اسكربات Milliicia

القصه ال١٨

الوحوش والمشاكسات التلاته..
في بيت في منطقه راقيه..
صحي عامر على امه شكريه وهي بتقول: ولا يا عامر انت يا واد اصحى يا واد
حط المخده على وشه بضيق وقال: في ايه يما عاوزه مني ايه بتصحيني بدري ليه
شكريه: بدري اي يا فاشل الساعه اتناشر الضهر
قام اتعدل وقال: ليه بس يا شوشو الغلط ده ده ابنك الرائد عامر الاسيوطي
شكريه: اه كان المفروض يسموك عامر الفاشل مش الرائد...
باس دماغها وقال: كتر خيرك يا ست الكل...
بعد وقت..
قعد عالسفره وجمبه امه اللي قالت: ابقى نشف ايدك وانت بتغسل الحلل كويس
اتنهد وقال: حاااضر... الا قوليلي يا ست الكل مين اللي كان بيخبط وانا بصلي
شكريه: واحد من الشغل بيقول عوزينك انهارده..
عامر: يعني ايه انا اخدت اجازه
شكريه: وانا اش عرفني بقى ده شغلك مش شغلي وبعدين مش عارفه متمسكين بيك على ايه يا فاشل انت..
قام واخد سندوتش وقال: طب والله العظيم ما انا واكل معاكي سديتي نفسي الاهي يسمحك...
دخل اوضته وكل صاحبه اللي قال: شوفت ولاد ال... عملوا ايه
_بقولك اي سبني في حالي انا مش طايق نفسي اصلا ابو دي شغلانه وابو اليوم اللي دخلت فيه شرطه.. ضحك وقال: طبب يا خويا سلام..
بعد وقت..
في مبنى المخابرات..
كان قاعد تلت شباب وكل منهم لا يقل وسامته عن الآخر وكل منهم قاعد وبيبص للباب بحسره قطع الصمت ده صوت عز اللي قال بغضب: انا مش عارف منزلني ليه في يوم اجازتي انا مصدقت اخد اجازه من ام المهمه اللي فاتت وافسح نفسي واكل حووشي...
فتكلم علاء بنبره حسره: طب انا اعمل اي ده انا اللي مصدقت استريح واول مره اخد اجازه
قال صاحبهم التالت واللي اسمه عامر: طب انتو مش عايشين مع اهلكم ما بالكم بالضعيف اللي زيي اللي من ساعت ما عرفوا ان مرتبي زاد خمستوميت جنيه عامر هات عامر سوي عامر اعمل عامر فلس خلاص... ضحكوا عليه وهو كمل بحسره: من اول ما اخدنا الاجازه امي بدون سبب عامر قوم اغسل السجاجيد عامر اغسل المواعين عامر طبق فول بالبيض... ضحكوا عليه وهو بصلهم بحسره...
دخل اللواء وهما قاموا وادوا التحيه العسكريه
اللواء: ها يا فريق اخباركم ايه
عز: نفسي اعرف يا حضره اللوا منزلني ليه...
اللواء: معلش المهمه دي محتاجه فريق الوحوش
نفخ عز بضيق وعلاء قال: طيب يا فندم اتفضل..
اللواء: في كليه الآثار في دكتور كان في الجامعه ودلوقتي هو بره مصر حاولنا نمسكه كذا مره لكن معرفناش لان مفيش دليل ثابت ليه
عامر: ليه يا فندم هو عمل اي لكل ده
اللواء: ليه اعمال مشبوهه بيجي من بره مصر بيدي محاضرات للطلاب لكن بيستغل انشغالهم وثقه الدكاتره اللي في الكليه وبيجي واحد من المتنكرين كهيئه الطلاب بياخد منه الشنطه اللي فيها قطعه الآثار..
عامر: طيب يا فندم احنا دورنا اي
اللواء: المهم انكم تبقوا من بكره في الجامعه دي وتراقبوا الاوضاع اللي بتحصل هناك...
عز: تمام يا فندم كله تمام... طلع اللواء وعز قال: تخلص المهمه دي بس وهاخد اجازه لمده سنه... ضحكوا على لهجته وطريقته واتحركوا لشغلهم...
