لهيب عشقك محرم

Part 41 فصل التاني

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية ".

الفصل التاني : شفاه ممنوعة

جالسة فطموبيل عيونها متبتاهم على طموبيلة غيث لي طلع فيها مهاب كسيرا ومشا تنهدت مرجعة راسها لور ونضراتو مزال مابين عينيها.. فيقها صوت تيليفون لكارد حطو فودنو ونطق

كارد : [ سكت تواني كيسمع رد ] واخا اسيدي

خشا تيليفون فجيبو وكسيرا لوجهتو كان ليل ودنيا عامرة بحكم راس لعام وكولشي خارج .. كل ساعة كتنهد ومامرتاحاش ياك هادشي مخططة ليه من نهار حطت رجلها فالقصر علاش دبا ما فرحاناش علاش مقلقة ياك وصلت لمرادها وانتاقمت.. دقائق قليلة وكانو واقفين امام إقامة وسط لمدينة عقدت حواجبها باستغراب علاش جاو هنا ودار من ؟

جوديا: [ رفعت حاجبها بتساءل] علاش جينا هنا ؟

لكارد :[ كيشوف امامو ] سي غيث هو لي أمرني نجيبك هنا

اومات راسها بإيجاب خرج لكارد حل لباب وخرجت.. سد لباب وتوجه امامها وهي تابعاه داخلين لعمارة .. طالعين في اسانسور لطابق 5 خرجو واقفين امام لباب كانت واحد لخزانة صغيورة حلها لكارد جابد منها ساروت دار حل لباب والتافت ناحيتها

جوديا :[ خادت من عندو سارت نطقت ببرود ] يمكن لك تمشي

اوما براسو ومشا بخطوات بطيئة دخلت من لباب دنيا مضلمة من غير ضو لي داخل من شراجم.. سدت لباب وشعلت ضو تبتت عينيها على دار كانت كبيرة وكأنها فيلا .. امام لباب كان صالون مفتوح مفرش بالفوتايات فالابيض طابلة دزاج لوسط .. شرجم كبير من سقف حد لارض هزت رجلها كتحيد في كعبها ليحاه تمشات بخطوات بطيئة على صباع رجليها ناحية لكلوار لبلاصة لي كدوز منها كيشعل فيها ضو بوحدو ..وقفت امام باب لول حاطة يديها على لمقبض حالاه شعلت ضو كان لحمام دخلت واقفة امام لافابو .. هزت مرفقها باش يبان ليها كامل عامر دم مهاب.. عضت على شفايفها شافت فالمرايا كان وجهها دابل هزت صابونة كتغسل فيديها غسلت وجهها مسحات بالفوطة طفات ضو وخرجت التافتت جهة تانية كتمشا كانو 4 لبيوتة حلت واحد فيهم كبير .. كان مفرش فراش رجولي كلو فالاسود فراش حتى هو فالاسود كوافوز فيه مجموعة من روائح عطرية.. ماريو فالاسود كبير وباب دالحمام جنبو بالكو فجنب حتى هو كبير فيه جليسة.. استنشقت رائحة رجولية هادئة ..

حيدت لكسوة مخلياها طيح فالارض بقات بدوبياس توجهت ناحية لماريو حالاه كتفحص بعينيها هزت سروال طويل وتريكو باش تستر راسها واخا جات كيف شي خنشة لبساتهم هزت كسوة وخرجت لاحتها جنب لحمام وتوجهت ناحية صالون طفات ضواو باش ترجع دار كاملة مضلمة جلست فوق لفوتاي لي مقابل مع شرجم كان شرجم كيطل على لبحر وعمارات صغار لتحت ربعت يديها وجمعت رجليها عندها كتشوف بشرود امامها وكتفكر.. ايكون مات ؟ ضربة فين ضرباتو موحال يبقا عايش بيها مارتاحتش نهائيا الف مطرقة في راسها دازو ساعات وهي مزال على نفس وضعيتها..