مشوهه سلبت قلب صعيدي..
كانت قاعده قدام المرايا وبتبص لنفسها وقالت: ما انا حلوة اهه هما مش بيحبوني ليه حتى اهلي مش حبني طب ليه انا مش ذنبي اللي حصلي ده انا كنت جميله مش ذنبي اللي حصل... نزلت دموعها وقالت: بس انا مش هحط ميكاب انا مش وحشه وقابله نفسي واللي مش عاجبه يخبطوا راسهم في الحيط... خبط الباب ودخلت امها وقالت: ايه يا بنتي اخبارك ايه..
ابتسمت بكسره وقالت: كويسه
امها واسمها نعمه: بقولك يا بنتي في عريس متقدملك
ريم بحزن: ويا ترى بقى يا امي عارف ظروفي ايه ولا هيجي زي اللي قبله وهيكسروني ويقولو عليا وحشه واني مينفعش ابقى ام لأولاد بسبب شكلي واني ممكن اعديهم... انا مش وحشه والله وده مش وباء لاء خالص.. ده حتى المشوهين بيبقو مميزين اوي...
نعمه: طب معلش يا بنتي ده عريس واتقدم ولازم تقبليه
ريم: لزمتها ايه يا امي...
نعمه: يلا يا بنتي..
قامت وقالت: حاضر يا امي
نعمه: البسي فستان واكوي شعرك وحطي ميكاب شويه داري الحروق دي شويه..
اتنهدت وقالت: ماشي...
طلعت وهي بدأت تحضر نفسها...
بليل...
كان قاعد شاب واسمه احمد وجمبه امه
احمد: بصي يا طنط انا جاهز من كل حاجه
نعمه: انت شوفت ريم امتى
احمد: شوفتها من ايام الكليه
نعمه: يعني مشفتهاش من قريب
احمد: لاء ده حتى انا دوخت عما جبت عنوان بيتها
اتوترت وقالت في نفسها؛ اكده خلاص هيطير..
احمد: اومال فين ريم..
نعمه: هتطلع دلوقتي...
اتفتح الباب وطلعت ريم وهي لابسه فستان جميل من فستنها لكن محطتش مكياج وعلامات الحروق على وشها...
احمد لريم: بالله عليكي استعجلي ريم...
ريم: انا ريم...
بصلها احمد شويه وضحك بسخريه وقال: مين دي اللي ريم..انتي ريم ايه القرف اللي في وشك ده..
بصتله بصدمه ونزلت دموعها لما قال: مش دي ربم قمورت الجامعه مش دي اللي شوفت صورتها على صفحتها على النت
عيطت اكتر وهو قال: يلا يا ماما نمشي من هنا...
ريم: وانت فاكرني كنت هوافق عليك
احمد: وانتي تطولي اصلا ده انتي محروقه ومفكيش نسبه جمال انتي تطولي اصلا ده نادرا ما حد يقبل بيكي بشكلك ده...
ريم:علفكره بقى انو جميله في نظري وانت بقى مين اللي اداك الحق تقول عليا حلوة او وحشه انت مين... بص اللي ما لم أبح به، لا تفترضه
احمد: يعني ايه؟!
ريم: يعنى متنجمش بروح أمك
قام مشي هو وامه ونعمه قالت بغضب: مش قولتلك تحطي ميكاب داري بيه اللي في وشك ده...
بصتلها بصدمه وقالت بعياط: انتي بتقولي الكلام ده ليا يا امي ده انا بنتك المفروض تطبطبي عليا ومتقوليليش اكده اصلا
نعمة: انتي مش شايفه شكلك ليه حق الراجل يمشي... اختك اللي اصغر منك اتجوزت وانتي لسه
مسحت دموعها وقالت: من فضلك كفايه وبعد اكده اي واحد يتجدم ارفضي حتى من جبل ما يشوفني... ودخلت اوضتها جري وهي بتعيط
في الاوضه..
ضمت رجليها وقعدت تعيط بحرقه من امها وقالت؛مش ذنبي اللي حصلي وميت مره اقولهم اني حابه شكلي كده واني مش وحشه زي ما هما فكرين... اتنهدت وفردت جسمها ونامت...
عدى شهر وهي مهتميه بشغلها ومعزوله عن اهلها وكلامهم الجارح ليها....
في يوم..