تاني يوم...
كانوا واقفين قدام الجامعه وبيبصولها بإنبهار
علاء: ده احنا مكناش في جامعات والله
عامر: حسبي الله ونعم الوكيل في الكليه اللي كنا فيها...
عز: لاء بس في كميه مزز كتير اوي هنا
ضحك علاء فعز لن يتغير عن هذه العاده...
عامر: استغفر ربنا يا عم انت....
عز: ملكش دعوة... وبص لبنت قاعده وقال؛ انا حبيت المهمه دي ورشقت في قلبي... ضحك علاء وقعد يعاكس في البنات مع عز اما عامر نفخ بضيق من تصرفات صحابه ومشي...
عند عز وعلاء
علاء: هو قفش ولا اي
عز: ما انت عارف عامر فكك منه... شكلنا كدا هننسى احنا جينا ليه
ضحك وقال: اه... قرب عز منه وهمس وقال: شايف الصاروختين اللي هناك دول... بص للي بيقول عليه وكانت بنتين وكل واحده باين عليها اسلوبها غير التانيه لكن حجابهم يدل على دينهم... ابتسم علاء للبنت اللي لابسه جيبه وقال: قمر اوي اللي بجيبه
ضحك وقال؛ ومالها ام بنطلون فورتيكه بردو اراهنك اني اجيب رقمهم في اقل من دقيقه ده كفايه لما اغمز...
علاء: طبعا يلا..
لبس عز نضارته الشمس وقرب منهم وكانوا البنتين قاعدين عالأرض تحت شجره يحتموا من حراره الشمس
البنت واسمها ميار: هي البت ميرا أتأخرت كدت ليه كل ده بتجيب جدول المحاضرات
ماسه: اكيد بتدور عادي
قرب ونزل لمستواهم وقال: القمرات قاعدين لوحدهم ليه
ميار بحده: امشي من هنا يا شبح بدل ما اقطعك
قعد وسحب ازازه الميه بتاعتها وقال: تصدقي يا قمر انتي ان الجو حر اوي ولما شوفتك مش عارف كدا حسيت اني ارتويت
ميار: ما انت بتطفح اهه... بصلها بتقيم وماسه قامت وقالت؛ يلا يا ميار نشوف ميرا فين.. قامت ولسه هتمشي مسك عز ايد ميار وسحبها ليه وقال: سبيها تمشي يا ميرو وخليكي انتي معايا صدقيني هتتبسطي اوي اوي.... ومره واحده كان في كف منها على وشه بصلها بصدمه وعلاء كذلك وماسه حست بالخوف
عز بغضب: ايه اللي عملتيه ده يا زفته ده انتي اد القلم ده
مسك ازازه الميه ورشتها في وشه وقالت؛ اه واكتر من كده وريني بقى يا ظريف هتعمل اي... قالت كدا ورمت الازازه عليه رفع كفه وكان هيضربها مسكه علاء بسرعه وقال: انت هتعمل اي
عز بغضب؛ سبني على الجذمه دي
ميار: اه والنبي سيبه يوريني هيعمل اي
ماسه: يا بنتي اسكتي
علاء بهمس: انت هتضرب بنت انت كدا راجل يعني
عز: لو مش متربيه اربيها انا...
بصلهم علاء وقال: انا بعتذر والله اتفضلوا انتو... مشيت ميار بغرور
ماسه: انا بعتذر والله بس هو اللي قل ادبه... ساب علاء عز وقرب خطوة من ماسه وقال ببسمه: ولا يهمك هو غبي اصلا... ابتسمت ومشيت...
عز: لا والله..
علاء: انت اتجننت كنت هتضرب بنت انت كدا راجل يعني
عز: ايه البت دي.. دي اديها اتقل مني... ضحك وقال: طيب طيب
عند عامر..
كان ماشي ومركز في تليفونه وبيقرأ المعلومات اللي جابها عن المهمه ومخارج ومداخل الكليه... لقى ايد على كتفه بصلها وكانت بنت جميله ولابسه نضاره ومحجبه
عامر: ايوة..
