لهيب عشقك محرم

Part 7

كاتبة :: Samira rd

دازت 13 دقيقة قواها خارت والهواء لي كان فصندوق مابقاش دقات قلبها كيضربو دقة دقة تنفسها انخافض بح صوتها بالبكا غمضت عينيها منتاقلة لعالم تاني

كان واقف كيشوف فساعة بواحد لبرود كيخلع خاشي يدو فجيبو مامسوقش لباب لي غادي يتفرع بدقان من طرف غيث ابتاسم بخبث التافت ناحية لباب حالو كيشوف في غيث كان ناوي يفرعو

صقر : [ ميل راسو صغر عينيه بشك] شنو هاد لخوف كامل عليها ؟
غيث:  [ عقد حواجبو صدرو كيطلع وينزل بالاعصاب دفعو من صدرو ودخل لبيت ] شنو درتي ليها [ شاف فصندوق لحديد التافت ببطء ناحية صقر بعدم تصديق كينفي براسو ] لا
صقر:  [ قلب عينيه بملل خارج من لبيت ] عيط لطبيب.. الى ماتت حفر تلاتة لقبورة لك وليها ولطبيب

ماتسوقش لكلامو كان كيحل في صندوق بخوف حلو بسرعة كيشوفها جثة هامدة عيط على طبيب ديالهم لي كان غير في سيارة برا جايبو غيث بسرعة كيرجف بالخوف كيتفحص فيها

طبيب : [ سرط ريقو بخوف كيشوف في غيث ] راها ماتت
غيث: [ بصوت خشن نطق بغضب] دير خدمتك يله شي 15 دقيقة وهي هنا تحسست نبضها لي فالعنق مزال كينبض

داكشي لي دار تحسس عنقها لقا دقات قلبها قلال بزاف جر شانطة جبد منها كيس ديال لاوكسيجين مركبو ليها دازت تواني وهوما بجوج بحالا جالسين على جمر

غيث :[ كيشوف في طبيب ] امضرا
طبيب :[ تنهد براحة مغمض عينيه] حمد الله قدرت تعتق فأخر تواني

تنهد غيث مزير على عينيه بصباعو ودقات قلبو حتى هو مامنتاضمينش ... خرج طبيب
بدات تحل فعينيها لي جاو ديريكت فسقف بسرعة تقادات فجلستها والخوف مسيطر عليها مزال ديك لحضة بين عينيها  تنفسها بدا يقلال عوتاني جمعت عندها رجليها لاوية يديها عليهم خاشية راسها وسط يديها كتفكر شنو وقع ليها تمنات تموت وما يوقعش ليها داكشي حست بيد تحطت على كتفها هزت راسها بسرعة كتشوفو غيث واقف امامها...

غيث: [ بصوت هادئ] حمد الله على سلامتك
جوديا: [ تواني وهي كتشوف فيه حتى بدات ضحكتها تعلا شيئا فشيئا] شنو؟؟ على سلامتي؟[ وقفت بتعب امامو ] كان غادي يقتلني داك الوحش وكتقول ليا على سلامتك
غيث: [ تنهد بضيق مغمض عينيه ] غادي تخرجي ليوم بليل
جوديا: [ هزت راسها مصغرة عينيها فيه ] كفاش قلبو حن وغادي يخرجني ؟
غيث: [ نفا براسو متبت عينيه عليها ] غادة تهربي [ رفعت حاجبها بتساءل مكمل حديتو] انا لي غادي نهربك الى بقيتي وسط يدو غادي يقتلك
جوديا: [ صغرت عينيها بشك ] شنو لي خلاك تعامل معايا هكا ؟ شي فخ هدا ؟
غيث: [ بقا متبت عينيه عليها تواني ونطق بهدوء ] ماغاديش نبقا نبرر ليك واش فخ بغيتي تنجي بروحك [ مد ليها بلاستيكات] لبسي هاد لحوايج وتسنايني .. ماكنتيش باغا ماعندي كيف ندير ليك
جوديا: [ شافت فالبلاستيكات لي فيدها وشافت فيه هو لي عاطيها بضهر خارج نطقت مقاطعة خطواتو] معاش
غيث [ التافت ليها ] 8 نلقاك واجدة