اسكربات Milliicia

القصه ال١٢ ح٢

الحلقه ال٢
وفجأة كان جماعه كبيرة من الستات حواليها
=انا بحبك جوي جوي ياست هانم
=وانا كمان بحبك جوي والله
سهى: وانا كمان بحبك كلكم ينفع تبعدوا بس شويه مبحبش التجمعات..
=انا كنت عاوزه اطلب منك طلب اصغنن اكده
سهى: اتفضلي يا طنط
=كنت عاوزه تعمليلي جميص اكده من اللي بتعمليهم وتنشريهم دول اصل الحاج انا متخانجه معاه وكنت عاوزه اصالحه...
سهى في نفسها: هما كلهم هنا كده مبيتكسفوش خالص وكملت ببسمه: حاضر يا طنط هعملك اللي عوزاه حاضر بس اللي بعرضهم فساتين مش قمص*ان والله..
اتلموا حواليها اكتر وهي خافت من عددهم لانها بتكره التجمعات والصوت العالي
الغفير: بعدوا لورا شويه
كانوا بيقربوا اكتر واصواتهم عاليه من الكلام وطلباتهم وسمعت صوت وكان سالم...
سالم: بعدي يا ست انتي وهي بعدي لورا
بعدوا ورا لكنهم مازالوا بيتكلموا
زعق سالم وقال: بااااااسسس في اي يا وليه انتي وهي في اي اي مبتزهجوش من اللك
وقفت وراه ومسكت في جلبيته وهو قال: كل واحده على دوارها وتشوف مصالحها يلا
مشيوا الستات وهو بصلها وقال: مش جولتلك اجي معاكي
فضلت ماسكه فيه وقالت: ما انا مكنتش مفكره ان الموضوع اوي كده
سالم: يلا حصل خير
سهى: عمري مكنت اتخيل اني محبوبه اوي كده مش لدرجه دي
مردش وبص لأديها اللي على كتفه وهي نزلتها بحرك ومتكلمتش وهو اخد الأكياس منها وقال: خلصتي
سهى: لاء لسه فاضلي الخيط وحجات رفيعه كده
سالم: طيب... هاجي معاكي...
سهى: تمام..
بعد ساعتين...
كان ماشي وراها ومش قادر من كتر المشي وهي ماشيه قدامه عماله تتفرج عالبلد
سالم في نفسه: طول عمري اسمع ان الستات بتجعد تلف بالساعتين والتلاته ومبيتعبوش وكنت بتريق اديني جربت الشعور ده...
سالم: طب اي مش ناويين نروح انهارده في يومنا ده
سهى: خلاص خلصنا... انا قولتلك خليني لوحدي انت اللي مردتش..
سالم: كنتي عوزاني اسيبك وكل شويه واحده ست توقفك
سهى: كنت فرحانه لما شوفت الناس بيحبوني بجد واتنهدت وقالت: اسفه تعبتك معايا
سالم: ولا يهمك يلا بينا نروح عشان رجلي خلاص معدش ليها نفع في حاجه... ضحكت وهو ابتسم ليها..
كانوا ماشين قابلتهم كنزي
كنزي: اي ده سهى وبصت لسالم وقالت: انتو كنتو فين
سهى: كنت بشتري القماش والحجات اللي هحتجها لطلباتك
كنزي: اها وسالم كان بيعمل اي معاكي
كانت هترد قاطعها سالم وقال: كنت معاها لانها متعرفش حاجه اهنه في البلد فأنا كنت معاها بساعدها...
كنزي: بجد.. طب كويس... عوزاك يا سالم
اخدت الشنط منه وقالت: شكرا اوي يا سالم... هسيبكم انا عن اذنكم...
سالم: هتعرفي تروحي لوحدك
سهى: اه هعرف
سالم: طب خلي بالك على نفسك
مشيت وسابتهم وهو بيبص لأثرها
كنزي بحده:من امتى سالم بيه بينزل السوق وبيتمشى فيه
سالم بغضب: في اي يا كنزي بتتكلمي اكده ليه اتظبطي اكده بدل ما اظبطتك انا
كنزي بدلع: مش قصدي والله يا سالم بس انت مبتنزلش معايا لما انا بنزل اشتري حاجه وكمان انا بغير عليك وبحبك وانت عارف كده صح ولا لاء...