كانت ماشيه عند في شوارع ووقفت عند رصيف فيه كتب ابتسمت وحطت اديها في شنطتها وطلعت محفظتها
ريم؛ حلو اوي معايا تلتوميت جنيه حلوين اجيب بيهم كام روايه كده اسلي بيهم نفسي بدل الملل والهم اللي عيشاه ياااههه هيطلعوني من المود اللي فيه...قعدت تبص على الكتب ولقت البياع قال: ايه يا بنتي مش عاجبك حاجه ولا ايه
ريم: لاء ببص لسه
البايع: مالك انتي كويسه ابتسمي انتي جميله...
بصتله وقالت ببسمه: ربنا يجبر بخاطرك شكراً
فرحت من جواها وبصت للراجل وهو قال: شكلك بدوري على حاجه معينه مش كده
ريم: اه..
البايع: معروف دايما إن الكتاب هو اللي بيشتريك مش انت اللي بتشتريه صح
ريم: اه...انا بدور على كتاب شوفته على النت
البايع: معروف ديما ان الكتاب اللي بتلاقيه مش بتلاقي زيه تاني يعني مفيش زيه نسخه تانيه قدامك...
بصت بتمعن للكتب الكتير اللي قدامها ولقت الكتاب ولسه هتشده لقت ايد بتشدها منها ومسكناها انا والشخص اللي ماسك الروايه في نفس الوقت..رفعت عنيها ليه وكان شاب في عمرها او اكبر بحجات بسيطه وكان وسيم وملامحه رجوليه وحاده اوي كلمت ريم نفسها وقالت:يخربيتك ايه الحلاوة دي...انت مالك كده زي ابطال الروايات كده ليه...فاقت من تفكيرها عليه وهو بيقول بهدوء:اتفضليها يا قمر... بصتله شويه واتفجأت انه بيتغزل فيها وعاجبه شكلها كلمت نفسها وقالت: هو قال قمر.. بجد.. هو شايفني حلوة وبيبصلي كده ليه..هو مفيش حروق في وشي ولا ايه... بصتله تاني وقالت: شكرا... وحاسبت البايع ولسه هتمشي سمعت صوته تاني وهو بيقول: انتي يا بنتي ياللي مبتصدجي... وقفت ريم ولسه هتتكلم لقت حرامي على متوسيكل نتش شنطتها وبدأت تصوت وجري الشاب وراه وريم واقفه بتعيط...
بعد وقت..
لقت الشاب ده قرب منها وفي ايده الشنطه وقال: اهدي يا انسه شنطتك اهيت...
اخدتها ريم وقالت: شكرا... فضل واقف يبصلها وهي اتكسفت من نظراته وبصت في الارض وطلعت الروايه من الشنطه وقالت: اتفضل مش عيزاها
اخدها وقال: شكلك اكده بتحبي نجيب محفوظ
ريم وعنيها في الارض: اه... شكلك كده من لهجتك انك صعيدي مش كده
الشاب: صوح... كان هيتكلم لكنه اتفاجأ لما فتحت اديها وقالت؛ حق الروايه بعد اذنك
الشاب بصدمه: ايه؟؟
ريم: هو ايه اللي ايه عاوزه تمنها انا دافعه فينا ميه وخمسين جنيه
انفجر في الضحك وطلع فلوس من جيبه واداهالها وقال: على فكرة ممكن اجراها ولما اخلصها نتجابل واديهالك
ريم: لاء خلاص مش مهم بقى ما انت دفعت حقها خليهالك
الشاب: لاء مفيش مشكله كأني مأجرها منك يعني...
بصتله شويه وقالت: طيب ماشي..
الشاب: هاتي رقمك او رقم والدك..
فكرت شويه وطلعت كارت وكتبت عليه وقالت: ده حسابي على الانستا
ابتسم وقال: طيب ماشي... ومشي...
ريم: ده ايه الادب ده يا خواتي قمر ومحترم اوي.... اتحركت على البيت
في البيت...
نعمه بغضب: كنتي فين يا ريم كل ده...
مردتش وكانت سرحانه في الشاب ده اللي حسسها انها جميله وكان بيتغزل فيها... دخلت الاوضه ونعمة استغربت...
عند ريم...
