اسكربات Milliicia

القصه ال١٢ ح٣الاخيرة

الحلقه ال٣
وفجأة في صوت ضرب نار عمل اتخضت وقامت حضنته وقالت: هو اي ده اي الصوت ده
سالم: ده ضرب نار عادي يعني اول مره تسمعيه
سهى: اه
فضل واقف وقلبه بيدق جامد وهي فضلت حضناه لاحظت اللي هي عملاه وبعدت عنه وقالت بخجل: اسفه مكنش قصدي لاني اول مره اسمعه واتخضيت
سالم: ولا يهمك انا عارف انك خايفه وانك مكنش قصدك
جريت عالاسطبل وهو قال: يخربيت جمالك ياشيخه اي ده... استغفر الله العظيم اي اللي بعمله ده... وراح مكتبه كانت واقفه جمب الحصان وحطه اديها على قلبها وقالت: اهدى اهدى بدق كده ليه بجد يبختك يا كنزي بيه كان نفسي اقابلك من زمان واعرفك قبليها...
في المكتب..
كان بيكلم المحامي فالتليفون وقال: عاوزك تفضي الشراكه اللي بيني وبين مالك بيه
المحامي:تمام يا بشمهندس... كنت عاوز اقولك حاجه يا سالم بيه
سالم: ايه
كان هيتكلم لكنه قال: اقفل وهرجعلك تاني..
طلع من صوت زعيق سهى
سهى: انت عاوز مني ايه تاني احنا مش كل حاجه بينا انتهت
حسام: مالك يا سهى في ايه محصلش حاجه لكل ده يعني
سهى: انت خونتني مع اقرب صاحبه ليا وكنت بتضحك عليا عشان تبقى مشهور مش اكتر واستغلتني
سالم: في ايه وصوتك عالي اكده ليه
استخبت وراه وقالت: سالم الحقني انا تعبت كل شويه يجي ورايا
سالم: في ايه يا عم انت
مسك اديها ووقفها جمبه وقال حسام: انا خطيبها وحصل بينا مشاكل كده وجاي اصالحها متدخلش انت
سالم: خطيبك؟؟ انتي اتخطبتي
سهى: والله لاء هو كان خطيبي وسبنا بعض من كام شهر
بصتله بترجي انه ميسبهاش وهو فهم وشدها نحيته ووقفها وراه ومسكه من هدومه وقال: بص يا روح امك انت مش عشان عندنا فالصعيد وتقرب من واحده من حريمنا وتمسك اديها احنا هنسيبك اكده لاء احنا حريمنا ميتلمسوش واصل فاهم ولا لاء
حسام: انت مالك انت وبتدخل ليه ونزل ايدك
سالم: احنا هنتخطب وكمان تلت اسابيع وهنتجوز وانت مش معزوم على فكره ولو قربت من خطيبتي تاني والله ما هسيبك فاهم
خاف حسام وبصلها بشر وقال: والله ما هسيبك وهوريكي
مشي وهي بدأت تعيط قرب منها وطبطب عليها وقال: اهدي اهدي متخافيش انا جمبك
بصتله بدموع ومحسش بنفسه غير وهو بياخدها في حضنه وقال: اهدي.. اهدي
سهى: انا بكرهه اوي
سالم: حصل ايه
سهى: اصل هو خاني واستغلني ورسملي انه بيحبني وفهمني انه بيحبني وضحك عليا عشان يوصل للشهره واخد مكاني فالشغل
طبطب عليها وهي هديت وغمضت عنيها وهي في حضنه وبعدت لما افتكرت انه هيتجوز
سالم: انا اسف بس كنت عاوز اهديكي
سهى: ولا يهمك
سالم: هو عملك اي الواد ده ومين ده اصلا
اتنهدت سهى وقالت: ده حسام كان زميلي في الشركه واتخطبنا فترة واكتشفت انه بيضحك عليا عشان ياخد شغلي وتصميماتي لحد ما لقيت... ومكملتش كلامها لما عيطت وافتكرت اللي حصل...