سالم بضيق:ماشي.. عاوزه اي دلوقتي هتشتري حاجه
كنزي: اه
سالم: ماشي يلا... مشيت جمبه ومسكت ايده وقعدت تتكلم وهو مش سامعها وبيفكر في سهى
عند سهى وصلت البيت بعد معاناه...
اول ما دخلت وقفها سليمان وقال: اي رأيك في البلد
سهى: حلوة جميله
سليمان: تحبي نتكلم شويه
سهى: اه عادي هطلع الحاجه بس وهنزل ونتكلم مع بعض
سليمان: تمام مستنيكي...
طلعت الاوضه حطت الحاجه وبعد وقت نزلت قعدت مع سليمان قعدوا مع بعض يتكلموا وتضحك معاه لحد ما سالم جه واول ما شافهم قاعدين مع بعض اضايق
سالم: صوت ضحككم واصل لآخر البلد
سهى بنبرة ضحك: اصل سليمان ضحكني ده طلع كوميدي اوي
سالم بغيره: والله ماشي...
استغربت طريقته وسليمان لاحظه وابتسم وفهم ان اخوه غيران عليها
سهى: طب عن اذنكم
سالم بنبرة غيره: ليه متخليكي مقضياها مسخره وضحك وجلة حيا..
سهى بغضب: احترم نفسك انت مين عشان تتقول عليا كده
سالم: ابن عمك وصوتك ميعلاش بدل ما اخرسك
سابته وطلعت الاوضه
سليمان: مالك يا خوي
سالم بضيق: مفيش... وسابه وطلع الاوضه
كانت قاعده في الاوضه ومضايقه انها مردتش عليه صح
سهى: انا مكنش المفروض اسكتله انا اللي طلعت ومردتش ارد عليه اكتر بقى انا يقولي مسخره وقلة ادب ماشي انا هوريه
سالم: هتعملي اي يعني
سهى: يلهوي هو بيطلعوا امتى دول
راحت عن البلكونه لقته واقف في بلكونه اوضة سليمان
سالم: هتعملي اي سمعيني اكده كنتي بتجولي اي
سهى: احم احم انا مقولتش حاجه ومش هعمل حاجه
سالم: امم بحسب..
كان هيدخل قالت: هو انا عملتلك مشاكل مع خطيبتك
سالم: لاء معملتش بس بتسألي لي
سهى: حسيت انها اضايقتك وحقها الصراحه وانا لو مكانها هضايق
سالم: لاء محصلش حاجه
سهى: اوكي...
سكتوا وبصوا لبعض وهي قالت: انا.. انا.. هدخل
سالم: ماشي
سهى: ماشي...ودخلت
سليمان: مالك يا حبيب
سالم: اتكلم عدل ياض واي حبيب دي
سليمان: اي حنيت للقديم
سالم: انا مش مصدج انها مش فكراني
سليمان: هتفتكرك ازاي دي كانت عندها تلت سنين هتفتكرك ازاي... انت ليه طلبت مننا محدش يقولها انك سمسم حبيبها
سالم: عاوزها تعرف لوحدها
سليمان:هتعرف انا واثق من اكده...
قعد سالم يفكر فيها لما كانوا صغيرين
فلاش باك..
كان واقف وهي بتعيط
سالم: بتعيطي لي يا سمسمتي
سهى بطفوله وعياط: اصل في.. ولد قالي اني وحشه
نزل لمستواها وقال بحنان: ده انتي زي الجمر وحشه اي ده هو اللي اعمى مبيشفش
سهى: بجد يا سمسم
سالم: ايوة يا جلب سمسم
سهى: هو مش انهارده العيد
ضحك سالم ونزل لمستواها ومسح على شعرها بحب وباس خدها وطلع شوكلاته من جيبه وفلوس وقال: كل سنه ونتي طيبه يا سمسمتي
حضنته وقالت: ونت طيب يا سمسم
باك..
ابتسم وقال: بقى ام شبر ونص لما اقرر انساها تيجي البلد تاني وتخلي جلبي يدج من تاني ياريتك ما رجعتي ويارتني ماحبيتك...
بدأت تشتغل على طلبات كنزي ولقتها بتتصل بيها نفخت بضيق وردت عليها
سهى: اي يا كنزي
كنزي بأمر: خلصتي اللي قولتلك عليه
سهى: لسه
كنزي:خلصيه بسرعه عشان فرحي قرب
حست انها بتغلي ومكنتش عارفه السبب وقالت بزعيق وغضب: انتي محسساني انك فرحك بكره ومحسساني اني الشغاله اللي انتي مشترياها بفلوسك ده انتي عشان بس خطيبة ابن عمي انا مكنتش استحملتك لكن كده كتير كتير اوي وانا تعبت وقفلت معاهاا..
