اسكريبتات٢🩷

الوطن في بعدك غربه🤗

+ الصعيد يا أمنية انت هبلة .
" يارتني سمعت كلامك يا دينا طلعت فعلا هبلة يوم مقررت اجي مكان معرفش فيه حد لمجرد اني نفسي ازور الصعيد ودلوقتي زي السجين فيها مش عارفة اتحرر لمجرد اني بقيت زوجة اسر ... وهو فعلا اسر ... انا مش عايزة اكون هنا مش عايزة... "
_ أمنية
= ميت مرة اقولك متنطقش اسمي بتخنق لمجرد نطقك لاسمي ... انا بكرهك ....
_ تشربي جوافة ...
= بكرهك
_ ربنا يخليكي ....
= انت مبتفهمش بقولك.....
_ لسانك هيطول بالله أندمك ... انا لحد دلوقتي معاكي كويس بلاش تشوفي وشي التاني
= انا فعلا ندمانة ... ندمانة اني جيت هنا ... وياترى الوش التاني دا هو اللي ضحكت عليا بيه وجبتني هنا على اساس انك هتحميني وانت ساجني ...
_ قولتلك كلها سنة وترجعي تعيشي زي ما انتي عايزة
= سنة انت ايه مبتحسش سنة افضل فيها معاك افضل فيها مع واحد بكرهه مجرد مبحس انك حوليا بتخنق ... سنة في بيت مليان ناس معرفهمش وبلد معرفش فيها حد ...اسبوع عدا عليا زي القرن تقولي سنة ... انت مجنون .
" بابا لما كان بيحكيلي عن الصعيد وناسها كان بيقولي أنهم عصبيين جدا فوق متتخيلي بس قلبهم زي بياض الثلج ... بالرغم من أن اسر كان عايش في مصر ودي المعلومة اللي عرفتها من وجودي هنا إلا أنه ورث العصبية دي ... مسك ايدي جامد لدرجة أنها وجعتني وبكيت .. كان بيتكلم بعصبية ... كأمنية بكره الصوت العالي اوي ... بيقولوا أن صوتي عالي بس انا مش بحس بكدا لكن كون شخص قدامي بيتكلم بصوت عالي أو بيزعقلي دا بيتعبني وبيخوفني خصوصا اني لوحدي في البلد دي "
_ مش قولتلك صوتك ميعلاش وكمان لسانك طويل يا اسكندرانية ...
= بدموع ... سيب ايدي
" كان مقرب اوي مني وبيضغط جامد عليها .... بالرغم من عيونه العسلي إلا أنها ضلمة من القسوة .... انا كارهه وجودي هنا فتلقائي مني بكيت "
= ايدي بتوجعني ... ا.... اسر
" اول منطقت اسمه بعد عني وقتها حسيت أن ايدي انخلعت من كتر الوجع ... "
_ صوتك ميعلاش تاني
....... =
_ لما اكلمك تردي عل....
" كنت ببكي بصمت ... انا عمري مكنت ضعيفة كدا ... يمكن وجودي في بلدي ووسط أهلي كان مقويني ... "
_ انت بتبكي ...
= اطلع برة لو سمحت
_ ايدك .
= قولتلك اطلع برة ....
" طلع وانا قعدت بإهمال مكاني ... يا وجع قلبي من غربتي ....يا وجع قلبي من اسر... "
فلاش باك ...
= يا دينا والله اسبوع واحد بس هنروح الصعيد ونيجي ... انا مصدقت اقنعت بابا
+ أيوة يعني هنروح نعمل ايه في بلد منعرفش فيها حد
= رحلة نتفسح ... اسمع أن اسيوط حلوة اوي ... واحنا الحمد لله خلصنا كلية واتخرجنا كمان نستمتع شوية بقى قبل منشتغل ...
+ دا على أساس انك هتشتغلي
= فرضا يا ستي ... ها قولتي ايه
+ هستأذن من بابا ...
= بأمر الله هيوافق
" كنت راكبة القطر جنب دينا وحاسة بخوف طول عمري بحب السفر قولت قبل مقرر اسافر اي مكان برة مصر استكشف بلدي الاول ... طول عمري اسمع عن عادات غريبة لاهل الصعيد وانا حابة اشوف بالرغم من كوننا في القرن العشرين لسه العادات دي موجودة ولا لا .... بس انا خايفة القطر وصل اسيوط ومع اول خطوة اخطيها برة المحطة خوفت رعشة صابت قلبي وجسمي ... قولت عادي يمكن لان المكان جديد ... بس المكان ليه هيبته ... "
+ وصلنا يا ستي الحمد لله نعمل ايه بقى
= نرتاح بس وننزل نتفسح ...
