لهيب عشقك محرم

Part 42

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية ".

الفصل التاني : شفاه ممنوعة

داز شهر على داك نهار .. شهر لي ماتبدل فيه والو من غير علاقة غيث وجوديا لي زادت كبرات حسات بصح بلي كاين عندها اخ وسند ورا ضهرها.. شهر ما خرجتش من دار ملل في ملل كتحس بالفراغ فالداخل ديالها شي حاجة ناقصاها مامرتاحاش كضحك غير فوق خاطرها توحشاتو توحشات هضرتو غزلو ليها كلامو سافل عصبيتو توحشات تشوف ملامحو وهو مبتاسم...

وهو كاعي هي ما ندمتش على شنو دارت فيه حيت كانت متأكدة كون ما رجعتش دقتها اتبقا فيها حرقة ولكن فالنفس لوقت مابغاتوش يموت .. اخبارو ديما عندها من طرف غيث .. تجاوز لخطر واخا مزال صحتو ضعيفة شوية فرحات نهار قال ليها غيث بلي راه فاق .. شحال من مرة كانت بغات تمشي عندو ولكن غيث ما كيخليهاش خايف عليها من لي كارد لي كيتسناو غير كلمة من مهاب .. جوديا لي ما كتسوق لحد هي ليوم مشطونة مشوشة عليه ..

فكل كلمة كيخرجا غيث من شفايفو على مهاب كتخلي قلبها يضرب بوتيرة سريعة.. كتحاول تكبت شعور ديال لحب اتجاهو ماباغاش تبغيه ولا ضعف ليه جوديا قلبها قاصح مابغاتش مابين ليلة وضحاها يرجع يرطاب..
• بوحدها فدار واقفة فالكوزينة فيدها موص كتگرد في لخضرة ساهية امامها بشرود .. لابسة بيجامة سخونة شادة شعرها بزيف حياتي

** : مولات لخالات

بسرعة ضارت لاحت لموص بجهد فاش حست بيه داز على يدها مخلي دم ينزل من جرحة.. هزت عينيها فيه كان واقف خاشي يديه فجيابو مفيكسي عينيه عليها ملامحو كانت مرهقة كان باين عليه تعب وبلي دوزها لمرض عليه تحت عينيه كوحل .. سرطت ريقها وهي كتشوفو امامها قلبها كيضرب بسرعة.. عيونها كيتفحصوه من لفوق لتحت ماشي هدا هو مهاب لي عرفت نهار لول ..

صحتو رجعت لور شبه ابتسامة بانت على تغرها اخيرا وقف على رجليه وجا حتى لعندها وشحال توحشاتو وتوحشات كلامو .. التافت ناحية تانية كانت خزانة متوسطة الحجم فيها تمشا ناحيتها بخطوات بسيطة حلها هز منها علبة للاسعافات تمشا ناحيتها حاطها فوق لبوطاجي حلها خاد منها لانكول والقطن كينقي ليها لجرحة وهي عيونو متبتاهم عليه وعلى حركاتو مبتاسمة.. هز فاصمة لاويها على يدها فصمت

مها:ب [ هز راسو فيها وخشا يديه فجيابو نطق ببرود ] مزال كتزربي

جوديا : [ تبتت عينيها عليه بابتسامة نطقت ] مزال حي

شادة يدها لي ملوية بالفاصمة واقف امامها كيشوف فيه ببرود تمشا بخطوات وقف امامها قريب ليها

مهاب: [ حط يديه على خدودها متبت عينو عليها ] كنت بغيتك مراتي وتكوين وسط داري نخاف عليك كيف بنتي .. ونبغيك وتكوني اميرة قلبي .. [ سكت للحظة ونطق] نتي خدمتي عقلك وانا خدمت قلبي [ حط جبهتو فوق جبتها ونطق ببرود ] وجهك مابقيتش بغيت نشوفو من هنا لقدام