كنزي: بقى انا تقولي اكده ماشي انا هوريكي
واتصلت بسالم ومسلت العياط اول ما شاف رقمها نفخ بضيق ورد
سالم بضيق: اي يا كنزي
كنزي بعياط: سالم شوفت اللي حصل
سالم: انتي بتعيطي..
كنزي: اه بسبب بنت عمك
سالم: ليه حصل اي
كنزي: كل ده عشان قولتلها اني عوزاها تخلصلي الحاجه ينفع اكده يرضيك اكده
سالم: اعمل اي يعني
كنزي: اتصرف انت ازاي تسكت لواحده زعلتك خطيبتك
سالم: اكيد انتي ضايقتها انتي هتجوليلي عليكي
كنزي: قصدك اي مش هتزعقلها
سالم: لاء
كنزي: ماشي يا سالم ماشي.. وقفلت معاه
بصله سليمان اللي قاعد عالكنبه وقال: انت مكمل ليه فالجوازه دي مادام مش بتحبها
سالم: اولا عشان ابوك والمصالح اللي مابينه وبين ابوها ثانيا قولت لما اجرب اخطبها يمكن انسى سهى
سليمان: انا مش عارف اعمل اي معاك مادام يعني منستش سهى لحد دلوقتي ليه مروحتش واتقدمتلها
سالم: عشان هي مش هتقبل وانا عارف
سليمان: ليه يعني ده انا شايف انها بتحب الكلام معاك ومش ناسيه سمسم وبدور عليه..
سالم: تعرف انا مش عارف منستهاش ليه مع اني حاولت لكن معرفتش كنت بتابع كل حاجه ليها بتنزلها وبشوف صورها اللي ماليه النت
سليمان: ربنا معاك يا خوي نام وبكره يحلها الحلال
سالم: تمام ياخوي...
عند كنزي...
كنزي بغضب: شوفت يا بوي عشان ست هانم سهى عمل اي
مالك: معلش يا بنتي هدي روحك... خلي بالك على سالم لان من اللي بتحكيه ده عينه على البت دي وممكن يروح منك وكل اللي بنخططله يروح في الارض
كنزي: عندك حق يا بوي انا هتصرف...
عالفجر...
كانت قاعده وحاسه بالممل والزهق قامت وقفت فالبلكونه وبصت فالأرض لقت حصان بياكل ابتسمت ونزلت تجري عند الغيط نزلت وقعدت تلعب مع الحصان
سمعت صوت وراها وكان سالم
سالم: بتعملي اي بالحصان بتاعي
سهى: انت بتطلع منين ياعم كل شويه تخضني كده
ضحك وقال: بتعملي اي واي اللي منزلك دلوقت
سهى: عادي كنت زهقانه شويه نزلت اقعد هنا شويه
سالم: اممم ماشي.. تحبي تركبي
سهى: لاء انا بخاف اركب لأني وقعت من عليه وانا صغيره
سالم بصوت شبه مسموع: امتى ده ده انتي ركبتي معايا قبل اكده
سهى: بتقول اي....
سالم: لا ولا حاجه تعالي اركبي
ركبت وهو ركب وراها واداها الحبل اللي هتتحكم بيه بالحصان
سهى: انت كنت فين صح
سالم: كنت بصلي الفجر
سهى: اممم ماشي
سالم: انتي مصلتيش قبل كده
سهى: لاء...
اتنهد ومحسش بنفسه غير وهو بيقرب منها اكتر وبيقول: انا هعلمك وهساعدك كمان..
سكتت بخجل من قربه وقالت: انا عاوزه اطلع الاوضه
سالم: احم حاضر...
وقف الحصان ونزل من على الحصان وشلها ونزلها من عليه
شكرته ودخلت تجري عالدوار وهو وراها بيضحك وفرحان
تاني يوم...
كانت قاعده مع حامد ونايمه على كتفه وبتفكر في كلام سالم اللي قاله ليها وسالم قاعد قدامها ومبطلش يبصلها وهي بتتجاهل نظراته
سالم: في سبوع واحد من البلد هتحضروه معانا
حامد: الله بجد تصدق وحشني سبوع الصعيد واجواء الافراح بتاعته
سهى: هو الافراح في الصعيد حلوة
سالم: جدا الاجواء بتبقى حلوة جوي بتحسس الواحد براحه وتشوفي حب الناس في عيونهم...