" الساعة كانت سبعة بليل لما صحيت كنت زهقانة ودينا جانبي نايمة طلعت التراس بصيت للشوارع والناس كنت مفكرة عشان انا في فندق سياحي وكدا اني مش هشوف ناسها غير لما انزل الشوارع واتعامل معاهم ... بس الناس ماشية عادي في الشارع ... لبست درس اسود وخمار نبيتي والكوتش والشنطة الباك بتاعتي ونزلت اتمشى في بلد معرفهاش بس لمجرد الفكرة اتحمست ... كنت ماشية في الشوارع بس مفيش ستات ولا بنات ماشية يمكن انا البنت الوحيدة اللي ماشية في وسط الناس نظرتهم ليا خوفتني بس فجأة لقيت نفسي ماشية لوحدي مفيش حد في الشوارع كلها فاضية وانا مش عارفة ارجع الفندق انا فكرت اني هسأل وانا راجعة الناس فيدلوني بس مفيش حد وكأن البلد دي مهجورة انا ايه جابني هنا ... حاولت ارجع مش عارفة في شوارع فيها نور وتانية ضلمة ... ضميت نفسي وحضنت ازازة المانجا اللي كانت معايا وكأني بتونس بيها... بكيت لما دينا اتصلت بيا ..."
+ أمنية انت فين الساعة عشرة ونص انت فين ...
= ببكاء ... دينا انا توهت
+ ايه ... طب اسالي اي حد
= مفيش
+ يعني ايه مفيش
= والله يا دينا مفيش ... انا هموت من الخوف
_ انت بتعملي ايه عندك يا آنسة
" لمجرد اني سمعت صوت جنبي حسيت براحة شوية قرب وكان شاب بس كان لابس كاجول مش زي الناس اللي كانت هنا من شوية لابسين جلابيب ... كان لابس ترنج رياضي واضح أنه كان بيجري وماسك ازازة في أيده كانت شبه بتاعتي بالضبط لما اشتريت بتاعتي جبتها اسود من حبي في اللون ... بيجري بليل ومفيش حد في الشوارع غربية بس على مكان زي دا مش غريبة "
= انا .... انا
_ لحظة انت مش من اسيوط
= لا ... انا عايزة ارجع البيت
_ بيتك فين ... ؟!
= في اسكندرية
_افندم!!
= عايزة اروح الفندق وانا توهت لو سمحت ساعدني ارجع
_ اتفضلي ...
= شكرا جدا يا استاذ ... حقيقي شكرا ... بس سؤال واحد بس الناس راحت فين ؟!
_ احنا هنا عندنا قوانين محدش يطلع من البيت بعد الساعة عشرة
= اهاا .. بس انت بره اهو
_ القوانين تطبق على اي حد الا اسر محمد
= ومين اسر محمد
" رفع حاجبه بطريقة كنت عايزة اضحك عليها لما فهمت أن هو اسر محمد فاتكلمت وانا بضحك "
= خلاص يا عم هتاكلنا عرفنا انك اسر محمد ...
_ انت اسكندرانية
= أيوة ...
_ ماشي يا اسكندرانية الفندق اهو تاني مرة متخرجيش بعد عشرة ونص
= هفكر ...
" بصلي بنفس رفعة الحاجة وأيده في جيبه ... "
= اصل القوانين تطبق على الكل إلا أمنية عكر
_ ومين أمنية عكر ؟!
........ =
_خلاص يا ستي هتاكلينا عاد خبرنا انك أمنية عكر
" كان بيتكلم مصري عادي بس لما قال الجملة دي قالها بلهجة الصعايدة وكانت قمر اوي ...فضلت اضحك لما قلدني والازازة وقعت مني جبها وفضل ماسكها وقتها انا اتكلمت في وسط ضحكي "
= انت صعيدي
_ صح
= ماشي يا صعيدي ...ههههه
خدت منه ازازة وانا بقول ... تصبح على خير وشكرا
_ تلاقي الخير والعفو
" مشي وانا طلعت احكي لدينا على اللي حصل بعد مماشاء الله هزقتني بلسانها اللي بينقط سكر على غيابي ... "
+ يا بنتي انت في بلد متعرفيش فيها حد ليه تتغابي ... هيرضيكي يعني لما توهي ومنعرفش نوصلك ...
= انا كويسة اهو خليني اشرب منجتي برواق بقى
" جيت اشرب لقيتها ماية عرفت انها اتبدلت مع ازازة اسر وهو اخدت منجتي ... "
+ امنيه
= افندم
+ سرحانة في ايه
= تتخيلي ماية الصعيد طلعت حلوة
+ دا انت فعلا توهتي ....
