رواية عقاب ابن الباديه بقلم ريناد يوسف

٢٢

.عقاب ابن الباديه الفصل الثاني والعشرون.

مكاسب :خير ياعمتي دذيتيلي
عوالي :انتي اللي بيدك اتقولي خير وللا شر يابنت خوي،انتي عارفه زين ليش دذيتلك وعارفه ايش اللي انا اريده منك لكن دايرة عليا الحولة
مكاسب:بتعجب انا دايرة عليك الحوله ياعمتي لا عشت ولا كنت
وان كان تقصدي موال معزوزة الرأي فيه لعمي منصور وبوها انا مالي شور
عوالي :بعرف مالك شور الا بهلال وطاعة قصير العميه سوا في حق ولا ظلم ،بس صدقيني مو من صالحك طاعته في زواج معزوزة من محراب .صالحك في زواجها من رابح ،رابح وحيد بوه وامه وعمرة ماهيبعد عنهم ،لكن محراب ماشاء الله خوته واجدين وهو كبيرهم معناه بعد يتزوج هياخد زوجته ويسافر ليبيا يراعي مصالح واشغال بوه ونسيبه قصير وهادا يحتم سفر ابنك معاه، تمت شراكه ونسب ووليدك وحيدك يلحق عما قياتي ويتزوج حرمه ليبيه وخلاص ينسي القبيله والصحرا وينساك حتى انتي
لكن بزواجها من رابح هيقعد خو لوليدك وزوج اخته وما راح يفارقك ويقعد قبال عيونك
مكاسب :ياحرقه قلبي واااك علي والله ننكلب لو هادا صار دبريني ياعمتي وانا طوعك بس وليدي مايفارقني
عوالي معناها توقفي مع بنيتك وتراعي هي ايش اتريد وما تخافي من قصير هو ماراح يديرلك شي انتي ام اوليده الوحيد ولابد تكون لك كلمة،وبالاخير قصير ماله كلمة مع كلمة الشيخ منصور،غير بس الشيخ منصور مايريد يصغره
تم يام عقل خارب
مكاسب :تم ياعمتي

يامايزه دذي جيبيلي رابح ومعزوزه بس قولي لرابح ايتخفى  وما يخلي  حد يوعى   له وهو جاي وخاصة محراب.
ذهبت مايزه وعادت بمعزوزه وبعد قليل تبعها رابح، فاجلستهم عوالي امامها ونظرت اليهم وسالتهم: ايد اعرف
- قد ايش كل واحد فيكم رايد التاني وشاريه؟
رابح:
- قد السما والوطا وما بينهم من رمل ومي وحصا ، وقد كل قلب ينبض ما بين الحشا، اناعاشق بت عمي وشاريهاياعمتي.
تبسمت عوالي ثم نظرت لمعزوزه منتطرة منها الجواب فنظرت معزوزه لرابح واردفت:
-بقدر كل نبضه نبضتها القلوب اللي خلقت على الارض من أول بونا آدم وامنا حوا لليوم ياعمتي.
تبسم رابح وهو ينظر لها وهمس:
- ويلومون العاشق اذا عشقه ذهب عقله، والله ان العقل بكلمه من الحبيب يغيب وبكلمه يرد.ويطيب
عوالي:
- مادامكم متنيلين ومرمركم العشق اسمعوني.. كم من الوقت تقدر تنتظر معزوزه يارابح؟
- العمر وعمر بعد العمر ياعمتي.
وانت يامعزوزه:
- لنهاية الأجل انتظر ابن عمي.
عوالي:
- زين اسمعوني،، الشيخ منصور هيدذ عليكي يامعزوزه قدام بوكي ويخيرك بين الاتنين، فتحدثت معزوزه سريعاً:
- بختار رابح من غير كلام.
عوالي:
-صكري فمك يابهيمة واسمعيني، انتي لا هتختاري رابح ولا محراب، انتي هتقولي انك متريديش  تتجوزي من اصله، هتقولي انك مش هتتجوزي الا لما رجوه تكبر وتصير تعتمد علي روحها بكل شي، لان امها رمتها وانتي اللي شايله همها، انا اتفقت مع الشيخ منصور مايغصبك ولا يخلي بوك يغصبك، ووقتها يتعلق الامر في انتظار كلمه منك، ومحراب الا مايجي يوم ويمل، بس انا ودي منك اذا حاول يحكي معاكِ لا تصدية ولا تعشميه عدينه عابر سبيل الرد على قد السؤال، فهمتيني 
معزوزة:اي فهمت يعني تصير معاملتي  معه عادي كيفه  كيف اي حدا من اولاد عمومتي.
رابح:
- اذا حكى معاها ولا لفلف حولها بكسر راسه.ونقلع عيونه
عوالي:
-هيعند يافالح ويتمسك بيها اكتر، انت تبعد عنها لاتخليه يحس انك مراقبها وحارسها حتي لا يعند معك، واذا شفته يحاكيها فوت من جنبهم ولا كانك ريتهم.
رابح بعصبيه:
- ويش تقولي ياعمتي
عوالي:
- اقعد  ولا تتجحشن علي.. انا انقولك اللي فيه صالحك، سمعت كسبت عاندت تخسر.
معزوزه:
- اسمع كلام عمتك يارابح وماتخاف انا ماراح انعاطيه الفرصه.