قامت وقالت انا هقوم احضر فستان و.... مكملتش كلامها من صوت سعيد اللي قال: لاء فساتينك مش هتنفع هنا فالصعيد
سهى: ليه هما وحشين
سالم: عريانين اوي ومش هينفع تمشي بيهم فالصعيد
سهى: عندي فستان طويل
كان هيتكلم سالم قاطعه سعيد وقال: اي رأيك تجربي لبس جديد نوع تاني
سهى: ازاي زي اي مثلا
سعيد: في جلاليب صعيدي حلوة هتناسبك وانا شايف انك هتبقى شكلك حلو بيهم
سهى: لاء انا مش هلبس زيهم
حامد بحده: هتلبسيهم غصب عنك
سهى:مش هلبس حاجه
سالم بهدوء: اهدوا شويه
سهى: انا مش هلبس من الجلاليب دي
سالم: مش هجبلك جلاليب انا هجلبك فستان بس واسع شويه
سهى: فستان... اذا كان كده ماشي
ابتسم وقال: عن اذنكم... ومشي
حامد: لازم فستان يعني
سهى: انا مش هلبس جلبيه انا هلبس فستان
حامد: ماشي يا بنتي...
بليل...
لقت الباب بيخبط وكان سالم
سهى: اتأخرت علفكره
سالم: معلش كنت بشتري كام حاجه كده
سهى: جبتلي اي
اداها كياس وقال: اتمنى يعجبك زوقي
سهى ببسمه: شكرا
مشي وهي دخلت وقفلت الباب واول ماشافت الهدوم كان فستان واسع وطويل لونه سماوي لون عنيها حبت شكله ودخلت تجربه والغريبه انها حبت شكلها كده وكانت مرتاحه ومش عارفه السبب كان فستان لونه سماوي قعدت تدور بالفستان ووقفت قدام المرايا وحطت اديها على وسطها وقالت: زوقوا جااامددد عجبني اوي الستايل ده... خبط الباب وكانت واحده من الشغالين وقالت: ست سهى كلهم مستنينك تحت
سهى: حاضر قوليلهم نازله
بعد وقت...
نزلت وهي عنيها فالأرض بصولها بصدمه من جمالها وانها جميله في اللبس المحتشم الواسع نزلت بهدوء ووقفت جمب حامد اللي بصلها بصدمه وقال بحب ابوي: اي القمر ده مبتلبسيش اكده ليه
سهى: مكنتش اعرف انه هيبقى حلو عليا
سعيد: مش قولتلك
سهى: انا طول عمري بلبس عالموضه وزي صحباتي عمري مكنت اتخيل ان اللبس ده يبقى حلو اوي كده
سالم: علفكره اللبس ده موضه بس للمحجبات عشان تبجي عارفه وهما لو شافوكي بيه هينبهروا بيكي
سهى: انا هصمم من الفساتين دي وهعمل منها كتير وهعرضها
ابتسمولها واتحركوا عالسبوع
بعد وقت..
كان واقف لوحده ومركز في تليفونه
قربت منه وقالت: زوقك حلو اوي علفكره
سالم: كويس انه عجبك
سهى: عجبني بس ده ده حلو اوي
ابتسم سالم وقال: ده للمحجبات علفكره
سهى بحماس: انا هشتغل على شغل المحجبات وهلبس زيهم
فرح سالم اوي وقال: عالله روحي بقى مع الستات
كانت هتمشي رجعت وقالت: انا مش بكرهك انا اسفه انت طيوب وحنين...
وجريت عندهم وهو حس انه هيطير من الفرحه بدأت زغاريط الستات واغاني تشتغل والرجاله بترقص رقص الصعيدي بتاعهم قعدت تبص للمكان بذهول وحست براحه وافتكرت كلام سالم لما قال ان الاجواء بتبقى حلوة والناس بتشوفي في عنيهم الحب
قربت منها ست وشدتها عشان ترقص معاها
سهى: انا مبعرفش ارقص
الست: هعلمك تعالي
بدأت الست ترقص وهي بتحاول تعامل زيها وقعدت ترقص معاها ومكنتش شايفه عيون سالم اللي عليها وهو شايفها بترقص وفرحانه
بعد وقت من الرقص قعدت من التعب لقت ام الطفل بتديها العيل شالته وقعدت تبصله بحب وبصت بإتجاه سالم اللي كان باصصلها بصت فالأرض بخجل وابتسمت...