عدلت نضارتها بإحراج وقالت: بعد اذنك ينفع أسألك سؤال لو مش هضايقك
بصلها وابتسم وقال: طبعاً اتفضلي
البنت: هو فين سيكشن B
شاور بإيده وقال: هناك اهه
البنت: متشكره اوي...وطلعت تجري عالقاعه... ابتسم واتحرك عند صحابه...
بعد وقت..
عامر: ينهر ابيض ايه اللي بلك كدا
سكت عز وعلاء قال وهو بيكتم ضحكه:اصل كان بيعاكس بنت وهي هزقتوا وعملت فيه كدا
عز بغضب: متعصبنيش يا علاء
كتم ضحكه وعامر قال: انا قولتلك بلاش وبعدين احنا هنا عشان شغلنا وبس
علاء؛ ايوة صح..
عز: وحيات امك انت وهو لاء بقولكم اي انا خلاص هتم التلاتين ولسه متجوزتش ومعيشتش حياتي...
عامر: ما انت لو اتقيت ربنا في اللي بتكلمهم كان زمانك عندك عيل طولك
نفخ بضيق وقال عامر: انا جبت المعلومات عن الراجل ده وطلع ليه اكتر من عمليه مشبوها بره في مصر لكن للأسف مفيش اي دليل كل اللي جالي كانت مجرد شكوك مش اكتر
عز: طيب يلا نروح ام المحاضره اللي علينا...
علاء: ليه احنا مش طلاب اصلا
عز وهو بيفكر في ميار وقال؛ لاء ما انا عاوز ابقى طالب.. قاموا وعز بيتوعد لميار وعلاء بيفكر في الماسه اللي سحرته من بساطتها اما عامر كان بيفكر في هدوء البنت اللي كلمته...
في القاعه المخصصه للطلاب السنه الاولى..
دخل الشباب وقعدوا جمب بعض
عز لعلاء: العيال اللي هنا مراقين اوي
علاء: احنا بس عشان اكبر منهم اتقل اتقل... دخلت التلت بنات وكانت صدمت كل واحده منهم لما وقعت عنيها عليهم..
ماسه بهمس لميرا: هما دول يا ميرا
مركزتش وبصت لعامر وقالت في نفسها: هو في حلاوة كدا يا شيخ يخربيت حلاوت امك...
اما ميار بصت لعز بقرف وهو ابتسم وحرك حواجبه بإستفزاز... اما ماسه بصت لعلاء اللي قال لعامر: البنتين دول يا واد يا عامر
عامر: طيب طيب.. قربت البنات وقعدوا وراهم ميار بهمس لميرا: مالك كدا مركزه مع ابو نضاره كدا ليه لاء عدي يومك بدل ما انفخك وهقول لبابا..
ميرا: انا مش مركزه علفكره...
دخل الدكتور وبدأ يشرح مالت ماسه على ميرا وهمست وقالت: الواد ابو شعر بني ده حساه تحفه اوي عالبت ميار هيبقوا كابل تحفه اوي مع بعض هيقعدوا يتخنقوا كتير اوي ويتصلحوا بقبله
ضحكت وبصت لعامر وقالت بهمس: حقيقي... بس انتي لحقتي جوزتيهم... ابتسمت وقالت: اقولك حاجه ابو شعر اسود ده حساه طيوب اوي... واكيد هنليق على بعض وانتي لايقه على ابو نضاره اللي انتي مركزه معاه من الصبح ده..
ابتسمت بخجل وقالت: لاء والله الموضوع مش كدا...
كان بيستمع عامر لكلامهم ومبتسم...