فلاش باك..
كانت قاعده في البيت وبترسم لقت رساله مبعوته ومكتوب فيها:خطيبك مع واحده في شقه لو مش مصدقاني تعالي على العنوان ده وشوفي بنفسك...
سهى: ده بجد انا هروح وهشوف وان شاء الله يطلع مش حقيقي ويطلع حد بيعمل فيا مقلب... بس مش هروح لوحدي
كلمت مروة صحبتها
سهى: في حد باعتلي ان حسام بيخوني وبعتلي عنوان وخايفه اروح لوحدي
خديجه: خلاص انا هاجي معاكي
بعد وقت..
نزلوا من العربيه وطلعوا على الشقه وكان الباب مفتوح وسمعت صوته وصوت بنت بتدلع واول ما دخلت اتصدمت من منظرهم وبدأت تعيط وقالت: ليه ليه كده انا عملتلك ايه عشان تعمل فيا كده
حسام: استني بس يا سهى هفهمك
ضربته بالقلم وقالت: اخرس ولا كلمه.. وبصت للبنت بدموع وقالت: طب انا عملتلك اي عشان تخونيني ده انتي صحبتي عشرت عمري... بصتله بقرف وخلعت دبلتها وادتهاله وقالت: بقيت حاجتك هتجيلك.. روح كمل اللي بتعمله...
ونزلت تجري من عنده...
باك..
سهى بعياط: مشكلتي اني كنت بقنع نفسي انه كويس واي حاجه غلط كنت بشوفه بيعملها كنت بسكت ومبكلمش بس الحمدلله انا راضيه
سالم:خير انه بعد عارفه في ايه فالقران حلوة اوي لما بخسر حاجه بحبها بسمعها وقال:" وعسى ان تكرهوا شيئا وهو خير لكم وعسى ان تحبوا شيئا وهو خير لكم والله يعلم وانتم لا تعلمون "
بصتله بحب وقالت في نفسها: يبختها كنزي بيك يارتني عرفتك من زمان ومن قبلها كمان كنت هحبك اوي بس ياخساره
سالم: كنتي بتحبيه ولا لاء
سهى: بص هو مكنش حبي الاول
سالم؛ هو كان في حد قبليه
سهى: اه كنت بحب واحد هنا فالصعيد اللي قولتلك عليه ده وفاكره اني كنت بحب العب معاه
سالم: لو قبلتيه تاني هتعملي ايه
سهى: مش عارفه بس اللي اعرفه اني هقوله اني منستهوش ومش ناسيه اي حاجه عملها معايا ونا صغيره... تعرف انا لسه محافظه على هديه جبهالي ونا صغيره
سالم: بجد..
طلعت السلسله من تحت رقبة الفستان وكانت سلسله رقيقه عليها قلب وقالت: مش قادره اقلعها لاني بحبها اوي وعندي امل اني اشوفه تاني كل ما بحس اني مش هقابله ببص فيها وبقول هشوفه انا عندي امل بكدا
سالم: هتشوفيه قريب ان شاء الله وهو اكيد مش ناسيكي وهو محبش غيرك
سهى: ياريت بجد..
سالم: سهى انا...
مكملش كلامه بسبب صوت تليفونه وكان المحامي وهي قامت
رد عليه وقال: ايه يا متر في حاجه ولا ايه
المحامي: عاوزك تجيلي المكتب ضروري يا سالم بيه
سالم: هجيلك بكره وهنتكلم..
المحامي: تمام بس ضروري متتأخرش
سالم: تمام يا متر..
قفل وقال: والله انا مش ناسيكي يا سهى..
بليل..
كانت قاعده سهى في اوضتها ومكنش حد فالدوار حست بحركه عند الشباك قامت تبص تشوف مين واتفجأت لما لقت حسام
سهى: انت بتعمل اي هنا و... مكملتش كلامها لما رش في وشها مخدر وقعت عالأرض وهو شالها...
