အပိုင်းပိုပြီးရှည်ရေးပေးမှာမို့ uni & zawgyiကိုခွဲအပ်ပေးပါမယ်နော်☺️
Ring......
" ဟယ်လို... ငယ် ဘယ်မှာလဲ "
" ... "
ပြန်ဖြေသံမကြားတာကြောင့် ဖုန်းအားတစ်ချက်ကြည့်ပြီးပြန်ခေါ်ရန်ကြိုးစားသည်။
" ငယ်... "
" အိပ်နေတယ်! "
ခပ်မာမာထွက်လာတဲ့လေသံကြောင့် နဒီတုန်ခနဲဖြစ်သွားရသည်။ဒီ...ဒီအသံက... ရှိုင်း။ ဟုတ်တယ် ရှိုင်းအသံဘဲ။ လွန်းက ညကတည်းကပြန်သွားတာများလား။ ဒါမဲ့မပြောမဆိုနဲ့တော့ မသွားလောက်ပါဘူး။
" အာ... ဟို ငယ်ညကအိမ်ပြန်မလာလို့လေ စိတ်ပူလို့ ဖုန်းဆက်ကြည့်တာ အဆင်ပြေတယ်ထင်တယ် ဒါဘဲနော် ရှိုင်း... "
" အင်း... "
ဖုန်းချပြီးသည်နှင့် ပြုံးစိစိလုပ်နေသည့် နဒီ့အား ကြည့်နေသောသူတစ်ယောက်ရှိလေသည်။
" နဒီ... "
" ဗုဒ္ဓေါ! လန့်လိုက်တာ ကိုထွဋ်ခေါင်ရယ် ဘယ်လိုရောက်လာတာလဲ စောစောစီးစီး...
ဘယ်သူ့ဆီလာတာလဲ ငယ်တို့မရှိဘူး "
" မင်းဆီဘဲလာတာပါဗျာ "
" ရှင်! ကျွန်မဆီကိုလား ဘာဖြစ်လို့လဲ "
" မင်း ဟိုနေ့ကပြောတာ ဒီနေ့မနက်စောစော ဝယ်စရာရှိသေးတယ်ဆို "
" အာ... အင်းး ပြောလိုက်မိတယ်ထင်တာဘဲ ဘာဖြစ်လို့လဲ "
တွေးဆဆဖြင့်ပြန်ပြောတော့ ထွဋ်ခေါင်က ပြုံးသည်။
" ကိုယ်ဒီနေ့အားလို့ပါ မင်းကိုလိုက်ပို့ပေးရအောင်လို့ ထွက်ခဲ့တာ "
" ရှင်! မ..မဟုတ်တာ အားနာစရာကြီး ကျွန်မဘာသာသွားလိုက်ပါ့မယ် "
" ရောက်ဘဲရောက်နေပြီကို အိမ်ပြန်စေချင်တာလား "
" အဲ့လိုတော့လည်း မဟုတ်... "
" ပြီးရော အာ့ဆိုလာလေ သွားဝယ်ကြမယ် "
" ရှင်! အာ... ဟုတ် ခနလေး "
စကားဆုံးအောင်ပြောခွင့်မပေးသည့် ထွဋ်ခေါင်က နဒီ့က ခနလေးဆိုတာကြောင့် အိမ်ထဲဝင်ထိုင်လေတော့သည်။ နဒီလည်း အားနာတာကြောင့် အဝတ်အစားကိုခပ်မြန်မြန်လှဲကာ အခန်းထဲကပြန်ထွက်ခဲ့တော့ ခေါင်းဖြီးဖို့မေ့ခဲ့တာကြောင့် အနည်းငယ်ရှုပ်ပွနေသည့် ဆံပင်များကို ထွဋ်ခေါင်က သပ်တင်ပေးတော့ ငြိမ်ငြိမ်လေးသာနေမိသည်။
YOU ARE READING
MY Bad Elder Brother...
Romance" အတိတ်ကအတိတ် ၊ ပစုပ္ပန်ကပစုပ္ပန် ၊ အနာဂိတ်ကအနာဂတ်.. ဘယ်အရာမှ ကျုပ်စိတ်မဝင်စားဘူး... ဒါမဲ့ ခုလက်ရှိမှာ ရှိနေတဲ့ခင်ဗျား ၊ ပစုပ္ပန်ကခင်ဗျား ၊ အနာဂတ်ကခင်ဗျား.. အရာအားလုံးကို မြတ်နိုးတယ် ခင်ဗျားနဲ့ပတ်သက်တာမှန်သမျှ ကျုပ်ချစ်တယ်... " " ... "