بااااااااااااك
= يارتني ما كنت توهت يومها يا دنيا ... يارتني مقابلتك يا اسر ...
" كنت بمسح دموعي وحاولت اقوم عشان اشوف اي حاجة لجرح ايدي ... طب ايدي والايام تداويها ... بس مين يداوي قلبي ... نسيت وسندت عليها وكنت هقع بس أيده اللي لحقتني"
_ حاسبي يا أمنية
= جيت ليه
_ جبتلك مرهم عشان ايدك
= ولله كتر خيرك ... الداء والدواء
_ اتفضلي
= مش عايزة منك حاجة انا اخد السم من اي حد يقولي هطلعك من هنا ولا اني اخد الدوا وابقى
" قرب بهدوء مسك ايدي وقعدني على طرف السرير وقعد هو على الأرض فضل يدهن المرهم برقة وخوف من اني أتوجع وكأنه شخصين في شخص واحد ... واحد بيئذي والتاني مبعرفش غير يداوي ... عيونه رجعت عسلي تاني لما هدي ... كان بيتكلم بعد مخلص كان بيتكلم بحنية ودفا "
_ شوية وهتبقى كويسة ... هو مش معروف عني اني بقولها بس انا ... اسف ... الناس هنا مش وحشين حاولي تنزلي من اوضتك وشوفي اهلي هتحبيهم ويحبوكي ...
" اتكلمت بنفس نبرة صوته لما لقيت أن مفيش فايدة من الصوت العالي ... "
= وهما ناسها اللي مش وحشين دول بيخدعوا الناس يا استاذ اسر ...
_ أمنية هى سنة هتبقى هنا لحد مجدي يعطيني المراث وبعد كدا ارجعي عيشي حياتك تاني
= انت بتعمل كل دا عشان الفلوس وبس انا مشفتش ولا هشوف أسوأ منك ... انا نفسي اعرف انت قولت لبابا ايه خليته مشي وسابني هنا ....
_ شاطرة بتفهمي بسرعة ... وبالنسبة لوالدك ميخصكيش قولتله ايه ...
= ههرب يا اسر
" عيونه المرة دي مش اتحولت للاسود لا دي كانت زي الدم من شده حمرها ... المرة دي مسكني من كتفي جامد كنت حاسه أنهم انكسروا في أيديه ... اتكلم وصوته كان زي فحيح الأفاعي "
_ قسما بالله ادفنك حية ومستبعديش دا عن الصعايدة ...
" سابني ومشي وانا وقتها كنت بتمنى اني اموت معقولة كل اللي انا فيه دا ... دا على الاكيد حلم لا كابوس ... نزلت تحت البيت كان كبير وانا بخاف من الأماكن الكبيرة ... قربت عليا ست عرفت انها أمه قولت في سري الله الحماية والبنت اللي خطفت ابنها منها دا انا هنضرب ضاااااارب ... بس الغريبة قربت بهدوء ورقة ولا أكنها أمه ... كلمها دخل قلبي "
& ازيك يا حبيبتي .... يارب تكوني بخير هنا
= الحمد لله بخير ... حضرتك والده اسر صح ...
& أيوة يا حبيبتي والده اسر ...
= بس أنت ...
& مش صعيدية ... انا من مصر وقابلت والد اسر الله يرحمه وحبينا بعض واتجوزت وعيشت هنا ...
= امم ...
& انا عارفة اللي اسر عمله يا حبيبتي مش عارفة اقولك ايه بس اسر مش وحش
= هو اللي مش وحش يا طنط يعمل في بنات الناس كدا
& قوليلي ماما ... وبعدين الايام هتثبتلك أن اسر مش وحش ... دلوقتي روحي سلمي على جد اسر كان عايز يشوفك ....
" كنت حاسة بخوف وانا رايحة لجد اسر مش عارفة ليه بس لما الخدم بيعرفوا أنه جه بشوف في عيونهم خوف ... ربنا يستر "
= السلام عليكم
# وعليكم السلام ورحمة الله وبركاته ... تعالى يا بتي
= انا ...
# أمنية مرات الغالي ... كنت خابر انك زينة لما اسر حكى عنك
= هو اسر حكى عني ...؟!