حاول غفير (اشرف) يلحقه لكنه معرفش...
عند سالم في الشغل..
الغفير احمد: سالم بيه في واحد جه واخد الانسه سهى
سالم: واحد مين واخدها ليه
احمد: معرفش يا بيه بس حاولت الحقه معرفتش وجيت اقولك
سالم: اتحرك ازاي
احمد: طالع على حدود البلد
اتحرك بسرعه وكان معاه بعض من الغفره وحاسس بالقلق وكان هيتجنن عليها..
في مكان تاني...
كان سايق بسرعه جنونيه ووصل لشقه ونزل منها وكان شايلها..
وقفت قدامه عربيه وكانت عربيه سالم نزل منها وقرب منه ومسكه من هدومه وقال بغضب؛ فاكر لما تاخد حاجه من دوار سالم الاسيوطي هتعدي بالساهل اكده... اخدها منه وقال: خدوه وحطوه فالمخزن وانتو عارفين شغلكم...
بعد وقت...
صحيت سهى في الدوار وقعدت تعيط وكان جمبها حامد وقال: حجك عليا يابنتي انا اللي سيبتك لوحدك
سالم: حصل خير يا عمي انا لحقتها اهه وهي كويسه متقلقش عليها وكل حاجه تمام ومعملش فيها حاجه.. ونا هتصرف معاه واعرفه مقامه
ضمت رجليها وعيطت اكتر مستحملش يشوفها كدا وقام وهو بيتوعد لحسام...
في المخزن..
كان قاعد حسام ومربوط وقاعد سالم قدامه وحاطط رجل على رجل بعد ما ضربه وقال: انت فاكر لما تاخد حاجه بتاعتي هسيبك اكده من غير عقاب ولا ايه
حسام: هي بتحبني انا وعرفتني قبليك
سالم: هي تعرفني من قبل ما تعرفك وبتحبني من زمان زي ما انا عاشقها
حسام: انت هتخطبها ازاي وانت خاطب واحده غيرها مش كنزي بردك
بصله ومسكه من هدومه وقال: مين قال اكده وتعرف كنزي منين.. مردش وهو مسكه وقعد يضرب فيه
حسام: خلاص خلاص هحكيلك
فلاش باك..
كان ماشي وهو حاسس انه مش طايق نفسه وقفته كنزي وقالت؛ انت عاوزها مش كده
حسام: هه ياريت بس انتي مصلحتك اي
كنزي: عاوزه ابعدها عن خطيبي ولما تنفذ ليك مكافأة تحفهه
حسام: تمام..
كنزي: انهارده مفيش حد هيبقى فالدوار حتى الغفر فالدوار هيبقة فاضي وانت بقى عارف هتعمل اي
حسام: تمام...
باك..
حسام: والله ده اللي حصل
سالم في نفسه: حسابك معايا بعدين يا كنزي
حسام: سبني بقى واوعدك مش هاجي جمبها تاني
مسكه من هدومه وقعد يضرب فيه ويشتمه بأفظع الشتايم لحد ما تعب وقال للغفر: كملوا انتو
وروح هو عالدوار
كانت في اوضتها بعد اللي حصل وقاعده ضامه رجليها سمعت صوت ستات كتير وزعيق بره الاوضه
طلعت وقالت: اي في اي
=انتي سهى الاسيوطي انا بحبك جوي
=اتصور معاكي بس انا بحبك جوي
=انا عاوزه جلبيه وتعمليلي هدوم زي ماعملتي لكنزي
=عامله اي دلوقت سمعنا انك اتخطفتي
=هو مين ده يختي ما تفهمينا
بصتلهم وهما قعدوا يتكلموا
سالم: اطلعي ياست انتي وهي من اهنه
حطت اديها على ودانها وصرخت سكتوا كلهم وهي قالت بغضب:اي يا وليه انتي وهي اي لكلك لكلك وكلام اي اسكتوا مبتفصلوش وجعتولي دماغي
كانوا واقفين مصدومين من طريقتها
سالم: هو مين سمحلكم تدخلوا... يا اشرف... اشرف...