الدكتور: الانسه واللي جمبها اللي عمالين يتكلموا ويضحكوا يتفضلوا برا
بصتلهم ميار بشر
ماسه: سف يا دكتور والله مش قصدنا
الدكتور: باين ان الموضوع مشوق اوي كملوه برا بقى... قامت ميار وقالت: عاجبك يا جذمه انتي وهي... بصولها بحزن وميرا قالت: انا بتأسف والله يا دكتور اني اتكلمت انا وماسه في محضرتك فبستأذن حضرتك تسامحنا المره دي
الدكتور: خلص الكلام اطلعوا يلا
عز بإستفزاز: متخلصي يا حلوة بقى انتي وصحابك ونخلص من ام المحاضره دي
ميار: لاء جنتل اوي انت بتتدخل ليه انت
عز في نفسه: يخربيت عيونك يا بت... ولا قلة ادبك بحب انا كدا
كانوا كلهم بيضحكوا وميار قامت وقالت: يلا قوموا...
الدكتور: انا قولتلهم هما بس
ميار: بعد اذنكيا دكتور انا هخرج معاهم...
بصلها وقال اساميكم اي
ميرا: ميرا وميار وماسه حازم الحديدي
بصو الشباب ليهم بصدمه والدكتور قال: انتو اخوات
ميرا: اه... وطلعوا...
علاء: يخربيت كدا طلعوا اخوات
عز: لاء ويخربيت رقه وحلاوة اللي بنضاره
علاء: هي دي اللي بسكوته محشيه نوتيلا
عز: تحسها حتة بسكوته
عامر: لم نفسك يا زفت انت وهو
علاء: الحق في واحد بيغير هنا...
في الجنينه الجامعه...
ميرا: احنا اسفين والله يا ميار
ميار: والله احسن وفرتوا انا اصلا مكنتش عارفه انام من صوته
ضحكوا وميار قالت: عدوا ليلتكم ولموا نفسكم بدل ما كل واحده عنيها على واحد
ضحكت ماسه وقالت: الصراحه يا ميار التلاته مزز واحلى من بعض
ميار: اه هما حلوين ما عدا عز التنح ده مز وكل حاجه بس بارد
عز: افهم من كدا اني عاجبك ولا لاء
بصوا للشباب التلاته اللي ظهروا من ورا ميار قعدوا جمبهم وميرا بصت على عامر لكن ملقتهوش
لاحظها عز وقال: مش جاي اصلا
اتحرجت وقالت: يلا يا بنات...
علاء: انا مكنتش هاجي والله لكن لأجل عيون ماسه القمر دي جيت...
ميار: بقولك اي انت عاوز يحصلك زي صاحبك مش كدا
ضحكوا وقاموا البنات ومشيوا من الجامعه
علاء: انت عملت ليه كدا كنت خليتهم شويه
عز: مش هعرف اشتغل والبت دي هنا
علاء بضحك: اشمعنا يعني
عز: ملكش دعوة شوف شغلك.. ضحك وقرب منهم عامر وقال: المدير وراه سر كبير...
علاء: ازاي..
قعدوا عالارض وهو اداهم سماعه وقال: اسمعوا...
حطوا السماعات وسمعوا المدير وهو بيقول: ايوة يا عم ناوي
التسليم بعد بكره متنساش... كل حاجه ماشيه زي الفل... طيب سلام...
شالوا السماعه وبصوله بصدمه وهو قال: وقت ما كنتو مشغولين بمعاكسات البنات كنت دخلت مكتب المدير وزرعت اجهزة تجسس
علاء: اشمعنا؟..
عامر: انا هحكيلكم...
فلاش باك...
كان ماشي وسمع حد مدير الجامعه بيكلم حد من العمال: كله يمشي والدكتور لما يجي تسيبه يدخل انت فاهم
العامل: حاضر يا بيه
مشي وراه ووقف عند مكتبه واستناه لحد ما طلع ودخل مكتبه وزرع اجهزة التجسس وطلع...
باك...
عامر: شوفتوا بقى.. المهم انكم تسيبوا البنات في حلهم وركزوا في شغلكم...
عز: بالله عليك مش دخلت واحده فيهم دماغك... ابتسم وقال بخبث: اه دخلت دماغي ميار
اتنرفز عز وقال بغضب: نعم يا روح امك مركز مع مين...
ضحك الاتنين وعلاء قال: اوبااا في حد هنا متيم بحد... خلع اللي في رجله وطلع يجري وراهم...
قعدوا يضحكوا وهما بيجروا وعز قال بغضب: اقسم بالله اللي هيفتح بقه او يركز معاها لأطين عشته...