# اول مرة اسر يحكي عن حد بحب أكده ... و عشان انا خابر حفيدي زين خليته هو الوريث لكل املاكي وعشان خابر أنه هيحافظ عليها بس شرطت عليه يتجوز ... كان رافض بس انا عرفت اقنعه قولتله اتجوز ولو لسنه عشان اسم عيلتنا يفضل زي ماهو ... لو حد غيره مسك الشغل هيضيع وانا خابر أن اسر عمره مهيسمح بأكده ... واهو جابك أهنه قبل متضيعي منه ... اسر بيحبك بس هو اللي بيكابر
" انصدمت من كلام جده ... يعني هو بيحبني ... وهو مش بيحب الفلوس ... بس انا بكرهه طريقته كانت غلط ... وانا مش حابة افضل هنا ... "
= عن اذنك يا جدو
# اتفضلي يا بتي ... في فالدوار جنينة هتحبيها ...
= شكرا يا جدو
"خرجت اتمشي في الجنينة فيها خضرا كتير وجميلة ولقيت فيها شجرة مانجا ... نسيت الحزن وجريت عليها احاول أقطف مانجا بس معرفتش لاني مكنتش طويلة كفايا كانت قريبة بس مش عارفة اجيبها ... فجأة لقيت ايد بتتمد جنب ايدي وقطفت  المانجا ... كان اسر عرفته من ريحته ... بالرغم كرهي ليه وكرهي لوجودي هنا بس ريحته بتحسسني بشعور غريب اول مرة في حياتي أحسه ... ببقى عايزة اغمض عيوني واحتفظ بريحته في قلبي مش بس في رئتي ...
_ بتحبي المانجا .
....... =
_ يعني مش عايزاها
= هات دي ... وملكش دعوة بيا
" قرب مني وهمسلي بطريقة تشبه همس الاب لبنته ... "
_ طب اقولك على حاجة
= ايه
_ في هنا جنينة ورد كبيرة
= بجد ....
_ بس ممنوع حد يدخلها ...
= مين قال كدا
_ أسر محمد
= طب دخلني ...
_ ليه
= بتلقائية ... عشان انا مرات اسر محمد
_ ايه ؟!
= احم ... عن اذنك
_ لو حابة تدخليها معنديش مانع
= بفرحة ... طبعا ...
" بالرغم الحزن اللي جوايا الا اني بعشق الورد ... بحب كل حاجة ممكن تفرحني الورد السما النجوم الشتا المطر ام كلثوم حليم الرسائل الورقية ... والمكان كان أشبه بالجنة فيها ورد اول مرة اشوفه ريحته جميلة وشكله يفرح القلب الحزين ... كنت بتحرك وانا بضحك نسيت كل الحزن والوجع ووجودي في بلد معرفهاش مع شخص غامض وغريب ... فجأة لقيت اسر قرب مني وقف قدامي وهمهم بكلمات سمعتها كويس "
_ ابتسامتها تشبه الهاوية ... كلما اقتربت منها كان السقوط مؤكدًا ... وأنا أريد السقوط فيها ...
" حاجة غريبة زغزغت قلبي .... حاجة خلتني اضحك بكسوف ... عيونه غريبة مبقدرش أبصلها فترة ... غمزلي ومعاه غمز قلبي طلعت اجري وصلت لغرفتي وانا بتنفس بصعوبة ... عشان البيت عائلي لازم انا وهو نكون في نفس الغرفة الاسبوع اللي فضلته هنا كان بيخرج بدري جدا ويرجع متأخر جدا ... وكأنه كان بيهرب من مواجهتي ليه ... جه من بره معاه وردة جميلة شبه وفيها شوك زي وجوده ... جرد منها الشوك وحطها على السرير وقال جملة ومشي ... "
_ الورد للورد يا حورية
" عرف منين حورية وعرف منين عشقي لجملة الورد للورد ... هو غريب وغامض ... انا صعب اني اقع في الحب ... بالرغم من وجود شئ غريب في قلبي بس دايما بفسره بعيدا عن الحب ... انا مش عايزة احب ... انا كنت فرحانة كدا .... شوفت الحب اذى كتير حوليا وانا مش حمل الاذية ... لبست عباية بيتي مامته هدتهاني لونها اخضر وانا مش بحب الاخضر غير في الخضرا بس اما اللبس لا بس لبستها وحررت شعري اكذب لو اقول كانت وحشة لا بالعكس كانت جميلة اوي فيها شئ غريب حببني فيها .... كنت بقرأ كتاب عن أشياء تؤلمك لأحمد عبداللطيف والوقت أتأخر وانا مش حاسة ... "
_ لسه صاحية
"اتخضيت وقمت بسرعة الكتاب وقع مني ... هو مسكه عطهوني وهو بيقول ... "
_ يا سيدتي حين ترتدي الاخضر
اقسم لك انك تشبهين غصن الزيتون العالق بشجرة سلام .... يجذب إليه القلوب جذبًا ... ويحط عن المتعبين تعبًا ... ويثير دهشة المقيمين ... ويحير لب المسافرين ... حين ترتدين الاخضر استعيذي بربك الا تلفتي العابدين ... أو تحيري بدلالك الزاهدين ...دعي النَُّساك وشأهنم، تحدثي مع العالم بحذر من خلف حجابك كي لا يطمع الذي بقلبه مرض .