سهى: اشرف اي بقى اطلعي يا وليه منك ليها
طلعوا الستات يجروا لما خلعت الجذمه اللي كانت في رجليها... ضحكوا كلهم عليها
حامد بنبرة ضحك: اي يا بت في اي
سهى: جننوني والله
حامد: معلش يحبيبتي ادخلي الاوضه يلا
كانت هتدخل الاوضه رجعت وقالت لسالم: ابعد خطيبتك عني بدل ما اقسم بالله ماهعملها حاجه
سالم: ليه في اي
سهى: دي زنانه وعماله تؤمرني
سالم: معلش حقك عليا انا
سهى: اديني قولتلك ياسالم بس عشان هي هتتصل بيك دلوقتي وهتدلع عليك وهتعيطلك فمتجيش وتزعل مني بس
ودخلت الاوضه... وفعلا اتصلت بيه بص للأوضه ورد على المكالمه
كنزي بدلع: شوفت يا سالم البنت اللي اسمها سهى الاسيوطي زعقتلي ازاي
سالم: ما انتي بردو اللي بتؤمريها
كنزي: دي زباله ومتكبرة اوي
مستحملش كلمه عليها وقال بغضب: هي مش زباله ولمي نفسك متقوليش اكده على بنت عمي فاهمه ولا لاء هو انا مش قايلك جبل اكده متجبيش سيرتها بوحش
كنزي: اي ده في اي انت بتزعقلي عشانها وبدافع عنها ليه تاني يا سالم.. لاء بس شاطر يا سالم لحقتها
سالم: ده انتي حسابك معايا عسير بس لما اشوفك
كانت هتتكلم قفل المكالمه ونفخ بضيق وبص للتليفون واتصل بالمحامي وقال:موضوع الثفقه الجديده اللي المفروض نعملها انا ومالك الغيها انا مش هعمل ثفقات مع حد
المحامي: ليه في حاجه حصلت
سالم بعصبيه: وانت مالك انت تنفذ وبس
المحامي: مش قصدي يا سالم بيه بس انت مش هينفع تفضي الشراكه
سالم: وده ليه بقى
المحامي: الفلوس اللي دافعها كتير اوي انا اه محامي العيله بتاع استاذ مالك طبعا من زمان وانت صحبي وعشرة عمري وانت في حاجه لازم تعرفها عشان تبقى على نور كده
سالم: اي جول
المحامي: انت لازم تتجوز الانسه كنزي عشان انت واستاذ مالك في ثفقه انتو الاتنين اللي انت لغتها دي فلو المكسب جه ليك انتو الاتنين هتستفادو والعكس بردو فاهمني..
سالم: اه يعني الموضوع كله مصلحه
المحامي: اه
سالم: تمام اوي طب شكرا يا متر ده انت سهلت عليا الموضوع...
قام وهو متعصب وكان هيمشي وقفته وقال: سالم عوزاك
سالم: ايه
سهى: انا سمعتك وانت بتتكلم مع كنزي.. مش عوزاك تتخانق معاها بسببي
سالم: لاء مفيش خناق ولا حاجه وانتي مش فالموضوع اصلا
سهى: تمام... هو اي موضوع المصلحه ده
سالم: اي ده ما انتي واقفه من بدري بقى
سهى: لاء خالص.. هو اي الموضوع...
