"မင်းဘာကိုစောင့်နေတာလဲ မြန်မြန်သွားချော့လိုက်တော့လေ တော်ကြာ ကြာနေလို့ပိုကောက်သွားဦးမယ်"
ဂျိတ်က တီဗီမှာလာနေတဲ့ဟာသရှိုးကိုကြည့်နေရင်း ဟီဆွန်းကိုတိုက်တွန်းနေသည်
"နေပါဦး ငါအခုထိ သူဘာကိုစိတ်ဆိုးသွားတာလဲ ဆိုတာ အခုထိမသိသေးဘူးကွ"
ဟီဆွန်းရဲ့စကားကြောင့် ဂျေးက စားလက်စအာလူးကြော်ဘူးကို ပစ်ချကာ ဟီဆွန်းခေါင်းကိုတစ်ချက်ပိတ်တီးပစ်လိုက်သည်
"ဒီလောက်တောင်ပိန်းရလား မင်းရှန့်ဟိုင်လိုက်သွားပြီး သူ့ကိုပစ်ထားခဲ့တာလေ ဒီကိစ္စပဲရှိမှာပေါ့"
" ငါလိုက်သွားရမလားဆိုတုန်းက ဟွန်းနီးက *အင်း*ဆိုပြီးသေချာပြောခဲ့တာကွ ငါနားကြားမမှားပါဘူး"
"အဲ့ဒီ့ *အင်း*ဆိုတာ ထောင်ချောက်ကွ ငါမိဖူးတယ် ငါ့သူငယ်ချင်းတွေညလုံးပေါက်ပါတီခေါ်လို့ ဝန်းနီးကိုလိုက်သွားရမလားဆိုတော့ သူက *အင်း*ဆိုလို့လိုက်သွားတာကွာ ငါလည်းစိတ်လွတ်ကိုယ်လွတ်ပျော်ပစ်လိုက်တာပေါ့ နောက်နေ့လည်းကျရော ငါ့ကို ၄ရက်တောင်စိတ်ကောက်သွားတယ်ကွာ မေးလို့လည်းမရဘူး မနည်းချော့ရတယ် မှတ်ထား *အင်း*ဆိုတာ *ဟင့်အင်း*ကို အလိမ္မာနည်းနဲ့ပြောတာ~~~"
ဂျေးက သူ့အတွေ့အကြုံတွေကို အားရပါးရဖောက်သည်ချနေသည်.....
သေချာစဥ်းစားကြည့်မှ အဲ့တုန်းက ဟွန်းနီးရဲ့မျက်နှာက တစ်မျိုးဖြစ်နေတယ်လို့တော့ထင်မိသား~~~
သူကိုကလူကဲခတ်ညံ့တာကိုး....
"သူနဲ့ငါစတွဲကတည်းက ငါဘာလုပ်လုပ်သူ့ကိုအမြဲပြောပြီးမှ လုပ်တာ သူလည်းဘာမှမပြောခဲ့ပဲနဲ့အကုန်ခွင့်ပြုခဲ့တာပဲ အခုမှဘာထဖြစ်တာလဲမသိတော့ဘူး အိမ်ပြန်ရောက်ရောက်ချင်းကွာ အဝင်မှာတင် သူတို့လား ကျွန်တော်လား ရွေးဆိုပြီး မေးတာကွ သူဘာမေးမှန်းငါစဥ်းစားနေတုန်း သူမရှိတော့ဘူး.....အဲ့တာ ငါကသူ့ကိုဘယ်လိုသွားချော့ရမှာလဲ တစ်ခါမှလည်း ခုလိုမဖြစ်ဖူးဘူးလေကွာ"
ဟီဆွန်းကဆောင်းဟွန်း၏ပထမဆုံးစိတ်ကောက်ခြင်းအတွက် အတော်လေးခံစားနေရပုံပေါ်သည်
"အဲ့တာဆိုသူဘာကိုစိတ်ဆိုးသွားတာလဲ???"
