_بصي البت الجامده اللي هناك دي ولا شعرها يااه قمر
_بص انت هتروح أو تيجي اخرك هتتجوزني
رفع حاجبه القمر ده _ومين قال كده بقي
_الروايات طبعا
_روايات !!
_طبعا
_وبتقول اي الروايات دي
_ان البنت القمر اللي زي هتتجوز ابن عمها القمر اللي زيك
_يعني انا قمر
_سيبك من ده انت اخرك هتتجوزني يعني هتتجوزني
_مفيش حاجه هتجيبك ورا غير شغل الروايات ده وده مش حقيقي
_لاحقيقي وفيه دليل تاني
_واي هو الدليل التاني بقي
_ان طالما الاتنين ولاد عم قريبين من بعض يبقي هيتجوزوا
_واحنا قريبين احنا مبنطقش بعض
_ازاي يلا انت كل أسرارك الزباله معايا
_ماهو عشان أسراري الزباله معاكي مش هينفع خالص
_لا هينفع هما بيقولوا كده
_طيب يلا غوري من عندنا بقي هنروش مياه
_انت عبيط يبني انت اللي عندنا
_اي ده بجد طيب انا ماشي
_في داهيه
"كان ماشي فرجع تاني ومسكني من قفايا
_بتقولي اي
_بقولك مع السلامه يا باشا
_ايوه كده يلا اوعي
_ابوغتتك يا شيخ
"بصتله بقرف فبصلي بقرف وسبني ومشي وانا ضحكت ،هو انسان مهزا بس بحبه والله ،رخم بس قمر وعلي قلبي زي العسل
Eman Saleh
_ولا يا حمزه
بصلي بزهق_عايزه اي يا آخره صبري
_شوفت الدكتور الرخم اللي بيقولوا عليه ده
_ماله ده
_بيقولوا هيدينا من الاسبوع الجاي
_علي أساس انتي بتنزلي يعني
_لا طبعا مبنزلش بس هنزل اشوفه عامل ازاي ده
_طيب يلا غوري بلاش صداع
_استني بس مش هتروح معايا الجامعه الاسبوع الجاي
_مش يمكن تموتي بكره ومتلحقيش تروحي
_بعد الشر عليا انت مهزا لي
_انا مهزا يا بت يلا بره
_انت ابن عم مش جدع علي فكره
_يلا يا بت من عندنا
_هو انا يعني في بيت الملك ما انا ماشيه
_هقول ل عمك علي فكره
_عمي ده قمر مبيعمليش حاجه
_طيب غوري
_الا اي الورق اللي في ايدك ده و الصور دي
_دي صور بنات اصحابي وورق عايزني اخلصه بس اي مزز يا بت
_الورق !
_ورق اي يا متخلفه بقولك البنات شوفي
_يبني قولتلك اخرك هتتجوزني
_ده عشم ابليس في الجنه
_حيوان
_مين ده اللي حيوان يا بت
_انت هو في غيرك
"طلعت لساني وهو طلع يجري ورايا فجريت وقفلت عليه الاوضه
_افتحي يا بت الباب
_خليك جوه احسن
_افتحي بقولك
"جريت و ضحكت و طنط فتحتله ،هو انسان مهزا اها بس حقيقي يومي مبيعديش من غيره
_بقولك اي
_ارغي يا تقي
_تيجي نخرج مع بعض
_لا روحي شوفي انتي بتعملي اي مش قولتي فيه دكتور رخم يا تقي روحي ذاكري
_معروفه يعني بنذاكر قبل الامتحان بيوم
_عشان كده بتشيلي المواد
_علي فكره ده ظلم هما بيظلموني
_يعني مش فشله
_لا طبعا هما بيظلموني
_طيب سيبيني اكمل قراءه
_مش انت اتخرجت يبني
_ملكيش دعوه روحي بقي
_طيب خليك انت اصلا انسان بارد
"سيبته ومشيت وهو ضحك جامد وهو بيقول
_للاسف في حاجات كتير هخلصها مش هعرف اروح معاكي ولا حتي في وقت اجري وراكي !
Eman Saleh
"شوحت بايدي و خرجت لي الإنسان بيحب من طرف واحد ..لي دايما الطرف التاني مبيفكرش فيه ولا في دماغه اصلا ..لي دايما بنرهق نفسنا ومشاعرنا بحاجه عارفين انها مستحيل تتحقق ..يمكن بنحاول بس هيجي يوم والحلم يبقي حقيقه !