سالم: الموضوع ان جوازتي من كنزي كلها طلعت مصلحه
سهى: طب اقولك حاجه بس متزعلش مني
سالم: قولي
سهى: انا عارفه بس انا شوفتك بتحبها
اتنهد وقال: عرفتي منين
سهى: اصل كنت عندها من يومين وسمعت بباها بيتكلم مع واحد كده
سالم: ومقولتيش ليه
سهى: عشان انت بتحبها
سالم: انا مكنتش بحبها انا كنت بحاول انسى حد بيها وحاولت لكن معرفتش وعرض عليا ابوي اني اتجوزها اتخطبنا فترة وقولت اجرب اخطبها وقربت منها لقتها مش نفس تفكيري ومغروره وانتي فاهمه
سهى: اه فاهمه... يعني انت مش بتحبها
سالم: لاء مش بحبها...
سهى: طب كنت عاوزه اشكرك على كل حاجه عملتها معايا بجد انا مش عارفه اشكراك ازاي
سالم:ولا تشكريني ولا حاجه... هروح اعمل مشوار وجاي عاوزك متناميش عشان هنتكلم شويه
سهى:ماشي..
في بيت كنزي..
سالم بغضب: انت ازاي متقوليش ان كل ده ثفقه ومصلحه
مالك:اهدى شويه يا ابني
سالم: اهدى ازاي وانت وبنتك استغليتوني
كنزي: سالم انا هفهمك
سالم: تفهميني اي تعرفي انا مكنتش هلومك لو مكنتيش تعرفي لكن لما شوفتك عارفه مش عارف اعمل اي وكمل بغضب:وموضوع انك بعتي الشخص ده عشان يخطف بنت عمي وياخد شرفها ده بقى حوار تاني ومش هحاسبك فيه وعموما انا اتشرفت بمعرفتكم والشراكه اللي مابينا انتهت...حط شنطه فيها فلوس وقال:وده الشرط الجزائي بتاع العقد اللي بيناتنا.. خلع الخاتم وحطها فوق الشنطه ومشي...
بعد وقت..
دخل البيت وهو حاسس براحه نفسيه
كانت قاعده وبتشرب عصير واول ماشافته ابتسمت وقالت: جاي رايق يعني... عملت اي
سالم: سبتها
سهى بفرحه: بجد
سالم: اه.. مالك فرحانه كده ليه
سهى: لاء ولا حاجه وهفرح ليه يعني ده انا حتى زعلانع
سالم: اممم ماشي.. انا عاوز اقولك حاجه
كانت بتشرب وبصاله
سهى: قول ياعم
سالم: انا بحبك
وفجأة العصير اللي كانت بتشربه كان في وشه
هو اتصدم وغمض عينه
وهي مسحت فمها وقالت: انا اسفه
سالم: الله يأرفك يا شيخه
سهى: اسفه... انت قولت اي
سالم: بحبك
سهى: انت بتتكلم جد
سالم: اه
سهى: طب ازاي... ازاي..
سالم: انا بحبك من زمان انا بحب اتكلم معاكي وبحب اشوفك وبحب اشوف هبلك وضحكتك ولقتني عاوز اغيرك واوديكي للطريق الصح
دمعت عنيها وقالت بنبرة وكأنها هتعيط: انا هعيط... انا بجد هعيط
سالم: طب ينفع تهدي بس
سهى: انت بتحبني
سالم: اه
سهى: بجد
سالم: اه والله... طب انتي اي مش حاسه بتجاهي بأي حاجه اكده
اتكسفت وكانت هتقوم مسك اديها وقال: اي في اي مش هتردي عليا
سهى بكسوف: عاوزني اقولك اي
سالم: اي كلمتين اكده وانا كمان بحبك اي حاجه كده
زقته وطلعت تجري وهو طلع وراها قفلت الباب وهو قعد يخبط
سالم: افتحي يا سهى.. هنتكلم بس
سهى: لاء مش هفتح
سالم: انتي حره
قربت من الباب وسمعت خطواته انه مشي اتنهدت ومره واحده لقت صوته وراها
سالم: فاكره نفسك هتهربي مني
سهى: اقسم بالله لو مابعدت لأصوت والم البيت كله
قرب منها اكتر وهي اتوترت وقال: انا بحبك من زمان يا سمسمتي..
