لهيب عشقك محرم

Part 33

🍂كاتبة :: Samira rd

ورَأيته فأَورَقت من سُرور القَلب أفنَاني".

الفصل :: 1

مهاب: [ رجع راسو لور نطق بخفوت] انا لكبير [ تنهد ونطق] غيث ماشي خويا

جوديا: [ تقادت في جلستها مصدومة ] كفاش ؟

مهاب: [ ضور راسو ناحيتها نطق بهدوء] فاش كنت صغير لواليدة جابت شي دري صغير .. قالت لينا بلي لقاتو فشي بلاصة بوحدو قلبت ومالقاتش واليديه قررت باش تربيه كانت ديك ساعة عندو عامين .. ماعرفتش كفاش لقاتو حيت من تماك عمرنا جبدنا سيرة داكشي لي وقع

جوديا :[ رجعت حطت راسها فوق كتفو قالبة شفايفها بحزن] مسكين حتى هو يستاهل عائلة تهلا فيه [ ابتاسمت ] ضريف وحنين ومرب...

مهاب: [ زير على خصرها مقاطعها حتى عقدت حواجبها مطلعة راسها فيه نطق رافع حاجبو بنبرة جدية تكلم ] براكة فهمنا

جوديا: [ ميلت شفايفها بغنج وهي كتزيد تحكحك مع لحمو ] بعد غدا لعطلة قررتي فين انمشيو؟

مهاب: [ ابتاسم من سيرة سفر] قررت بلاصة متأكد اتعجبك .. غدا اندوز عليك باش تاخدي شي حوايج

جوديا: [ عقدت حواجبها باستغراب] علاش راه عندي لحوايج؟

مهاب :[ نفا براسو ] ما كافيينش [ التافتت ناحيتها هاز حاجبو] كيف كدوزي سوايع فلافاك

جوديا :[ هزت كتافها موسدة كتفو] عادي غير بعض دروس ما كنفهمهمش.. [ شافت فيه بنص عين]وماعنديش كيف نشرحهم

مهاب [ اوما براسو بإيجاب نطق بهدوء] من ورا سفر نجيب ليك شي استادة هي تشرح ليك لي فاتك [ هبط عينو ناحيتها هي لي كترجف بالبرد ] يله ندخلو لبرد عليك

جوديا: [ نفات براسها وزادت تمخشت فيه مغمضة عينيها] لا عجبني لجو هنا غير خلينا

مهاب: [ كيدوز يدو على كتافها] دخلي لبيت جيبي مانطة واجي

داكشي لي دارت بعدت عليه حاطة رجليها حفيانين فوق الارض باغا دخل لبيت

مهاب: [ رفع حاجبو نطق بصوت مرتفع نسبيا] لبسي صندالة

قلبت عينيها بملل ودخلت لبيت حفيانة على صباع رجليها نفا براسو بلا حول.. التافت فاش شافها جاية وفيدها كوفرلي ديال ناموسية جلست على وضعيتها لولة تغطات وغطاتو معاما جر لكوفرلي مغطيها من ضهرها وجارها عندو كتر .. حاط راسو على راسها مغمض عيونو والبرد كيضرب فيهم

جوديا :[ بنبرة خافتة] مهاب

مهاب: [ مزال مغمض عينيه نطق بنفس نبرة] امممم

جوديا :[ سرطت ريقها سكتت لتواني حتى عقد حواجبو باستغراب] بغيت نقول ليك شي حاجة....

جوديا: [ سرطت ريقها سكتت لتواني حتى عقد حواجبو باستغراب] بغيت نقول ليك شي حاجة