رمت نفسها على السرير وقالت بهيام: يلهوي على الجمال... بس معرفتش اسمه ايه... هيكون ايه مثلا ده اكيد من الادب والجمال ده ممكن اسمه يكون عز مثلا لاء لاء ده ممكن يكون مراد... واتكلمت بتفكير: هو قال انه صعيدي ممكن يبقى ايه سالم وسليمان ولا ايه قصته ده... اوووف بقى... ابتسمت وقالت: هو قالي قمر وحب شكلي وكان بيتغزل فيا يبقى انا جميله فعلا صح يعني انا جميله...
عدى اسبوع..
ريم بغييظ: ابن الورمه ده مبعتليش فولو على الانستا ولا كلمني ولا رجعلي الروايه... الاهي ما يتهنى بيها...
خبط باب الشقه وفتحت نعمه واتفجأت ب شاب طويل ووسيم ملامح وقالت: هي مش موافقه عموما اتفضل امشي...
ضحك بصوت رجولي وقال: حضرتك والدت ريم صوح
نعمة في نفسها: هي البت ريم بتعرف ناس محترمه ونضيفه وكلمته وقالت؛ ايوة انا يا ابني...
الشاب: هي موجوده
نعمه: اه
الشاب: طب عاوز اجابلها ما بينا شغل وملجتهاش في المكتب ابتاعها
نعمة؛ اها طب اتفضل يا ابني... دخل الشاب وهي قالت؛ اقولها مين
الشاب ببسمه: جوللها بتاع الرواية
بصتله برفع حاجب واتحرك على اوضتها...
دخلت لقتها قاعده على السرير وسرحانه...
نعمة؛ في حد عاوزك بره
ريم: مين يا امي
نعمة؛ مش عارفه بيقول بتاع الروايه... دق قلبها لما قالت نعمة كدا وقالت: هو قال كده
نعمة: اه.. هو مين ده يا بنتي..
ريم ببسمه: اطلعي ضيفيه وانا هجهز وطالعه علطول...
طلعت نعمه وهي مش فاهمه حاجه وهي وقفت قدام الدولاب وقعدت تبص على هدومها ومسكت فستان وقالت؛ هيبقى حلو ايوة هيبقى حلو...
بعد وقت...
طلعت وكان هو قاعد بيشرب قهوة واول ما شفها قام وقف وكان مبتسم
ريم: ازيك يا بتاع الروايه
ابتسم وقال: ازيك...
قعد وهي قعدت جمبه وقالت: خلصت الروايه...
ضحك وطلع من شنطه تلت كتب لنجيب محفوظ وقال: اتفضلي
ريم: ايه ده؟؟
الشاب: التلت اجزاء للروايه اهمت..
بصتله وقالت؛ بس انا... قاطعها وقال: نزلتي امبارح عن حد لو يعرف مكان بيبع الجزء التالت الروايه على حسابك...
بصتله برفع حاجب وقالت؛ بس انت مش عندي
ابتسم وقال: لاء عندك....
فتحت تليفونها وقالت: حسابك ايه...
ابتسم وقال: مهند الشافعي...
ابتسمت لانه هو الشخص اللي رد عليها امبارح وقالها مكان بيبيع الروايه...
انفجرت في الضحك وهو استغرب وقال: هو ايه اللي بيضحك
ريم بضحك: اسفه بس انت متأكد انك صعيدي
ابتسم وقال: اه وصعيدي اب عن جد كمان...
ريم وهي بتكتم ضحكها: طب ازاي صعيدي ومهند
مهند: وماله اسمي... الله يسمحك يا امي...
ريم: بس انت شبه مهند اللي في العشق الممنوع
ضحك وقال: ما هي كانت بتتفرج عليه وهي حامل فيا
ابتسمت وقالت في سرها: يا بختها...
مد ايده وقال: هاتي تمنهم يلا..
ابتسمت وقالت؛ حاضر.. كانت هتقوم لكنه مسك اديها وقال: ده انا بضحك معاكي....
ريم: لاء ميصحش لازم اديك تمنهم
مهند: لاء خليهم خليها هديه مني عشان لما تقريهم تفتكريني... ومشي
حطت اديها على قلبها ومنعتش ابتسمتها تطلع
بعد وقت...
كانت ماسكه الكتب اللي جابها ولقت ورقه هو حططها ومكتوب فيها: انتي جميله فأبتسمي دائما...
حضنت الورقه وقالت: يخربيت جمدان امك يا جدع...