بعد السبوع...
سالم: عجبك السبوع
سهى: جدا
سالم: قولتلك هيعجبك
سهى: فرحت اوي لما شيلت النونو كان قمور اوي
سالم: تعرفي انك عيله غبيه
سهى: انت بارد ليه ليه كل ما اقول عليك طيب بتغير فكرتي عنك ليه
سالم: ايه انا كدبت في اي انا عندي حق انتي عيله لانك زي الاطفال طيبه وحنينه وبتتقمصي وتنسي بسرعه جلبك ابيض يعني وغبيه لانك مش عارفه تقربي من ربنا عندك فرص كتير تقربي منه زي ملبستي الفستان اهه واسع وطويل خطوة بخطوة وهتلبسي الطرحه متكونيش زي الكاسيات العاريات يا سهى انتي عارفه عقابهم اي مطروده من رحمة ربنا انتي عاوزه تبقى مطروده من رحمة ربنا
سهى: لاء طبعا مش عاوزه بس انا قولتلكم قبل كده اني بلبس زي صحابي وعلى الموضه مش اكتر
اتنهد سالم وقال: بتحسي بإيه لما حد بيشوفك
سهى: عادي اني جميله بس بيجي عليا وقت وبحس اني عريانه
سالم: عشان بتاخدي ذنوب عارفه انتي بتاخدي كام سيئة على كل حد شافك بلبس قصير سواء بقى كان شكله ازاي
سكتت وهو قرب اكتر وحط ايده على خدها وقال: محدش يستحق يشوفك محدش يستحق يشوف جمالك غير محارمك اللي هو ابوكي واخوكي واجدادك وعمامك وخيلانك واخوكي وجوزك غير كده محدش يشوفك حتى شعرك ده بتتحسبي على كل شعرايه وكل خطوة مشيتي بيها بشعرك
فضلت ساكته هي مش عارفه تقول اي او ترد على كلامه بس حاسه انه عنده حق
سالم: تعرفي ربنا بيحبك
سهى: بجد
سالم: اه.. لان ربنا لما بيحب عبده بيهديه وبيقربه منه
سهى: وانا ان شاءلله هحاول اتغير واغير من نفسي
سالم: ان شاءلله...
سهى: انا هجيب فيديوهات عالنت عن الحجاب والصلة
سالم: وانا هبعتلك اي حاجه تخص اللي اتكلمنا عنه
سهى: اوكي...
بعد ساعات...
كانت حاطه الفستان اللي كانت لبساه قدامها وبتبص للقماش
وبتفكر في تصميم للفستان الجديد بدأت تقص قماش وتعمل الفستان وكانت فرحانه وهي بتعمله وبعد وقت من التعب والشغل خلصت الفستان مسكته ودارت بيه ونطت بسعاده شديدة وراحت عند الدولاب وطلعت كل فساتنها ولمتهم في شنطه وقالت: انا مش هلبس منهم تاني فملهاش لازمه يبقوا عندي ولما ارجع القاهره اي حاجه من دول هشيلها...
دخلت الحمام اتوضت زي ماسمعت من الفيديو وصلت وفي وسط كل ركعه كانت بتنزل دموعها انها ضيعت كل صلة من عمرها..
عند كنزي...
مالك: نروحلهم اي دلوقتي
كنزي: هنروحلهم يعني هنروحلهم ده مكلمنيش من ساعت ماجبت سيرتها وراح معاها السبوع انت لازم تتصرف
مالك: حاضر يا بنتي حاضر...
بعد وقت...
كانت واقفه فالبلكونه وهي لابسه استدال الصلة وطرحتها
سالم: اي الجمر ده
سهى: بجد حلو
سالم: انتي شايفه اي
سهى: عاجبني اوي اوي وحاسه براحه عمري ما حسيتها قبل كده
سالم: مش بذمتك كده احسن وحاسه انك مستورة
سهى: امم انا فهمت يعني اي مستورة
سالم: انتي ارتبطي قبل كده
سهى: لاء لاني ملقتش اللي يحبني واحبه
سالم: ولا حد خالص
سهى: بص انا فاكره وانا صغيره اني كنت بلعب مع ولد كنت بحبه اوي بس نفسي اشوفه تاني
دق قلبه بعنف وبصلها جامد وكان هيتكلم شاف كنزي وابوها داخلين عالدوار
نفخ بضيق وقال: اهي كملت
سهى: في اي
سالم: نبقى نكمل كلامنا بعدين... ودخل ونزل يقعد معاهم..