ضحكوا وعامر قال بضحك: منه لله اللي كان السبب
تاني يوم..
كانت البنات التلاته قاعدين في المترو..
ميار: اللي عينها هتيجي عليهم والله العظيم هعلقها
ضحكت كل واحده منهم وميار اضايقت ولقت ميار اللي بيخبط على كتفها
اضايقت وقالت: ايوة نعم... وكانت صدمتها لما كان عز وقال: التذكره بكام يا قمر
اضايقت وقالت؛ يا اخ انت.. انت عاوز اي مني انت ورايا ورايا... ضحك عامر وعلاء وبصوا للحاجه اللي تخصه
عز بتمثيل الحزن: اخس عليكي يا ميرو كدا يا ميرو اهون عليكي انك متشفنيش تاني ده انا هبقى زي خيالك والله... بصتله بقرف وهو غمز بشقاوة وقال: وبعدين انا مش اخوكي انا ابن خالك
ميار: اشمعنا؟!!
عز: عشان نبقى محللين لبعض
سقف عامر وعلاء وقال علاء: اوه يا جامد انت...
بعد وقت...
وصلوا الجامعه والبنات جريوا ماعدا ميار اللي قالت: لو قربت مننا والله يا زفت لأندمك...
قرب خطوة منها وقال: طب ما تندميني كدا...
زقته ومشيت...
ابتسم وخبط علاء على كتفه وقال: حبيتها ولا اي
زقه ومشي وراها ووقف لما هي وقفت...
وقالت؛ بقولك اي يا عز انت ابعد عني احسن ليك... ابتسم وقال: حلوة الحكم دي خليها لنفسك بقى... وقرب اكتر وقال: هي دي عنيكي ولا لنسس
ابتسمت وهو قال: اي ده انتي بتضحكي ايوة كدا افتحي الشيش..
اضايقت وقالت: وبعدين...
عز: خلاص خلاص انا اسف... ومشي... ابتسمت واتحركت عالكافيتريا عند اخواتها..
كانوا قاعدين البنات وقدامها الشباب وكل واحد بيبص للحاجه اللي تخصه...
ميار: اتلمي انتي وهي
ميرا: ما تقولي لنفسك انتي عينك هتطلع عليه... اكتسفت وعز ابتسم...
عامر: الدكتور اللي احنا جايين عشانه جه هناك اهه... بصوا للي بيبص عليه عامر وكان الدكتور
مشي الدكتور هو والمدير وراحوا للمكتب بتاع المدير..
عامر: احنا بقى نركز في شغلنا شويه ماشي ولا اي
بصوله وكل واحد منهم بص للبنات اللي بيتكلموا واتنهد علاء وقال: بس يا... قاطعه عز وقال: اتبع الأوامر يا حضره الرائد وده مش وقته خالص...
علاء: يعني انت شايف انه مش وقته... قام عز بغضب وبص الكل عليه وكان علاء هيقوم مسك عامر ايده وقال: ما زيكم مش طايق نفسي ونفسي اعيش حياتي بس ده دورنا الوطني
اتنهد براحه بمجرد ما لاحظ ماسه وهي بتضحك ابتسم بحب وقال: طب يلا بينا....
قاموا الاتنين وراحوا عند عز اللي كان بيدخن طبطب علاء على كتفه وقال: شكلك وقعت
بصله ولف وشه وعامر ضحك وقال؛ طب ما انا وقعت من اول نظره.. بصوله وعز قال: طب ما انا بحب ميار
علاء: وانا بحب ماسه... ابتسم وقال: وانا بحب ميرا... ضحكوا التلاته وقال علاء: عز حب من اول قلم... ضربه في كتفه وقعد يضحك...
في مكتب المدير...
كان قاعد الاتنين وابتسم المدير بشر وقال: شوفت ولاد اللعيبه وافكارهم اتعملت في اكتر من فيلم قديم... ومسك جهاز التجسس وقال: بص اي رأيك
ابتسم بشر وداس عالجهاز برجله وكسره وابتسم بشر وقال: اللي يخصوهم يبقوا عندنا انهارده ده غير اللي اتفقنا عليه
ضحك بشر وقال: الله عليك يا انور بيه بجد
حط رجل على رجل وقال: ما انا اللي بعمله من زمان مش هيجوا تلت شباب زي دول ويبوظوا اللي عملته واللي هعمله...