رمشت اكتر من مره وقالت: سمسمتك؟؟ انت قول سمسمتي هو انت...سمسم...
سالم: معقوله مش فاكره سمسم حبيبك
سهى: انا مكنتش اعرف انه انت... وانت ازاي متقوليش اصلا
سالم: سهى انا بحبك بجد وعمري ما نسيتك وحاولت انساكي بكنزي لكني معرفتش تابعتك على كل حساباتك ولما شوفتك على طبيعتك حسيت اني عاوز اغيرك مش دي سمسمتي اللي كانت بتعشق الحجاب مش دي سمسمتي اللي اعرفها
نزلت دموعها وقالت: انت وحشتني اوي انا عمري ما نسيتك ولا فكرت انساك انا كنت بتمنى وبحلم اني اشوفك واقولك اني اد ايه بحبك وبحبك من زمان اوي كمان..
سمع الكلمه دي ومقدرش يمنع نفسه انه يحضنها حضنها بحب وهي بادلته الحضن وقعد يلف بيها وهو قال: بحبك يا سمسمتي
سهى: وانا كمان بحبك يا سمسم...
بعدته وهو قال: هتتغيري عشاني صح وهتلبسي الحجاب و هتبقي اميرتي الصغيره...
حركت دماغها بخجل...
قرب منها اكتر وهي اتوترت ورجعت بضهرها لورا وهو كان بيقرب لحد ما خبطت حاصرها وقعد يبص في عنيها ومحسش بنفسه غير وهو بيبو*س خدها بعمق... غمضت عنيها بتوهان وقالت بخجل: سالم... سالم ابعد... مش هينفع
بعد عنها وقال: يتجفل علينا باب واحد وانا مش هسيبك يا سمسمتي
احمر خدها وبصت فالأرض بخجل وهو ابتسم وراح اوضته...
تاني يوم حكى سالم ليهم على اللي حصل مع كنزي
وعدت الايام وطلب اديها وهي كانت مكسوفه اوي وخصوصا انه كان بيعاكسها وبيقعد يتكلم معاها كلام رومانسي يخليها تخجل منه..
بعد تلت شهور...
كان واقف وهو لابس جلبيه بيضا بتاعت الفرح وهي نازله وكانت الصدمه للجميع كانت لابسه الحجاب وكانت في قمه الجمال
بصلها بعشق ومسك اديها وقبلها بحنان وقال: انا مش مصدج نفسي ايه الجمر ده
لفت بالفستان وقالت: عجبك يا سمسم
نزلت دموعه بفرحه وقال: جمر يا حبيبت سمسم...
عدت السنين...
كانت بتجري وبطنها منفوخه بسبب الحمل وكانت بتجري ورا بناتها التوأم اللي نسخه من بعض ولا يقل جمالهم عنها ولا يتعدى عمرهم الست سنوات وتين وتالين...
سهى: تعالو هنا والله ما هسيبكم
وتين وتالين في صوت واحد: مش هتمسكينا
سهى: بقى تبعدوني عن جوزي وتناموا في حضنه طول الليل وتاكلوا الشوكلاته بتاعتي لاءوكمان بيلعب معاكم ويدلعكم ونا لاء...
وتين: ما بابا حضنه حلو
سهى: وحيات امك انتي وهي ده جوزي انا وحضنه بتاعي انا
تالين وهي قاصده تضايقها: بصي يا ماما الشوكلاته دي بابا جبهالي
سهى: هاتي يا بت هاتي الشوكلاته بتاعتي
جريت وتين عالدولاب وطلعت وهي لابسه فستان من بتوعها وجذمه كعب من بتوعها وقالت: شايفه يا ماما حلو عليا ازاي
صرخت من جنانهم وجريت وراهم وقالت: بت انتي وهي تعالو هنا والله لو ماجيتوا هعمل معاكو الصح وهبقى اول مامي عملت الغلط مع عيالها وانتي حره بقى في اختيارك يا شبح انتي وهي... اه منكم يا عيال سالم
سالم: بتزعقي ليه بس يا قلب سالم وفي واحده تقول لعيالها اعمل الغلط وشبح والصح ماطبعا اللي في بطنك مش عاوز يجي ليه خايف ياكبدي عليه.
