لهيب عشقك محرم

Part 14

كاتبة :: Samira rd

ابتاسمت بلا هواها من ابتسامتو .. كانت ابتسامتو حنونة وهادئة.. كتبعت منها راحة شي لي خلاها تزيد ترتاح ليه كتر .. خرج وسد لباب وراه .. كالت على خاطرها حتى شبعت وناضت بدلت بيجامة.. صغرت عينيها من صوت لي سمعت عرفتها اروى كتبكي .. ضارت غادة لبيت اروى .. حلت لباب لقاتها كتبكي وحمرة كيف ماطيشة بسرعة هزاتها كتراري بيها ولكن والو ما سكتتش

جوديا :[ كدوز يدها على ضهرها بحنان] مالك احبيبتي .. شنو ضارك همم

عاد مازادت في بكاها.. قلبت ليها لحرارة لقاتها هي هاديك تنهدت خرجت من لبيت ديريكت لبيتها ساداه تمشات ناحية لفراش حاطاها جرات مسند حاطاه جنب اروى طفات ضو مخليا ضو لقمر مضوي ونعست جنبها

جوديا: [ ناعسة على جنبها كدوز صباعها على بشرت اروى نطقت بحنان ] مالكي الفنة.. علاش كتبكي همم [ جمعت شفايفها على شكل بوسة نطقت بتقليقة مصطنعة] بغيتي يجي داك لوحش ديال باباك ليا [ بدات ضحك اروى كأنها فهمتها.. بقات تبوس فيها بوسات متفرقة وهي كضحك ] ضحكي لمك ضحكي [ تنهدت وهي كتشوف فيها] مايستاهلش تكوني بنتو

بقات دقائق وهي كتشوف فيها حتى نعست ونعست اروى

*اصبحنا واصبح الملك لله

حلت عويناتها على تنغنيغ .. التافتت ناحية صوت كتشوف اروى كتلعب بصباعها ورجليها وضحك ابتاسمت جوديا.. نعست على كرشها كتشوف فيها

جوديا : [ بحب] انا لي سعداتي فايقة على هاد زين .. [ شافت فساعة لقات 11 وسعت عينيها والتافتت ناحية اروى كضحك ] اي خمرنا ماشي نعسنا

وقفت ضورت على اروى لمخاد تمشات ناحية لحمام قضات حاجتها وخرجت .. تاجهت لماريو تنهدت بفقصة كرهت هاد لون والكساوي جبدت كسوة فالابيض تحت ركبة قادات شعرها هزت اروى وخرجت كان لبرد بزاف داكشي علاش توجهت ديريكت لبيت اروى لبستها حوايج سخان وخرجت .. نزلت من دروج سقيل وحتى واحد ما كيضور فديك طبقة توجهت لكوزينة كيف عادتها..

توجهت لكوزينة كيف عادتها.. فطرو وخرجت كيبان ليها غيث داخل من باب لقصر وفيديه بزااف دالبلاستيكات توجهات ناحيتو شافها وقف وابتسامة على وجهو

غيث :[ شاف في جوديا] صباح الخير [ باس راس اروى ونطق بهدوء] صباح الخير الغزالة ديال دار [ هز يديه كيوري لجوديا] هادو ديالك
جوديا : [ باستغراب] شنو هادشي ؟
غيث: [ فيكسا عينيه عليها ] حوايج.. لبارح قلتي بلي ماعندك ما تلبسي
جوديا :[ عضت على شفايفها بإمتنان ] شكرا بزاف اغيث كنعدبك معايا

ابتاسم ليها وطلع فدروج وهي تابعاه ديريكت لبيتها حط ليها بلاستيكات عاودات شكراتو خاد اروى من عندها وخرج.. اما هي كانت كتشوف في لحوايج لي جاب ليها حتى حست براسها مجرورة ملصقة في لحيط.. كان صقر قاجها بيدو عيونو كلهيب كيحرق