لهيب عشقك محرم

Part 53

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية "

الفصل التاني: شفاه ممنوعة

كان كيشوف فيها باستغراب واش هادي حمقة .. مافهمش كلامها ملامحو مستغربة ومتساءلة كيحاول يتفكر ولكن والو .. وسع عيونو بصدمة فاش شافها كتحيد حوايجها امامو بقات بدوبياس فقط ..

سرط ريقو وسخونية بدات تسرا فجسدو قلب وجهو من عليها.. عضت على شفايفها مبتاسمة لاحت لحوايج فالارض توجهت ناحيتو واقفة جنبو.. كتسناه يشوف فيها.. غير التافت ناحيتها باستو فشفايفو وعطاتو بضهر

كتمشا بتبات وخصرها كيتمايل معاها ناحية دوش عاضة على شفايفها كاتمة ضحكتها.. اما هو عيونو متبتهم في جهة وحدة ودنيه رجعو بلون احمر ريقو نشف وغريزتو تحركت.. سرطت ريقو وقلب وجهو رجع عقد حواجبو بغضب ..

تأنيب ضمير جاه وكأنه خان سلمى  .. تنهد وخرج من بيت اما هي كانت كدوش وضحك كملت وخرجت لابسة بينوار توجهت ناحية لماريو لبست حوايجها وزادت عليه مونطو هزت تيليفون وخرجت

جوديا :[ هبطت من دروج كدوز فالخط نطقت فاش سمعت رد ] فينك؟

غيث : جي عندي ديريكت طموبيل

جوديا : واخا

قطعت لخط خشات تيليفون فجيبها توجهت ناحية لباب ديريكت كانت طموبيلة غيث واقفة امام لباب بخطوات سريعة توجهت ناحيتو حالة لباب وطالعة

جوديا :[ بابتسامة سلمت عليه ] صباح الحب

غيث :[ رفع حاجبو مبتاسم ] ناس ناشطين همم

جوديا: [ كتقاد في حزام لامان ] غير شوية

ديمارا طموبيل وكسيرا خارج من لقصر .. ساعتين فطريق وكانو واقفين بطموبيل امام لبلاصة فين دار كسيدة كانو شي طريبورطوات  فيهم لفواكه والخضر ورجال كيبعيو لي كيدوز بطموبيل.. تنهدت جوديا حلو لباب وخرجو .. خاشية يديها فجياب لمونطو عيونها كتحولهم فكل بلاصة .. كان مزال اتار روايض ديال طموبيل باهت .. توجهو ناحية واحد من رجال لي كيبعيو واقفين امامو

غيث: [ بصوت خشن رجولي] سلام عليكم اشريف

راجل: [ ابتاسم ] وعليكم السلام اولدي اش حب لخاطر

غيث: [ شاف وراه ورجع شاف فيه نطق ] بغيت نسولك على واحد لحادثة وقعت هنا هادي شي جوج سيمانات ولا سيمانة هكاك

راجل: [ اوما براسو بإيجاب ونطق ] ماشي انا لي كنت ولكن راه ولدي هو لي كان داك نهار

غيث :[ عقد حواجبو] يمكن ليك تعيط ليه ؟ محتاجين نسولوه

راجل ؛[ اوما براسو بإيجاب] واخا اولدي [التافت ناحية شاف ولدو جالس مع شي رجالة نطقت بصوت مرتفع] وربيع