دخلت نعمه وقالت؛ في دكتور تجميل انا حددت معاه معاد عشانك
ريم: عشاني انا ليه
نعمة: عشان يشوف حالتك
اتنهدت وقالت: ماشي
نعمة: بجد يا ريم هتوافقي
ريم: اه يا امي مفيش مشكله...
تاني يوم..
في العياده...
كانوا قاعدين الاتنين مستنين الدور...
السكرتيره:اتفضلوا يلا...
دخلوا وكانت صدمتها كان بتاع الروايه.. همست جواها وقالت: مهند..
ابتسم وقال: ازيك يا ريم وبصلها برفع حاجب وقال: انتي ايه اللي جابك اهنه...
بصت في الارض بإحراج ونعمه قالت: ازيك يا ابني احنا هنا عشان نشوف حل في موضوع الحروق ده...
بص مهند ليها وهي رفعت نظرها ليه وهو ابتسم وقال: مع انها جميله مش محتاجه حاجه يعني...
نعمة بإستغراب: مش. محتاجه حاجه ازاي انت مش شايف وشها عامل ازاي...
بصتلها بدموع وقالت: بعد اذنك يا دكتور اعمل اللي ماما عوزاه
مهند: افهم من اكده انك مش عاوزه صوح..
مردتش وقعدت على كرسي وقالت نعمه: شوف شغلك...
قرب منها ومسك وشها وقال: للأسف الحروق صعبه جدا
نعمة: يعني ايه مفيش حل ليها...
اضايقت ريم ومهند قال: لاء فيه بس عمليه وهتبقى صعبه
ريم: انا مش عاوزه العمليه دي
نعمة: انتي بتقولي ايه اسكتي خالص..
ريم: انا ميت مره اقولهم يا دكتور اني حابه شكلي كده واني جميله في نظري ومش لازم اكون جميله عشان الناس تقولي جميله الجمال هو جمال الروح مش بالشكل انا روحي جميله وخفيفه على قلب كل اللي بتعامل معاهم مفيش حد وحش كله جميل كلنا مميزين مفيش حد شبه التاني كلنا مختلفين انا حابه نفسي كدا...
ابتسم مهند من كلامها اما نعمة كانت بتبصلها بغضب من اللي قالته
مهند: تمام يا انسه اتفضلي انتي انا عاوز مامتك على انفراد...
طلعت وهو قال بغضب لنعمه: هو انتي مرات ابوها
نعمة بإستغراب: نعم؟؟
مهند: ردي بس عليا...
نعمة: لاء امها...
مهند: مفيش ام بتعمل كدا في بنتها قالتلك عاجبها شكلها يبقى خلاص متحوليش معاها عشان تظهريها قدام الناس واهم حاجه مظهرها متهتميش بالمظاهر يا مدام... انا واحد غريب اهه وبجولك اني شايفها حلوة جدا من اول ما جبلتها وانا شايفها هاديه ورقيقه وجميله جدا ده كفايه ضحكتها اللي تقنع الواحد انها جميله حرام عليكي متعمليش فيها اكده...
نعمة: انا عاوزه افرح ببنتي ومستعده اعمل اي حاجه عشان تتجوز
مهند: عشان الناس وكلامهم نصيبها لسه مجاش اصبري عليها وبعدين ريم الف من ميتمناها
نعمه: خلاص يا دكتور عن اذنك... وطلعت...
فيه البيت...
قعدت ريم على السرير وقالت: كنت اتمنى تنشق وتبلعني مكنتش عوزاه يعرف او يشوفني... لقت رساله على تليفونها وكانت منه وقال: مش عاوزك تزعلي..
ريم: على اي... اتصل بيها وردت عليه وقال مهند: من كل حاجه مضيجاكي...
ريم: لاء عادي انا متعوده على كده
مهند: انا فرحت علفكره لما قولتي انك مش عاوزه العمليه...
ريم: انا اصلا عاجبني شكلي...
مهند: وانا...
ريم: ايه؟!
مهند: فرحت اني اتكلمت امعاكي سلام... وقفل وهي حطت اديها على قلبها بفرحه...
دخلت نعمة من غير ما تخبط وقالت بغضب:مين مهند ده وتعرفيه منين وعلاقتك بيه ايه وفرحانه كدا ليه
ريم: هو انتي تكرهي اني ابقى فرحانه
نعمة: لاء طبعا يا بنتي ليه بتقولي كدا
ريم: اومال ايه...
