لهيب عشقك محرم

Part 32

🍂كاتبة :: Samira rd

ورَأيته فأَورَقت من سُرور القَلب أفنَاني".

الفصل :: 1

اختارقت لقرطاسة جسم رشيد بلا صوت لوا راسو ودم خارج من وسط كرشو.. التافت بسرعة عاقد حواجبو من صوت شهقات..

*نهاية لفلاش

كان كيمشي ويجي فبلاصتو يدو مزيرة على شعرو وكيرجع سينتا لور فاش غلط.. ياك هداك لي قتل باه وجوديا بنتو عندهم نفس لكنية لمعلومات لي جات عليها كتبين انه راه بنتو وهو هربان عليها.. مافهمش تخلطو عليه من كاع جوايه.. خشا يديه فجيابو كيقلب على تيليفون جبدو دوز لخط وحطو على ودنو تواني وسمع رد

مهاب: [ بصوت خشن] دبا تكون عندي ورا لقصر

بقا دقائق قليلة واقف فبلاصتو حتى كيبان ليه لكارد جاي اتجاهو واقف

مهاب: [ بلل ريقو نطق بتساءل] رشيد المنصوري

لكارد( امين) [ كيشوف فيه وكيدكر ] راجل لي ...

مهاب: [ مقاطعو كيومي براسو ] اه معلومات لي قلت ليك جيب ليا عليه صحيحة ؟ عندو بنت

امين: [ سرط ريقو ونطق بتوتر ] سي...

مهاب: [ نطق بصوت مرتفع غاضب] هضر.. عندو بنت

امين: [ هبط راسو مشبك يديه نطق بتوتر ] لا.. مؤخرا عرفنا بلي هاديك لي فالخيرية بنت خوه

مهاب: [ شد راسو بديه بعدم تصديق] مايمكنش .. مايمكنش  [ بسرعة كان توجه ناحيتو مزير عليه من لكول نطق تحت سنانو بغضب] واش عارف اولد لق**ة شنو درتي ولا لا .. عارف بلي معدب بنت ماشي دنبها [ هز يدو على شكل لكمة عطاها ليه وجه وامين ساكت رجع تبتو امامو بغل نطق] علاش مابحتيش مزيان علاااااش.. انت لوحيد لي كنتيق فيه

امين: [ مهبط راسو حشمان منو ] سمحليا اسي صقر ...

مهاب [ دفعو بقوة حتى كان ايطيح نطق عاطيه بضهر] فين ندير سمحليا ف*ر* .. خرج ت*ود عليا كمارتك ما نشوفهاش

وقف امين ومشا مخليه.. ضميرو بدا يصحا ويأنبو على شنو دار في جوديا .. كان صدرو كيطلع وينزل بالاعصاب لي ركبو فيه وجهو حمار وعيونو كذلك بقا دقائق والتافت داخل لقصر.. ديريكت فدروج وقف فدرجة لولة كيشوف في جوديا خارجة من بيت اروى .. التافتت حتى هي ناحية ليمين كتشوفو واقف امام دروج عقدت حواجبها من حالتو كان كيبان معصب وعرقان.. قلبت خطاويها ناحيتو واقفة امامو...

جوديا: [ هزت راسها فيه بإستغراب نطقت] مهاب .. مالك؟

كان متبت عيونو عليها كيرمش ببطء.. شنو غادي يقول .. من بعد هادشي كامل لي دار ليها.. كتربي بنتو ومعتانية بيها مامقللاش لاحترام على عائلتو واخا هادشي كامل لي دار.. بدون سابق انذار كان حاط يدو على خصرها جرها عندو حتى ولات فحضنو اتسنشقت عطرو رجولي مما جعل قلبها كيدق بقوة سرطت ريقها.. استغربت ولكن ماهتمتش بادلاتو لعناق حتى هي..كان مغمض عينيه والعداب لي دوز عليها كيدوز ما بين عينيه..اما هي فكانت حاسة بعضلاتو كتحكحك بجسمها ..