" ماما فين طبق المكرونة بتاعي "
- عز اكله
" ابن ... طيب والله ماهسيبه ، ياعززززز "
اكتر واحد بارد قابلته في حياتي كلها اتولدت ولقيته في وشي ابن خالي واكتر واحد بتحبه ماما في الكون واكتر انسان مزعج وبيعمل مشاكل وبتاع بنات وميعرفش حاجة عن الأدب والذوق و.... بكرهه
- اهدي احسن مااضربك
- " انت بتاكل اكلي لييييه؟ انت قاعد عندنا ليه أساسا "
- انا قاعد في بيت عمتي حبيبتي وبأكل اكل عمتي حبيبتي عندك مانع ؟
" اه عندي انك واحد بارد ومتطفل "
-نينينيبيي
" طيب انا جعانة دلوقتي وعايزة أكلي "
-في جبنة عندك في التلاجة
"مش باكلها"
-خلاص متاكليش براحتك
"طيب والله لاضربك"
هرب الجبان حقيقي هفتح رأسه في يوم البارد دا رغم أنه بيحرق دمي وبيجلطني وبيستفزني جامد إلا أنه الوحيد اللي لسه في حياتي أو هو اقتحم حياتي غصب الواحد من اول مااتولد وهو في وشه انا حاسة أن عز من الأساسيات في حياتي هو وبروده حقيقي بس ماما بتحبه جدا وهو بيحبها خالص وانا العزول بينهم ماما بتشوفه راجل البيت هو وفارس بس فارس اتجوز وسافر وناسينا خالص ودا زعلني اكتر لاني الكل بيلومنا علي هروب بابا وجوازه من واحدة تانية حتي أنه طلق ماما غيابي ... وطبعا عشان هو راجل حقه بس انا كبنته لازم اعاني في مجتمعنا ... انما عز بقي يعتبر عايش في بيتنا رغم أن البارد بيته في الشارع اللي جنبنا بس هو بارد بقي قاعد عندنا اغلب الوقت عشان يتخانق معايا ويستفزني ومهما اطرده ولا بيتاثر. دا عامل زي اللزق بغرا بس .... يكفي أنه بيهتم وبيحب ماما
- انا مش فاهمة ايه اللي عاجبك في الافلام الملزقة دي
" يابني انت مش شايف بيحبها ازاي "
-دا شغل افلام وبس
" لا طبعا الحب موجود يابني "
-بس مش لدرجة اني احارب اهلي وناسي عشان واحدة واتخلي عن اهدافي "
" انا بأمن اني لو حبيت واحد هعمل عشانه كتير كتير جدا لدرجة اني هديه كل الحب اللي موجود في العالم هخليه يحس اني مفيش غيره في الدنيا كلها أنه اهم حاجة في الوجود وأنه ....
- تاخدي شوية لب
"تصدق انك واحد بارد وانا غلطانة اني بتكلم معاك "
- والله صدعتيني يابنتي قومي اعمليلي قهوة
" انا مش خادمتك عايز حاجة اعملها لنفسك "
- ولو قولتك هديكي التيشيرت الازرق
" عايزة القهوة سادة ولا سكر زيادة"
ايه اللي بيخليني اتعامل معاه ومش بطرده ؟...أنه بارد ولو طنشته بيغلس عليا وعشان كده بتعامل معاه .... عز دا عبارة عن ابتلاء في حياتي ونعمة في حياة ماما
"عز وصلني الجامعة "
- لا
يارب الصبر ....هيخسر ايه لو خدني في طريقه أساسا تلاقيه رايح يقابل بنت كعادته الصايع دا
- الوقت اتاخر انتي منتظراني معقولة
" انتظرك انت .... روح اقعد علي جنب "
- هو لسه مش هييجي دلوقتي
أتوترت " قصدك مين "
مسكني من لياقة اللبس ودخلني جوه واتصرف ببرود هو معقول يكون عارف اني معجبة بعمران وفيها ايه هو انا عملت حاجة غلط انا بس معجبة بواحد انما هو مصاحب بنات أساسا
