_مش ناوية بقا تديني رقم أخوكي.
_ أظن إني سبق و قولت لــ حضرتك بدل المرة ألف لا.....
_ طب قوليلي سبب الرفض و لا انتِ بتستغلي حُبك و عاجبك زُلي ليكِ.
_ بستغل زُلك معلشي، قولي إيه المبهج في دَ عشان أستغله و السبب هو إني مش حابه أرتبط خالص لا بيك أو بغيرك، مش أنا الشخص المناسب ليك أتمنالك حياة سعيدة مع إنسانة كويسة تستاهلك، و ياريت كفاية لغاية كِدَ لاني بعتبرك زي أخويا الكبير و مش حابه الإحترام اللِ بينا ينعدم و يتحط بدله تجاهل.
_ ماشي يا فرح زي متحبي بس هجيب عنوان بيتكم و هتقدملك برضو.
معرفش ليه مُصر لدرجادي، أنا قولتله بدل المرة ألف إنه مينفعش ؛ ولا لازم أبرر لكل إنسان أسبابي، عمره مهيقدر يتكيف معايا أو مع ظروفي، إزاي هيقدر يعيش مع واحدة رجل من رجليها مبتورة، و مش حابة أقوله إني عاجزة لانه أكيد هيتعامل معايا بشفقة، حابه أعيش قدام الناس إن انا شخص كامل مش لازم يعاملوني بشفقة أو حساسية و أهم شيء حابه أعيش مع نفسي في سلام ولا مينفعش الإنسان يعيش في هدوء بعيد عن الكوكب المزعج.
_ متوافقي يا عرجة حد يطول يرتبط بــ الاستاذ جاسر، كفاية إن في حد بص في وشك، أنا معرفش عجبتيه علىٰ إيه رغم إنك عرجة.
_ لو سمحتي يا سمر متنادينيش بــ عرجة أنا إسمي فرح ماشي.
_ زعلانة من الحقيقة ليه دَ الأعمى يشوف عرجتك..... تعرفي أنا لما أبقى زهقانة بتخيل لو إتجوزتي، و هما بيزفوكي و أكيد هتبقى ساندة على جوزك و بتعرجي، يا ربي على المنظر اللِ يفطس ضحك.
خلصت كلامها بضحكة مستفزة
_ مكنتش أعرف إني بضحك أوي كده يلا بقا إستكملي ضحكك و خيالك دَ في مكان تاني.
يمكن سمر دِ عملي الأسود في الحياة بحسها بتستمع جدًا و هي بتتنمر عليا بس معرفش حتى الآن هي إزاي مش مدركة إن كلامها مبيأثرش فيا بـقدر أُنملة، بنسبالي غبار منثور.
خلصت شغلي برغم إنه مرهق بس بحبه، فكرة إنك تبقى منظم حفلات مرهق بلا حد، دَ بيعني إنك تسمع من العميل هو عاوز يعمل إيه بــ الإمكانيات اللِ معاه، يعني حاجة في منتهى الإرهاق في البحث، يعني بتدور على أفضل مكان بـ أفضل سعر.
_ إتاخرتي ليه إنهاردة.
_ كان عندي شغل كتير جدًا بس الحمدلله خلص.
_ جعانة.
_ دَ أنا ميته من الجوع.
_ أجيب ناكل و لا نستنى أدم لما ييجي ساعة بالكتير و هيبقى هنا.
_ لا نستناه يعني عبال مغير و أصلي هيكون هو وصل.
دخلت إتوضيت و بدلت هدومي و طبعًا أهم حاجة قلعت الجهاز، بجد رجلي بتوجعتني جدًا لما بلبسه لفترة طويلة.
