ်ကားပါကင်ကနေ လျှောက်လာသော ဟယ့်ဝေ့က လုဟယ့်ရန်ထက် မိနစ်၀က်မျှ နောက်ကျသည်။ဟယ့်ဝေ့မျက်နှာက မှုန်မှုန်သုန်သုန်။ခြေလှမ်းသုံးလေးငါးလှမ်းခန့် လှမ်းအပြီး ကျောင်းဂိတ်၀တည့်တည့်အရောက် ဟယ့်ဝေ့ တားဆီးခံလိုက်ရသည်။
" ကျေးဇူးပြု၍ လက်ပတ်၀တ်ဆင်ပါ "
စက်ရုပ်သံသတိပေးချက်တစ်ခု မြည်လာသည်နှင့်တစ်ပြိုင်နက် ကျောင်းဂိတ်၀င်းတံခါးတားမြစ်တံကပါ ကျလာ၏။ဟယ့်ဝေ့နှင့်တကွ သူ့နောက်ရှိ အတန်းဖော်များလည်း တုံ့ခနဲ ရပ်တန့်သွားကြသည်။
သခင်လေးဟယ့်ဟာ လောလောလတ်လတ် ယမန်နေ့ညကမှ သူ့မိသားစုဆီကနေ တစ်ချက်လွတ်အမိန့်အချခံထားရသည်မို့ မျက်နှာအမူအရာက အခြေအနေသိပ်မဟန်။တစ်ခွန်းမျှ မဆိုဘဲ လက်ပတ်ကို ထုတ်၀တ်လိုက်သည်။ကျောင်းထဲဝင်ခွင့်ရသော် ဟယ့်ဝေ့က လုဟယ့်ရန်ထံ လျှောက်လာလျက် မျက်မှောင်ကြုတ်သည်။
" ငါ ပြောမယ် ၊ အခု မင်းရုပ်ကလေ ပွဲတစ်ခုကို စိမ်ပြေနပြေကြည့်နေတာနဲ့ တူနေတယ် "
" မဟုတ်တာ "
လုဟယ့်ရန်က ပြန်ဖြေ၏။
ဟယ့်ဝေ့က ထိုအဖြေကို ဘယ်ယုံလိမ့်မည်နည်း။ခပ်တိုးတိုး နှာမှုတ်ကာ မေးသည်။
" တို့တွေဥက္ကဋ္ဌကြီးရော အိမ်မှာရှိတုန်းလား "
" ဒီမနက် အိမ်ကထွက်သွားပြီ "
" မင်းတော့ စိတ်ကုန်စရာ စနေတနင်္ဂနွေပိတ်ရက်ကြီးကို ဖြတ်သန်းခဲ့ရမှာပဲ "
ဟယ့်ဝေ့က အသံကို နှိမ့်ပြောသည်။
" ငါ့အဖေက ဦးလေးလု ပြန်ရောက်နေတဲ့အကြောင်းသိပြီး ငါ့ကို မင်းတို့အိမ်သွားဖို့ ဇွတ်လွှတ်နေတာ။ သူ ငါ့အသက်ကိုများ လိုချင်နေသလားလို့ မေးလိုက်တယ် "
လုဟယ့်ရန် ပြုံးလိုက်၏။
" ငါ့အိမ်လာတဲ့ကိစ္စက ကြောက်ဖို့ကောင်းနေလို့လား "
YOU ARE READING
ယွိ့ယန်နန်ကျစ် {မြန်မာဘာသာပြန်}
Romanceမူရင်းဝတ္ထုအမည် - ယွိ့ယန်နန်ကျစ် မူရင်းစာရေးသူအမည် - မိုက့်ရှန်းကျီးနာ Alpha × Alpha လုဟယ့်ရန်(လေတပ်ဗိုလ်မှူး) × ရွှီကျယ်(စစ်ဆေးဆရာ၀န်) Both Gong and Shou are Alpha .