بليل...
كان قاعد عز وجمبه عامر وعلاء
عامر: انا مش سامع حاجه خالص
علاء: اانا قلبي مش مطمن للسكوت ده..
لقى تليفونه بيتصل من اللواء
رد عز وقال: ايوة يا فندم
اللواء بحده: ايه يا حضرت الرائد اللي حصل ده
عز: حصل ايه يا فندم
اللواء بغضب: تم خطف ست بنات من الجامعه اللي كنتو فيها...
عز: حصل امتى ده يا فندم
اللواء بغضب: من ساعتين يا حضرت الرائد
بلع ريقه بخوف وان شكوكه تطلع صح وقال: اسامي البنات ايه اللي اتخطفوا... بص عامر وعلاء بقلق فتح الاسبيكر
اللواء: نادين المحمدي مروة الشامي شهد الصاوي ميرا وميار وماسه الحديدي... دق قلب كل واحد بخوف وعز فال بغضب: يعني اي يا فندم ازاي؟
اللواء: اتصرفوا البنات دول لو مرجعوش لأهليهم انا بحملكم المسئوليه لو حصلهم حاجه... وقفل
عز بغضب: يعني ايه يعني ايه ميار لاء لاء اكيد مش هيأذوهم صح...
علاء: احنا هنتحرك حالا انا لا يمكن قلبي يرتاح غير لما ارجعها..
عامر بهدوء: متقلقوش كل حاجه هتبقى كويسه... بدأوا يهدوا برغم الرعب والخوف اللي تملك قلبهم خوفا على حبيباتهم...
في مكان تاني...
صحيت البنات وبصوا للمكان بتعب
ميرا بخوف: احنا فين
ماسه: انا مش عارفه وخايفه اوي..
عيطوا كلهم ما عدا ميار اللي قالت: في اي يا بت انتي وهي بتعيطوا ليه عادي يعني اتخطفنا
بصولها بصدمه وهي قالت: متقلقوش كل حاجه هتبقى كويسه اكيد ده اختبار من عند ربنا.. وربنا بيختبر صبرنا وثقتنا فيه المهم اننا نقعد نستغفر ونسبح لأنكم عارفين ان الاستغفار مفتاح لأي حاجه انت عاوزها...
اتنهدوا براحه من كلامها كانت ميار حاسه بالخوف لكن حاولت تتماسك عشان اخواتها...
فتح راجل الباب وقاموا البنات بخضه لما دخل الراجل ده وكان انور(تاجر الآثار) وابتسم بخبث وقال: مالكم يا بنات خايفين ليه
بصوله بخوف ماسه قالت بخوف: حضرتك احنا ملناش دعوة والله اكيد حضرتك قاصد شخص تاني احنا ملناش دعوة
كان مركز مع ميار وقرب منها وقال: مالك يا قمر كدا حسك مش خايفه مني زيهم انا فعلا مخوفش ده انا طيوب جداً
بصتله بقرف وادعت القوة برغم الخوف اللي جواها وهو بص للواحد من الحراس وابتسم بخبث وقال؛ دقتين وتجيبها فاهم ولا لاء...
بصوله البنات بخوف وهو طلع... قربت ماسه وميرا من ميار وهي اخدتهم في حضنها وهمت عيطوا وهي قالت: متخفوش فاكرين ماما كانت بتقولنا اي لما نحس بالضيق رددوا ورايا لا إله إلاّ أنت سبحانك إني كنت من الظالمين... رددوا وراها الدعاء وقعدوا يعيطوا وهي قالت في نفسها؛ يارب انجدني انا وخواتي...
عند الشباب...
في مبنى المخابرات..
كان بيشرب عز السجاره وبينفخ دخانها بعصبيه وعلاء حاطط ايده على دماغه بخوف ورعب على حبيبته اما عامر كان بيشتغل عاللاب بتاعه بهدوء مرعب اربكهم...
