لهيب عشقك محرم

Part 20

كاتبة :: Samira rd

كان ديك ساعة 5 دالعشية اومات براسها بإيجاب سابقاه تبعها وهو هاز اروى خرجو من دار ساد لباب كانت جنب دار طموبيلتو تمشاو ناحيتها طالعين عطا اروى لجوديا ديمارا طموبيل وكسيرا.. كانت طريق مسرحة وديريكت كتدي لطريق دوار .. صمت سيد الموقف مرة مرة جوديا كتهضر مع اروى ..

من بعيد كيبانو ليهم دوك 4 رجال ديال لبارح وصلو عندهم بلاصا طموبيل جنب دار لي أشارو ليه فين يوقفها نزلو سد مهاب طموبيل وتوجه عندهم بقات جوديا واقفة جنب طموبيل كتشوف مهاب كيسلم عليهم ويهضر حتى بان ليها راجع عندها وقف امامها

مهاب: [ تبت عينيه عليها ونطق بهدوء] ردي لبال ليها [ حط يديه على خد اروى بايسها ] غادي نمشي عند رجال ونتي عند لعيالات الى خصات اروى شي حاجة صيفطي ليا شي واحد

اومات راسها بإيجاب مفيكسية عينيها عليه دخلو رجال وبقا هو واقف معاها حتى بانت ليه مرأة جايا جيهتها ومشا .. سلمت على امرأة ودخلتها لدار .. كانت دار مبنية بتراب كان بيت كبير جنب لباب مفرش بزرابي حمرين ضاير بيهم لمخاد وطابلة صغيرة لوسط .. كان بيت كتنباعت منو راحة فور ما دخلت ابتسامت لعيالات لي كانو جالسين تم سلمت عليهم وحدة بوحدة وجلست حاطة فوق فخاضها اروى

فاطمة : [ بابتسامة مريحة نطقت بشلحة ] مرحبا ايلي غتگمينم (مرحبا بيك ابنتي فدارك )

عقدت جوديا حواجبها باستغراب من لهجة لي هضرت بيها وماكانتش فاهمة شنو قالت.. التافتت ناحية لمراة لي حداها وعلامة لاستغراب على وجهها

خديجة: [ ابتاسمت ليها ونطقت بصوت هادئ] قالت ليك مرحبا بيك فدارك

جوديا :[ ابتاسمت والتافتت ناحية لمراة لولة ناطقة بشكر ] ترحب بيك جنة الحاجة [ التافتت ناحية تانية نطقت بتساءل] كتفهم لعربية ..

اومات لمراة راسها بقات كترحب فيها ولمراة كتشرح ليها .. عرفتها على راسها وشحال فعمرها

يامنة: [ ابتاسمت نطقت بتساءل ] ارگاز نم ديما ارگيگنغ ايسقسا اتيسربح ربي  [راجلك تبارك الله خيرو سابق ديما مهلي فينا الله يرضي عليه ]

خديجة: [ نطقت فاش شافت جوديا التافتت ناحيتها ] قالت بلي راجلك تبارك الله خيرو سابق علينا هو لي حفر لينا لبيار هنا وكيعاونا الله يرضي عليه

بقات تشوف فيها تواني بشرود .. اشمن راجل واشمن زواج كيهضرو عليه هادو التافتت ناحيتها كتشوف فيها ابتاسمت ليها واومات براسها بإيجاب

جوديا : [ عاضة على شفايفها كاتمة ضحكتها ] اه ماشاء الله مهاب عزيز عليه لخير وعمرو هز صوتو على شي واحد تبارك الله

گاع لاعين على جوديا .. كانت اول مرة غادة ترتاح وسط شي مجمع لعيالات حست بلي روحهم نقية ابتسامة على وجههم وهوما كيهضرو معاها.. مادازش بزاف لوقت وكانو عيالات داخلين وفيديهم طواجن كبار حطوهم فوق طوابل لي كانو فالبيت..