سهى: انا عاوزه حقي ياعم سالم بص انا مش طيقاك ولا طيقاهم ولا طايقه البيت ده كله انا كان مالي بس بالجواز ووجع القلب ده ياربي واول ما اخلف اجيت جوز ليه ارنبه لاء وايه معدتش السنين غير وانا حامل تاني وماشاء الله ربنا رزقني بقردتين مجنني ووخدينك مني ده حتى حضنك بقى بتاعهم والحاجه الحلوه اللي بتجبهالي بقت ليهم بص انت اصلا شكلك كنت قاصد تفقدلي انوثيتي..
انفجر فالضحك وقرب منها بحنان وضمها لحضنه وقال: حقك عليا انا يا قلب سالم ولو على حضني انتي فيه اهه والحاجه الحلوة في جيبي كمان... وبا*س خدها
تالين ووتين بنبرة غيره: انت بتحضنها وبتبو*سها كمان واحنا ايه
اتعلقت في رقبته وقالت بغيره على سالم: يابت انتي وهي ده جوزي محسساني انكم ضريري ليه هش هش بعيد عن هنا ده جوزي انا وبتاعي انا ولوحدي انا...
حضنها بدراع وفتح دراعه التاني وقال: تعالو... جريوا عليه وضموه بحب وهي باست خده وطلعت لسانها ليهم وهو ضحك..
سالم: الحمدلله بدل ما كان عندي واحده سهى بقى عندي تلاته سهى والتلاته اجن من بعض
بعدوا عنه وقالوا بغيظ: احنا مجانين يا سالم
سالم: لاء انا اللي مجنون اما انتو عقلين خاالص..
جريوا العيال على اوضهم بعد ما اداهم شوكلاته وقرب منها وقال بحب: اتفضلي يا سمسمتي
اخدتها منه وقالت: ربنا يخليك ليا يا سمسم ياحبيب قلبي
حطت اديها على بطنها ومسحت عليها وهو قال: كل ما بشوف بناتنا بحس ان ربنا بيجبر بخاطري في كل مره ونتي لما حملتي تاني حسيت اني مش جادر الصراحه ده كتير عليا يارب والله
سهى: تعرف في مقوله كده قريتها من فترة "ستكون عذراء هذه اللي لم تتزوج من تحب حتى لو انجبت الف"
سالم: الحمد ل... مكملش كلامه لما عضت كتفه
سالم بوجع: اه يا بنت العضاضه
سهى بعياط: انا حاسه كده والله اعلم اني بولد
اتصدم وقال: ولاده؟؟ ولاده اي يحبيبتي لسه شهر لسه بدري
سهى بصراخ: الحقني يا سالم بولد...
قعد يطنط وهو مش عارف يعمل اي وبناتهم جمبها وبدأوا يعيطوا لعياطها وهو بصلهم بذهول وقال: التلاته بيعيطوا يلهوي...
بعد وقت...
تعالت الزغاريط بقدوم طفل جديد في عيلة الاسيوطي وكان ولد
حط سليمان ايده على كتف اخوه وقال: هتسميه ايه
سالم وهو ماسك الطفل بين اديه: هسميه ريان... ريان سالم الاسيوطي... بص لبناته اللي كل واحده ماسكه ايد واحد من عيال سليمان اللي سنهم قريب منهم وقال: وتين ووليد وتائب وتالين
ابتسم سليمان لما افتكر ان وليد قرر يسمي وتين بنفس حرفه وتائب كذلك..
تائب: عم سالم انا هتجوز تالين لما اكبر
ضحك وقال: العيال هيعملوا قصة حب زي عمامهم...
تمت بحمد الله... ❤🖋