عز بغضب: انت مش خايف ليه وقاعد هادي ليه
ابتسم وقال: عشان حددت موقعهم فين... قاموا بسرعه وقال علاء بفرحه؛ بجد يا عامر عملتها ازاي...
قام ووقف عند لوحه وقال: اللي حصل كالآتي... لما عرفت ان الدكتور هيجي بدري شكيت وقولت اكيد وراهم حاجه جبت رقمه من تليفون المدير لما دخلت وحطيت اجهزة التجسس واخدت الرقم وبعتله حاجه كدا وهو لما شافها ودخل عليها ركبت تليفونه وتتبعت الرقم ولأنه كان قافل تليفونه فمكنتش عارف اتتبعه ولما فتح تليفونه جبت المكان... قرب عز منه وحضنه وقال: ربنا يكرمك يا رب ويريح قلبك زي ما ريحت قلبي...
ضحك وقال: يارب يا خويا...
اخد القوات واتحركوا عالمكان ده...
عند البنات...
دخل الحارس واخد ميار وسط مقومتها وعياط البنات... ووداها عند انور... قفل الباب وطلع وهي قالت: لو كنت فاكر اني خايفه منم فأنا مش خايفه انت فاهم...
ابتسم وقرب منها وهي واقفه ثابته وقال: مالك يا ميرو مش خايفه مني... ولسه هيلمسها كانت ضرباه برجلها في بطنه حط ايده على بطنه بوجع وهي قالت: ااوعى تحط ايدك عليا يا قذر سامع ولا لاء واه انا مش خايفه منك انا مبخفش غير من اللي خلقني وبخوف بس واعلى ما في خيلك اركبو...
مسكها من طرحتها وقال: انا هوريكي...
ميار: ابعد عني انت فاهم... وقف قدامها وحاول يقرب منها وهي بتقاومه ودموعها نازله ولأول مره تبقى خايفه وتعيط ... وفجأة دخل عز واول ما شافها وشافه وهو بيحاول يقرب منها اتحول لبركان ومسكه وقعد يضرب فيه وقال بغضب: اه يا قذر يا حيوان رايح تقرب منها وبتستغل ضعفها وخوفها منك والله لأوريك... كانت واقفه بتعيط قعد يضرب فيه لحد ما وقع على الأرض ووشه بينزف من الضرب... قرب منها وقال بحب ولهفه: انتي كويسه يا ميار عملك حاجه... بصتله بدموع وقالت بعياط؛ لاء معملش حاجه الحمد لله انك جيت انا كنت واثقه من ربنا انه هينجدني... مسح دموعها بحب وقال: طب بطلي عياط متعيطيش.... بصتله وقالت: انت ظابط... بص للبسه وقال بغرور ايه رأيك ظبوطه قمر مش كدا... ضحكت وقالت: والله كنت شاكه فيك اصلا لأن سنك كبير عن سننا.... ابتسم وقال: انا بحبك
بصتله بصدمه وقالت: انت قولت ايه
مسك اديها بحب وقال: بقولك بحبك من ساعت ما شوفتك
ابتسمت وقالت؛ اول مره اسمع عن واحد حب واحده هزقته وضربته بالقلم... بصلها بشر وقال: والله
ضحكت وقال: خلينا اخوات احسن
عز: والله... وانا عشان اخوكي بأمرك تخليكي معايا وتحبيني
ابتسمت وطلعت تجري بفرحه...
بعد وقت...
طلعوا البنات بسعاده
علاء: وصلوا البنات وانا هروح امضي الورق وجي...
بصتله ماسه وابتسم وهي بصت في الأرض بخجل وخصوصا لما افتكرت كلامه...
فلاش باك..
كانت بتعيط واول ما شافته جريت عليه وقالت: علاء اخدوا ميار
كان مصدوم وهي في حضنه لكنه طبطب عليها وقال: متقلقيش عز هيلحقها...
عامر: يا ابن اللعيبه يا بختك... اتكسفت وهو بعدها وهمس: هيبقى طعمه حلو لو بالحلال... بصت في الأرض بكسوف..
