كاتبة :: Samira rd
واقفة امام لباب من بعد ما نزلت من طموبيل كتشوف راسها فالمرايا وتقاد فشعرها ببرود حتى تحل لباب من طرف لخدامة ابتاسمت فوجه جوديا وهي كتشير ليها ناحية لداخل خطات خطوة كتشوف ديزاين كان مزيج مابين لعصري وتقليدي.. كان زوين بزاف والاعجاب باين على ملامحها فيقها من شرودها سميتها لي تنطقت من شفايفو التافتت كتشوفو واقف وراها خاشي يديه فجيابو
صقر : [ كيشوف فيها باستهزاء] قاطعت تبرگيك تعجبتي حيت عمرك شفتي بحالو
جوديا : [ طلعاتو ونزلاتو ميلت راسها نطقت ببرود ] هانتا كابر فالخير ولكن ماشي ولد لخير
صقر : [ تحولو نضراتو لحقد داز من حداها كيف لعجاجة طالع فدروج لي كانو امامها كيديو لاعلى] تبعيني
داكشي لي دارت تبعاتو بخطوات بطيئة وعينيها كيضورو فالقصر عجبها شكلو بزاف .. كان كلوار طويل وفكل قنت كان بيت .. بقا كيتمشا وهي وراه حتى وقفو امام باب.. حط يدو على لمقبض حالو.. كان بيت كبير ديزاينو ديال بنات صغار لونو فالوردي فيه ملصقات على لحيط ديال لاميرات.. ناموسية ديال لي بيبي في الارض كانو مجموعة من الالعاب ديال لبنات ريحة لبيت كانت زوينة بزاف تبسمات شبه ابتسامة وهي كتخطي تجاه ناموسية لي كانت ناعسة فيها اروى. كانت بنيتة صغيورة غليوضة شعرها بني هابط حد وديناتها بشرتها كانت بيضاء وحنيكاتها حميمرين مغمضها عينيها ناعسة على يدها .. لابسة كسوة نصاصية فلون ازرق بحكم لبيت سخون بزاف مع تقيشرات فلون گري سخان.. فيديها عقيق ناعسة براحة.. عضت جوديا على شفايفها بإعجاب من لبنت كانت فنة .. في فمها غير ما شاء الله تحنات خاشية يدها تحت راسها واليد تانية تحت رجليها هازاها حاطاه على كتفها غمضت عينيها من ريحة لي استنشقت كانت ريحة بحال ريحة العنبر باستها في عنقها
جوديا : [ بصوت خافت نطقت بإعجاب ] ماشاء الله فنة [ هزت عينيها في صقر لي كان كيشوف فيها ] شنو سميتها
صقر: [ بهدوء] : اروى
ابتاسمت كانت ابتسامتها هاد لمرة بريئة.. عجبتها لبنت وبغات تاكلها رجعاتها بشوية لبلااصتها خرج صقر وتبعاتو سادة وراها لباب
صقر : [ رفع حاجبو نطق بهدوء ] اروى ماشي اي واحد .. هي مدللة ديال دار مابغيت حتى حاجة تخسر خاطرها [ هز صبعو بتهديد] مابغيت حتى خبشة تولي فيها ولا راك عارفة
جوديا [ قلبت عينيها بملل ] بدينا بتهديد
صقر [ أشار ليها ناحية لغرفة لي امامهم] هدا بيتك قريب لاروى باش تبقاي حداها...
اومات راسها بإيجاب وتمشات داخلة لداك لبيت كان بيت كبير فيه فراش عادي ناموسية لوسط كبيرة امامها ماريو جنبو كوافوز بالكو كبير كيطل على جردة .. تمشات ناحية لماريو حالاه واقفة امام لماريو عاقدة حواجبها باستغراب كتشوف في لحوايج كاملين فلون ابيض وقصار عضت على شفايفها بفقصة شنو باغي يوصل ليها
صقر : [ داخل من بابا لبيت ابتسامة استهزاء ونضرات خبيثة على ملامحو وقف وراها خاشي يديه فجيابو ] من ليوم اتلبسي لبيض.. حيت بالنسبة ليك هدا قبرك وماشي قصر
YOU ARE READING
لهيب عشقك محرم
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
