_أنا هقلع النقاب
=بصدمة بس حاول ميبنش احم ليه ياحبيبى
_مش عارفه بقيت مخنوقة ومش مرتاحة وبعدين مكبرني اوي وانا يدوبك مكملتش واحد وعشرين سنة وبعدين حتي صحابي كلهم بيقوليلي كده
=هنا فهم واتنهد بيأس طب وصحابك قالوا ايه كمان
_بعفوية وعياط قالوا أني أحلي أوي من غيره
=بتأكيد طب ماهما معاهم حق فعلاً
بصتله باستغراب وعيون حمراء من البكا
=ايوة متستغربيش أنتي أحلي ألف مرة من غير نقاب اقولك علي الكبيرة بقي أنتي أحلي من غير حجاب خالص
_بس أنا مش قولت أني عاوزة أشيل الحجاب
=عارف بس انا حبيت أقولك كده عشان دي الحقيقه، قوليلى انتي لابسة النقاب من امتي
_من سنتين
=طيب عارفة مين كان السبب فى أنك تلبسيه أصلا
_بصتله بمعني مين
=أنا
_عياطها زاد يونس لو سمحت أنا مش حمل هزار
يونس: ومين قال أني بهزر ياعيون يونس عارفة قبل ما تنتقبي
_امممم
يونس: كنت بشوفك وأنا فى الجامعة وأنتي راحة المدرسة كنت اد ايه جميلة بنوتة تسحر بمعني الكلمة، جنية خطفت قلبي وخلت عقلي مش مشغول غير بيها سنة كاملة وأنا بشوفك من بعيد كنت بشوف أنك بنوتي اللي نفسي أحميها واحطها في نن عيوني وأحميها وأحاجي عليها برموشي بس إزاي وبصفتي ايه سنة كاملة علي الحال ده مكنتش قادر أفسر اللي بحس بيه لما اشوفك كنت بجد بتخطفيني بمعني الكلمة وكل ماقول حرام عليا نفسي واللي بعمله فيها ده وخصوصاً أني برهق فى مشاعري علي الفاضى وأنا مش جاهز أخد خطوة ولا كمان ضامن أنك مش مرتبطة وكل مرة كنت بلاقيني بتسحب من قلبي واجي اقف عند كشك عم محمد أشتري اي حاجه المهم انه يكون فى وقت انتي هتمشى فيه من قدامي
_انبهرت من اللي بتسمعه وعيونها زي ماهي بتبكي وده ليه انا مكنتش احلي واحدة يعني ولا انا ملكة جمال
يونس: صح كنت كل يوم برجع واسأل نفسي نفس السؤال ليه هي ليه حلم دونا عن النبات لا أنتي أحلي منهم ايه المميز فيكي عشان يحصل فيا أنا كده لحد ماعرفت
حلم بصت ليه باهتمام بمعني عرفت ايه
يونس شاور علي عقلها وبعدين قلبها: ده وده عقلك اللي رغم إدراكه باللي حواليه وبالصح والغلط إلا أنه بيأثر فيه ده وشاور علي قلبها، قلب طفلة بيتعلق بكل كلمة تتقاله وبيتأثر بيها ومش بس كده بياثر تأثير جامد علي ده (ورجع تاني شاور علي عقلها) برئية براءة مشوفتهاش فى حد ولا عمرها هتكون موجوده فى حد قلبك بيمسك في اي كلمة بتتقاله والدليل اللي انتي فيه دلوقتي صحابك قالوا مش عارف ايه أثروا عليك عشان عارفين إن قلبك بيتحكم فيكي بنسبة أكبر