عامر لميرا: طب وانا الغلبان مليش حاجه ده حتى انا اللي عملت الشغل كله
ميرا بعلثم؛ ل.. لم.. ن. نفسك يا حضرت الظابط... مسك اديها بحب وقال: عامر... عامر وبس...
باك...
ركبوا العربيات ومالت ميرا على ماسه وقالت بنوم: انا عاوزه انام اوي اوي...
ماسه: انتي هتنامي؟؟
ميار: انتي ازاي تنامي واحنا مع ناس غريبه..
ميرا بنوم: ده عامر... دق قلبه بعنف وخصوصا وهي شيفاه مصدر امان ليها...
عز: لاء بجد عامل فيها محترم وانت موقع البت
ضحكوا وميار قالت: بس يا عم انت وهو وانتي قومي كدا وبكلي نحنحه...
عز بحسره: ايه ده يا ميرو انتي مش واثقه فيا ولا اي ده انا اللي انقظتك
ميار: بردو اثق فيك ازاي
ضحك عامر وعز قال: مش مهم ملحوقه يا قلبي... لفت وشها لشباك العربيه ودارت بسمتها وهو بصلها في المرايا وابتسم...
بعد وقت...
نزلوا قدام بيتهم وجريت عليهم امهم وقالت بعياط: يا حبايبي يا بناتي انتو كويسين حصلكم حاجه
الاب واسمه حازم: حمد لله على سلامتكم يابنات
ميار: اي يماما محصلش حاجه يعني
ضربتها في دماغها وقالت؛ اخ فرج ملكش دعوة... انفجر عز في الضحك وقال بضحك: عم فرج... بصتله بشر اما الاب قرب منهم وقال: تسلموا والله يا رجاله مش عارف اشكركم ازاي
عامر: لو عاوز تشكرني بجد انا عاوز معاد مع حضرتك واطلب فيع ايد الانسه ميرا... بصت في الأرض بخجل.. بصلها حازم وابتسم وقال؛ مفيش مشكله مستنيك يوم الخميس
عز: طب وانا.. انا ايه
ضحك حازم وقال: عاوز اي يعني
بص لميار وهي كانت حسه بالخجل وهو قال: انا طالب ايد عم فرج... انفجروا في الضحك وهي بصتله بقرف وقالت: لاء انا مش عوزاك بقى...
عز: نعم يا روح امك مش عوزاني طب والله انتي مش هتتجوزي غيري وانتي بتاعتي انا... ابتسمت وماسه بصتلهم بفرحه وعز قال: وصحبي علاء هيجي يوم الخميس بردو لماسه...
ابتسم حازم وقال: على بركه الله
بعد شهور...
كان واقف كل واحد من الشباب ولابس بدله ومستنين بفرحه نزول عروستهم...
نزلت البنات وكل واحده لابسه فستان فرحها... قرب كل واحد من عروسته ومسك اديها بحب
عز لميار: مبروك عليا انتي يا فروجه يا حبيبي
ميار: اقسم بالله يا عز... قاطعها وقال: بحبك..
ابتسمت وقالت بخجل: وانا كمان بحبك
عز: انتي بتتكسفي
ميار بكسوف: ملكش دعوة... ضحك عليها وهي بصتله بحب...
عند ماسه وعلاء
علاء: فرحانه
ماسه: اه اوي اوي...
علاء: طب بحبك
ماسه: وانا كمان
عند ميرا وعامر...
عامر: تعرفي انا حبيتكم لما حطيتي ايدك على كتفي حسيت بحاجه جوايا لما شوفتك... ابتسمت وقالت: وانا حبيتك عشان انت محترم اوي وحبيت كدا
ضحك وقال: حماتك مفتريه وكانت بتخليني اطبخ واغسل واكنس..
ميرا: خلاص لما نروح تعملي اكل بقى...
ابتسم وقال: من عنيا...
كان مشهد تدمع له العين اتغيرت حياة كل واحد فيهم واتحولت لحياة مع نصه التاني...
تمت بحمد الله🖋🌺..