= احم ... انا هنام
_ عن اشياء تؤلمك ؟!
= وجودي هنا ....
" كنت حاسة أنه قاعد يبصلي حاولت انام مش بعرف انام وانا حاسة أن حد بيراقبني ... قومت بعصبية ... "
= ممكن تنام وتبطل تبصلي
_ مش يمكن بشبع منك ...
= ايه ...؟!
_ عايزة ترجعي بلدك ...
= أيوة ...
_ انا هرجعك بلدك ... بعد شهر من انهاردة ارجعي وعيشي حياتك ولما السنة تمر هطلقك ...
" حاجة وجعت قلبي مش عارفة ايه هى ... اتاري القلب بيحب واحنا مبنعرفش ... بس على الاكيد دا مش حب ... مش حب "
= يعني بعد شهر هرجع اسكندرية ...
_ أيوة ...
= يارب الشهر يمر بسرعة
_ للدرجة دي ....
= انت قولت لبابا ايه لما جه هنا خليته يرجع ... بابا طول عمره بيخاف عليا عنده استعداد يمحي اللي ينزل من عيوني دمعة انت عملت ايه ....
_ وعدته اني اشيلك في قلبي وعيني .... تصبحي على خير .
" كلامه غريب ... كلامه بيوقعني فيه ... قادر يمتص الغضب اللي جوايا بكلامه ... لما قابلته اول مرة حسيت انه شخص كويس فضلت هنا اسبوع كنت بحس ان حد بيراقبني واليوم اللي كنت راجعه فيه انا ودينا كنت ركبت القطر خلاص بس عارفة أن الرحلة طويلة نزلت اجيب مانجا فجأة لقيت شباب غريبه واقفة قدامي ... القطر مشي وهما شكلهم يخوف ... حاولت ابعد معرفتش واحد منهم حاول يمسك ايدي لما لقيته حاشهم كنت سامعه صوت كسرة ايد الشاب دا ... كان نفس الشاب اللي رجعني الفندق اسر ... ضربهم ... كنت ببكي على القطر اللي فاتني واني بقيت لوحدي قرب واتكلم بحده وطلب بطاقتي .... فكرته هيساعدني شدني من ايدي وركبني العربية وانا مش فاهمة حاجة عماله أكلمه وهو ساكت مش بيرد خالص وصلت لمكان غريب عليا بيت كبير بيقولوا عليه دوار ... دخلت معاه وانا مستغربة ... وقتها لقيت مأذون وأسر بيقدم بطاقتي ليه ....
= ايه دا انت اتجننت ... انت بتعمل ايه
" شدني دخلني غرفة في البيت الكبير واتكلم .... "
_ هتوافقي على الجواز
= مستحيل ...
_ الساعة دلوقتي عشرة بليل .. عارفة اللي بيلاقوه بليل بعد الساعة عشرة بيعملوا فيه ايه
= ايه ... ؟!!
_ بيدفنوه حي
= أن...انت اتجننت ... مستحيل ايه مفيش حكومة في البلد
_ البلد دي قوانينها بتتنفذ على الحكومة ذات نفسها ... تحبي تطلعي برة ولا توافقي على الجواز ...
= حرام عليك انت ليه بتعمل كدا ...
_دا اخر كلام عندي...
= ببكاء .... ياريتك كنت سبتني في المحطة ولا انك جبتني هنا
_ مهو اللي في المحطة مكانوش هيرجعوكي البيت يعني ...
= بكرهك ...
" رضيت بالأمر الواقع وبعدها اتصلت على بابا جه بغضب الدنيا كلها بس رجع بهدوء ... عرفت دلوقتي اسر قاله ايه وقتها .... كل مفتكر اللي اسر عمله أكرهه ... هو لو فعلا حبني زي ما جده قال ليه عمل كدا ... طب حبني ازاي انا مش شوفته غير مرة واحدة ... نمت بعد تفكير كتير كدا كدا شهر وهرجع اسكندرية وسنة وارجع حرة وتاني مرة مش هسافر بلد معرفهاش ... مرت الايام واهتمام اسر بيا حسسني أنه بينفذ وعده لبابا ... كان باقي اسبوع وارجع اسكندرية ... كنت زهقانة اوي اوي ... عماله اتحرك في الغرفة وحاسة بضيق اوقات بزهق كنت بنزل على البحر بس حتى دلوقتي مش هعرف انزل هنا الساعة تسعة وخلاص كلها ساعة وتبقى عشرة لو حد شافني برة هيدفني دا اذا خرجت ... "
_ مالك ؟!
