🍂كاتبة :: Samira rd
ورَأيته فأَورَقت من سُرور القَلب أفنَاني".
الفصل :: 1
مهاب :[ نفا براسو وعيونو متبتهم عليها ] جيت لافران.. ولكن هاد لبلاصة في واقفين فيها لا
جوديا :[ اومات راسها بإيجاب] اتكون ختك ولالة غيثة عجبتهم افران؟
مهاب :[ مزال عينو عليها سكت للحظة ونطق] ماجيتش معاهم
جوديا :[ التافتت جيهتو رافعة حاجبها باستغراب شافتو كيف كيشوف فيها وفهمت قلبت وجهها ناحية جبل ] سلمى [ نطقت مبدلة لموضوع كتشوف في جبل ] تخيل هاد جبل كاع تلج لي فيه يطيح على هاد ديور [ التافتت ناحيتو ] شنو ايوقع
مهاب [ بدا يضحك خرج يديه من جيابو معنقها وهي حاطة راسها على صدرو ] شنو هاد لافكار كيطيحو عليك
بعدت عليه كتشوف فيه بخبث راجعة بخطوات لور وهو كيشوف فيها رافع حاجبو باستغراب.. تحنات لتحت بسرعة جمعت تلج فيديها ليحاه عليه.. غمض عينيه منين ترش على عينيه ووجهو
مهاب [ رفع حاجبو كيتمشا ناحيتها] كتغفلي
جوديا [ راجعة بلور كضحك ] خاصك ديما تكون معايا على بال
حتى هو هز تلج كيجري ناحيتها لايحو عليها.. صوت ضحكاتهم كيتسمع بقوة فداك لعلو والمكان خاوي.. لعبو وضحكو منيتهم.. كيف قالت جوديا ماغاديش ينسا هاد سفر ووفات بكلمتها.. خلاتو يخرج داك مهاب صغير لي ماعاش طفولتو.. خلاتو يضحك من قلبو ويلعب وهو كبير .. دازو ساعات وساعات لعبو ضحكو كالو.. وتعاودو مع بعضياتهم.. ضلام لحال.. مزال واقفين فجبل وهي امامو
مهاب: [ حط يديه على خدها مقربها منو داعب انفها بأنفو نطق بصوت خافت ] ماغاديش نسا هاد نهار
جوديا :[ مغمضة عينيها نطقت بنبرة خافتة] مابغيتكش تنساه [ حطت يدها فوق قلبو ] بغيتو يبقا هنا
مهاب :[ مغمض عينيه حط يدو على يدها لي فوق قلبو ] غادي يبقا هنا نتي وياه
عنقاتو حاطة راسها فوق صدرو مزيرها عليه بقوة بقاو تواني وهوما معانقين
مهاب: [ بلل شفايفو ونطق] نمشيو
اومات راسها بإيجاب بعدت عليه خشات يدها مع يدو وسط جيبو هابطين ديريكت لطموبيل طلعو وديمارا مكسيري.. حاطة راسها على زاجة وعيونها مغمضين بتعب.. داز لوقت وكان طاح ليل كانو امام لباب فطموبيل كيفيق فيها .. فاقت وخرجو حل لباب طلعت فدروج وهو تابعها من وراها دخلت لبيت وتلاحت فوق ناموسية بتعب.. نفا براسو بلا حول.. وتمشا ناحيتها محيد ليها سبرديلة حيد ليها كويرة ووطاگية قادها فبلاصتها غطاها وخرج.. حتى هو لبيتو ينعس
• اصبحنا واصبح الملك لله
واقفة امام دروج امامها لفاليزات .. لابسة حوايجها و مزال فيها نعاس
أنت تقرأ
لهيب عشقك محرم
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