سهى: هو اضايق ليه لما جت يمكن متخانقين... ولا يمكن هو مبيحبهاش ايوة ان شاءلله هيطلع مبيحبهاش.. بس انا مالي شاغله بالي ليه ده واحد خاطب وهيتجوز كمان تلت اربع اسابيع اضايقت ودخلت تنام...
تحت..
كنزي: انت هتفضل زعلان مني كده طب انا عملت ايه...
سالم: انا مش زعلان ونتي معملتيش حاجه اصلا
كنزي: كل ده عشانها...
مهتمش بكلامها وبص لمالك وقال: بص يا عمي انا عمري ماقصرت مع بنتك وانت عارف اكويس لما هي بتطلب مني حاجه انا بنفذها ايه اللي دخل بنت عمي في الموضوع
مالك: انت مش ملاحظ انك قريب من بنت عمك ومهمل في بنتي يا بشمهندس
سالم: انا مش قريب من بنت عمي ولا حاجه حتى لو قريب هي مهما كان اختي ومتعرفش حاجه عن البلد وانا معاها لما بتعوزني وبنتك انا مش مأهملها ولا حاجه هي بس اللي مقضياها خناقات
كنزي بدلع: حقك عليا يا سالم يحبيبي مش هضايقك تاني خلاص بس متزعلش مني انا ميرضنيش زعلك
سالم: ماشي... محصلش حاجه...
مالك:الحمدلله كده انا صالحتكم على بعض يلايا كنزي
كنزي: حاضر.. متنساش تقولها تخلص الحاجه
سالم بضيق: ماشي...
مشيوا وهو اتنهد وطلع اوضته وهو عاوز يتكلم معاها لكنه ملقهاش ولقى ان البلكونه مقفوله وان النور بتاع اوضتها مقفول... اتنهد وقال: شكلي كده هوقع نفسي في حاجه انا مش قدها... ورفع راسه للسما وقال: يارب انت عالم بحالي فأخترلي ولا تخيرني ولو خير قربه ولو شر ابعده...
تاني يوم...
صحيت لبست الفستان اللي عملته وفتحت الباب ونزلت قعدت جمب حامد وقالت: بابا حبيبي قاعد لوحده ليه
حامد: عاوزه اي يا بكاشه
سهى: عاوزه لما نرجع من الصعيد اشتري فساتين جديده
حامد: تاني يا سهى
سهى: لاء انت فهمت اي انا عاوزه البس زي الفستان اللي لبساه ده من النوع ده
حامد: بجد
سهى: اه... سمعت كمان ان اللي بيلبسوا الحجاب بيبقوا زي الاميرات كده وربنا بيحبهم وبيديهم حسنات ونا عاوزه ربنا يحبني واكون زي الاميرات واخد حسنات كتيييره اوي اوي
ابتسم سالم ليها واخدها في حضنه وقال: ربنا يهديكي يحبيبت ابوكي... قام وهي فضلت قاعده لوحدها نزل سالم وابتسم لما
شافها وقال: صاحيه بدري ليه مش من عوايدك يعني
سهى: عادي
سالم: شكلك فرحتي عمي حامد
سهى: ليه بتقول كده
سالم: اصله طالع عالسلم والضحكه فوشه جد اكده
ابتسمت وقالت: هو فرح لما قولتله اني ناويه اتحجب
سالم بفرحه: بجد
سهى: اه...
سالم: على بركه الله
سهى: معلش نمت امبارح ومسلمتش على كنزي وانت كنت عاوز تتكلم فأنا نمت معلش
سالم: لاء عادي هما مشيوا علطول
سهى: اممم ماشي... عموما انا قربت اخلصلها حاجتها عشان تبقى تدهملها
سالم: تمام...
قامت وقفت وقالت: انا هروح العب مع الحصان بتاعك
ضحك وقال: هي فرسه اولا ثانيا اسمها سمسمه
بصتله شويه وقالت: حلو الاسم ده
سالم: واحده كده سمتهالي وهي صغيره
ابتسمت وفجأة.....
يتبع...