= زهقانة وحاسة اني مخنوقة
_ تعالي هخرجك
= بفرحة ... والله جد
_ والله جد
= حالا هلبس واجي ...
" دخلت لبست درس ازرق وعليه خمار اسود لبست الكوتش وخرجت بالشنطة الباك كان واقف ساند على العربية وحاطط أيده في جيبه .... "
" كل شئ بك يسحرني حتى وقفتك ... "
= اسر ...
_ ايه ...
= سرحان !!
_ فيكي .
= احم احم ...
_ يلا ....
" الشوارع كانت فاضية ... وصلنا
لمكان عليه باب ... دخلت مع اسر كان مكان جميل اوي شبه الجنينة اللي في الدوار بس دي اجمل ... فيها ورد توليب كتير والمكان منور ولا اكننا ليل ... فيه حمام سباحة محاط بالورود والسما صافية والنجوم سعيدة سعادة تليق بالجنة دي ... "
= المكان جميل اوي
_ دا مكاني المفضل محدش بيجي هنا غيري ... الجنينة هنا واللي في الدوار انا اللي بهتم بيهم ...
= اممم مهندس شاطر
_ يعني من بعض ما عند حورية ...
= عرفت حورية من فين ...
_ ثانية ...
" اختفى والمكان أصبح هادي مش خايفة عشان ريحته حوليا طاغية على ريحة الورد ... فجأة صوت أم كلثوم طلع ... "
أول عنيا ما جت في عنيك
عرفت طريق الشوق بينا
وقلبي لما سألته عليك قالي
قالي دي نار حبك جنة
صدقت قلبي في الي قالولي
لكن غرامك حيرني
وليل بعادك سهرني
تجري دموعي وانت هاجرني
تجري دموعي وانت هاجرني
ولا ناسي .. ولا فاكرني
" كنت بسمع ام كلثوم بهدوء وقتها عطاني مانجا ... عيوني اتعلقت بيه حسيت اني بتوه ... "
" وكأنني قطعت تلك المسافات حتى أتوه فيك ... "
" رجعنا البيت تاني مكنتش عايزة الاسبوع يمر وهو ساكت ومش بقيت اشوفه كتير بتأخر في النوم لعل يجي بس مش بيجي كنت بنام على الكرسي وانا مستنياه اصحى ألقى نفسي على السرير اعرف أنه جه ... جه اليوم اللي همشي فيه هو مكنش موجود سلمت على مامته اللي كانت رافضة تسبني وجده حضني قالي متمشيش ... بس انا مشيت ... وصلت لمحطة القطر محبتش اروح بعربية من عندهم خلاص انا هرجع ... وصلت المحطة واقعدت بإهمال وحزن .... فجأة لقيته واقف قدامي قومت بفرحة ... عطاني ورد من المكان اللي اخدني ليه اخر مرة ... قرب مني باسني من جبيني وضمني ليه ... حسيت أن دا مكاني ... دا موطني ... انا انتمي لهنا ... انتمي ليك "
" اقسم لك أنك لو همست لي بالبقاء ...لبقيت عمري كله معك ولا أبالي "
_ توصلي بالسلامة ... الورد للورد ياحورية
= بدموع وحزن الرحيل .... مع السلامة يا اسر خلي بالك على نفسك ...
+ يا بنتي بقالك خمس شهور حابسة نفسك في البيت انت مكنتيش كدا ... اخرجي دي بلدك انت في اسكندرية يا أمنية
= لأول مرة اسكندرية تكون وحشة كدا يا دينا ...
+ ولحد امتى ؟!
= هو ليه سابني امشي ؟!
+ مش انت اللي طلبتي دا
= دا كان قبل ميوقعني فيه ...
+ ودلوقتي ... ؟!
= وحيدة وبعيدة ومنسية ....
" أيا عزيز قلبي هان عليك البعد ... هان عليك الفراق ... والله لم يهن على قلبي ولو للحظة ... عد إلي بالله عليك ... عد وأجعل القلب يحيا بوجودك ... "
" لعنة الله على عقل قالي لي السعادة في الرحيل ... وهو الآن يبكي صارخا مستغيثا من ألم الفراق ... "
@ مانجا يا حورية
= بدموع ... بابا
@ هو وعدني يشيلك في عنيه وفي قلبه ....