သူတို့၃ယောက် မျက်စိ၆လုံး ဦးနှောက်၃ခု ဘီယာ နှစ်ဖာကုန်သွားတာတောင်အဖြေထွက်မလာပေ......
နောက်ဆုံးတော့ တီဗီဖွင့်လျက်သားနှင့် သုံးယောက်လုံးကြမ်းပေါ်မှာလဲကျကုန်ရော...
ဂျိတ်က သီချင်းလိုင်းထပြောင်းလိုက်တော့ အဆွေးသီချင်းတွေလာနေသည်~~
"ဟီဆွန်း မင်းဆောင်းဟွန်းကိုသွားပြန်မချော့နဲ့တော့ ဒီတိုင်းပစ်ထားလိုက်"
"ဟမ်......ဘာ ဘာဖြစ်တယ် "
"ဟုတ်တယ် ဂျေးပြောတာငါလည်းထောက်ခံတယ် မင်းနဲ့သူနဲ့ပြန်တည့်သွားရင် သူကဒီမှာပြန်လာနေမှာလေ အဲ့တာဆိုငါတို့မင်းအိမ်ကိုဒီလိုဝင်ထွက်လို့ဘယ်ရတော့မလဲ မင်းဆိုတာလည်း သူ့မျက်နှာနည်းနည်းလေးညှိုးရင်ကို ဟွန်းနီးသဘော ဟွန်းနီးသဘောနဲ့ မင်းငါတို့ထက်သူ့ကိုပိုချစ်တယ်ပေါ့ ဟုတ်လား....."
"ဟွန်းနီးနဲ့မင်းတို့နဲ့က..........နေဦး ငါသူပြောတာ သဘောပေါက်ပြီကွ"
*အား.....*
ဟီဆွန်းအားရဝမ်းသာနဲ့ကုန်းထလိုက်တာ ဂျေးမျက်နှာကို တံတောင်နဲ့တွတ်မိသွားသည်
"ငါမြန်မြန်သွားရမယ်"
"ဘယ်ကိုလဲ"
"ဟွန်းနီးကိုသွားချော့ရမယ်လေ"
"သူဘယ်မှာရှိလဲ မင်းသိလို့လား"
"အရင်အိမ်မှာပဲနေမှာပေါ့"
"ဒီအချိန်ကြီးလား....."
ဂျိတ်က နာရီကိုလက်ညှိုးထိုးပြသည်
မနက်၂နာရီ~~~
"ဒီပုံစံနဲ့သွားရင် ဟိုကမင်းကို ဆယ်ခါပြန်ဖြတ်သွားလိမ့်မယ်"
ဂျေးကသူ့ကိုလက်ညှိုးထိုးရင်းပြောသည်
တကိုယ်လုံးအရက်စော်နံနေပြီးရှုပ်ပွပွညှင်းသိုးသိုးရုပ်နဲ့ဆို အသန့်ကြိုက်တဲ့သူ့ကလေးလေးကတကယ်ကန်ထုတ်လိမ့်မည်~~~
"အေးအေးဆေးဆေး မနက်မှသွားစမ်းပါကွာ ငါတို့လည်းလိုက်ပေးမှာပေါ့ "
ဂျေးနဲ့ဂျိတ်ကပြန်ဆွဲထာတာကြောင့် ဟီဆွန်းခမျာဒီညတော့ ဆောင်းဟွန်းနဲ့တမြေတည်းနေပြီးထပ်ဝေးရပြန်ပြီ~~~~
TBC~~~
စိတ်ကူးပေါက်တာတွေထရေးတာကိုဖတ်ပေးကြတဲ့သူတွေအားလုံးကျေးဇူးပါ😘😘
YOU ARE READING
KO KO, You must choose!! Me or others???
Fanfictionသူတို့လား ကျွန်တော်လား ကိုကိုတစ်ခုတော့ရွေးမှရမယ်😘