= وفي بوعده يا بابا ... بس وقعني فيه ...
@ وجيتي ...
= والله لو كان قالي ابقي لبقيت ...
@ هتعملي ايه
= هشتغل ... كفايا خسارة لحد كدا ....
" اشتغلت في شركة ... كمهندسة بتقدير امتياز لقيت شغل بسهولة صاحب الشغل راجل كبير بيعاملني زي بنته مر شهرين في الشغل حققت انجاز كان كل وقتي شغل بحاول اجهد نفسي عشان اجي بليل انام من غير مفكر فيه ... بس مش بعرف انام منغير مطيفه يحضني ... "
" الوقت في بعدك يمر مرور السلحفاء ... كل شئ غريب هنا حتى غرفتي أصبحت أشعر فيها بالغربة ... "
= بفرحة ...الصعيد يا مستر ...!!
* لازم تتابعي الموقع الجديد هناك هو يوم وتيجي اليوم اللي بعده انا حاسس اني في حاجة غلط وانا بثق فيكي عن كل اللي هنا .... مستعدة
= طبعا طبعا ...
" ركبت القطر وكتبت في النوت ..."
"هذه المرة أتمني التوه حقا ... أتمني التوه فيك ألف مرة"
" كنت في الفندق اللي نزلت فيه اول مرة جيت هنا ... خلصت شغلي والمفروض ارجع بكرة ... الوقت كان متاخر والساعة قربت على عشرة ...لبست نفس الدرس والخمار اللي قابلته بيهم اول مرة نزلت اتمشي ... الأمن اللي في الفندق حاول يمنعني بس لما قولته اني مرات اسر محمد سمحلي اطلع ... مشيت في الشوارع من غير معرف انا بروح فين كان نفسي اشوفه ... عارفة أنه مش بيجري غير بليل عشان يرجع البيت متأخر ومش يشوفني بس انا خلاص مش بقيت معاه ياترى لسه بيتأخر بره .... معرفتش ارجع حضنت الأزازة بتاعته اللي من يومها وهى معايا كنت هبكي بس طيفه كان معايا ... المرة دي بكيت مش من خوفي من وحدتي ... "
" لن أنسى لطيفك معروفه في وحدتي هذه "
_ واقفه عندك ليه يا آنسة
" كان هو ... أيوة اعرفه من ريحته سبع شهور منستش فيهم اي حاجة تخصه انا لسه فاكرة ساعته المفضلة البرفيوم بتاعه لسه فاكرة شكل دقنه وشعره اللي لما يتعصب يفضل يلعب فيه بعشوائية لسه فاكره عيونه العسلي اللي لما كنت بشوفها كان نفسي بيقف ودقات قلبي تزداد ... "
" كيف لنظرات عينيك أن تتسابق مع دقات قلبي وشتان بين سرعة الضوء و سرعة نبضي .... "
_ أنا بكلم.... أمنية
= لو سمحت ممكن تساعدني
" من غير كلام مسك ايدي جامد ورجعني على بيته مش على الفندق .... كنت شايفة فرحت الكل برجوعي مامته اللي حضنتني وجده اللي وانا في حضنه همسلي ... "
# هان عليكي البعد يا ست البنات ....
= لا والله يا جدو.... في السبع شهور كنت وحيدة ... انا سبت معاكم أمنية ورجعت بدونها ...
" لسه جدو هيتكلم أسر مسك ايدي تاني وطلع على غرفتنا ليه زي ما هى زي مسبتها وكتبي ورواياتي اللي سبتها هناك ... "
_ أنت ازاي تنزلي في الوقت دا .... أنت مش عارفة أنه غلط عليكي ...
= كنت عارف اني هنا
_ أنا مسبتكيش خلال السبع شهور يا حورية ... أنا مسبتكيش من أول يوم شوفتك فيه ... هترجعي بكرة ... هتنامي هنا لحد مترجعي ...
" خرج وسابني ... ليه مقاليش ابقى ... ليه مقلش وحشتيني ... ليه مضمنيش ليه ... معقوله نسي ... الوقت بينسي بس أنا منستش ... قعدت على المكتب اللي عليه كتبي لقيت في كل كتاب رسالة ورقية ... "
" لم أكن يوما من هؤلاء الذين يخطون سطور العشق ولكن عندما رأيتك كل شئ اختلف ... أصبحت أنسج من الغزل أبياتًا علها تضمك إلها فأنا لا أستطيع ذلك .... "

" حوريتي ... أعلم جيد العلم أنه لا بأس بك في الرياضة ... أعجزتي عن عد تلك الثواني في بعدك عني؟! ... أنا لا أعد الأيام ولا الشهور ... أنا هنا أعد الثواني ..."

" كيف لقلب أحب الجميع وألفهم ... أن يقسو هكذا على قلب أحبه ... "

" لم أتركك طوال هذه المدة بل كنت معك في كل أوقاتك ... حتى ذلك الوقت الذي آثرتي فيه البقاء في غرفتك كنت معك ... أنا من كان يرسل طيفه كل ليلة ليضمك ... وددت لو عانقتك عناق يصل لألف سنة بل يزيد "

" عيناك كحروف الأبجدية عزيزتي ... كلما رأيتها ود قلمي احتضانك وخط سطور عشقك..."

" أحبك حتى وإن كابر العقل ... أحبك ... "
" الكلام دا كله ليا أنا ... يعني فعلا كان معايا ... أنا بحبك يا آسر فضلت سهرانه طول الليل مستنياه يرجع عشان اقوله أنه وحشني ... اقوله لو كان قالي ارجعي كنت رجعت ... لو يوم واحد بس كنت شوفته صدفه والله العظيم كنت مسكت فيه لآخر العمر .... مرجعش والليل عدى ومعاه الامل في اني ارجع له ... خدت رسايله وروحت الفندق جمعت حاجتي وروحت المحطة ... ركبت القطر ...
" أن تجعل قلب أحدهم موطن لك ... يصبح الأمر مهلك للغاية ... "
_ الورد للورد يا حورية
= أسر ...
" كان جايبلي ورد من جنينته وقرب مني باسني من جبيني وضمني ليه زي اول مرة ... همسلي "
_ توصلي بالسلامة
"ولسه هيبعد مسكت فيه بكل ذرة حب ليه جوايا ... "
= مش المرة دي يا اسر أرجوك سلامي في وجودك ... بلاش المرة دي ... مش عايزة أبعد عنك ...
" بعد عني وانا قعدت بإهمال ابكي المرة دي هنتهي لو بعدت ... "
_ هاتي بطاقتك ...
= ليه .؟!
_ عارفة اللي بيخرج من بعد الساعة عشرة بيحصله ايه
= ايه ؟!
_ بيندفن حي ...
= مستعدة اندفن حيه لو هندفن في بلدك
_ بس في قلبي ....
" شدني ليه ودخلني جواه المرة دي عناقه كان ترحيب مش وداع .... المرة دي ضمني بكل وقته وانا ضميته بكل حبي ... همسلي واجمل من يهمس لحد هو ... "
_ بحبك يا حورية ... بعشقك
= وانا بموت فيك يا اسر ....
" بالرغم من بعد المسافات لم يكن اللقاء مستحيلا ... "
$ بابا هو فعلا  كان اللي بيطلع بعد عشرة كانوا ببدفنوه حي
_ ههههه اقولك على سر يا زين
$ اممم
_ كنت بضحك على ماما عشان تتجوزني ...
$ دي لسه لحد دلوقتي بتقولي كدا ...
_ اياك تقولها على السر دا ...
$ طب ليه مش بنخرج بعد عشرة
_ احتياطات أمن عشان كورونا الأهالي اللي هنا عملوا مجلس وقرروا كدا وأخرنا المدة لعشرة  عشان المصالح ....
= آسررررررررررر
_ حوريتي ...
= بتضحك عليا يا آسر
_ أنا يا روحي ....
= والله جد ... طب طلقني يا آسر ....
_ تشربي جوافة
= بكرهك
_ هو انا مقولتلكيش ...
= ايه ...؟!
_ مش انا زرعت نوع ورد جديد في الجنينة بتاعتنا
= بجد يا حبيبي
_ بجد يا روحي تعالي نروح نشوفها ....
= الساعة عشرة
_ وانا آسر محمد
= بحبه
_ هو مين ... ؟!
= الورد ....
_ وأسر ؟!
= اممممم
_ زرعتلك شجرة مانجا
= بعشقه ....

اهواك في قربك وف بعدك
واشتاق لوصلك وارضى جفاك
أوقات في قربك وف بعيدك
وان غبت احافظ على عهدك
وافضل على ودي وياك
يورد على خاطري
كل الي بينا اتقال
ويعيش معاك .. فكري
مهما غيابك طال
واحشني وانت قصاد عيني
واحشني وانت قصاد عيني
واحشني قصاد عيني
وشاغلني وانت بعيد عني

"ليت كل السجون كقلبك ... والله لفعلت الجرم الف مرة حتى تأسرني به 💙✨"
#الوطن_في_بعدك_غربة
#امنيةعكر