نعمة: عاوزه اعرف بس
ريم: ده واحد كدا عرفته وانا بشتري روايه ولحقني لما شنطتي اتسرقت ورجعهالي تاني وانا اديته الروايه اللي كان عاوزها وانا كنت اشترتها فأدتهاله...
نعمة: غريبه
ريم: هو ايه الغريب في كده
نعمة: الواد قمور اوي و.... قطعتها وقالت: واني انا وحشه وهو ازاي بيتعامل معايا صح وكملت بحزن: انتي ازاي امي وبتحبطي فيا كده تعرفي هو الوحيد اللي اعجب بشكلي كده
نعمة بفرحه: اعجب بيكي انتي بتتكلمي جد
ريم بعياط؛ اه هو الوحيد اللي حسسني اني جميله من بعد الحادثه وانتم بتسمعوني كلام انا عمري ما سمعته في حياتي وبتحسسوني اني قليله ديما واني وحشه وان اختي احلى مني بس انتي كدا متعرفيش انك كدا بتكرهيني فيها لكني والله ما كرهتها بالعكس كنت بحب نفسي اكتر
نعمه بحزن على بنتها؛ انا مكنتش عارفه اني بعمل فيكي كده
ريم بعياط: بعد اذنك يا امي اطلعي وسبيني لوحدي بعد اذنك
طلعت وهي بتأنب نفسها انها وصلت بنتها للمرحله دي
عند ريم كانت قاعده بتعيط ومحستش بنفسها غير وهي بتقوم تلبس هدومها...
عند مهند في العياده...
السكرتيره: دكتور مهند في واحده عاوزه حضرتك بره
مهند: مين دي...
السكرتيره: اللي كانت مع امها من شويه كده...
مهند: طب دخليها بسرعه...
دخلت ريم وهو قال بفرحه: يا اهلا...
ريم: ازيك يا مهند كنت عاوزه اتكلم معاك شويه...
مهند: اوي اوي تحبي نتكلم في مكان بعيد عن العياده...
ريم بتوتر: لاء لاء خلينا هنا
ابتسم وقال: في كافيه جمب العياده تعالي نقعد فيها...
ريم: ماشي...
بعد وقت...
كانوا قاعدين الاتنين في كافيه وهو قال: هاه يا ستي كنتي مضايجه من ايه بقى...
ريم: هو انا فعلا وحشه زي ما ماما قالتلي
اضايق وقال بضيق: هي ضايجتك...
ريم: اه... هو انا وحشه فعلا...
مهند: لاء طبعا ده انتي زي الجمر اهه..
ريم: شكرا لجبر الخواطر ده...
مهند: انا مش بجول اكده وخلاص لاء والله انتي فعلا جموره وشكلك حلو....
ابتسمت بخجل وقالت: شكرا... وكملت: تعرف انا قبل الحادثه كان شكلي حلو اوي...
مهند: هيضايجك لو جولتلك حصلك اكده ازاي..
ريم: لاء طبعا... واتنهدت وهي بتفتكر اللي حصل...
فلاش باك...
كانت ماشيه ريم في الشارع وقفها شاب وقال: انسه ريم...
وقفت وقالت: افندم
الشاب: انا معجب بحضرتك جدا وعاوز اتعرف عليكي
ريم: سوري يا استاذ مبتعرفش... وكانت هتمشي مسك اديها وقال: انا عاوز معاد مع الوالده...
ريم؛ هو انت غبي مبتفهمش انا مش عاوزه اتعرف ولا اتجوز دلوقتي... وشدت اديها ومشيت....
كلم الشاب نفسه وقال بغل: طب والله ماشي مش انا اللي واحده زي دي ترفضني انا...
عدت ايام وكانت ريم قاعده في مكتبها كالعاده بتكتب روايه من روايتها وفجأة لقت المكان بيولع.... عيطت برعب ومكنتش عارفه تعمل ايه حاولت تطلع لكنها معرفتش بسبب ان الباب اتقفل بالمفتاح صرخت برعب ومحستش بنفسها غير وحد بيشدها من الشباك وكان شاب من المطافي... حطت اديها على وشها تصرخ بألم من الوجع والحروق اللي اتعرضتلها...
باك...
كانت بتعيط وهو بيبصلها بحزن مسحت دموعها وقالت: االحمد لله انا راضيه باللي حصلي...
مهند: الحمد لله.... انتي بتكتبي روايات...
ريم: اه بكتب روايات بس للأسف بقى الكتاب الوحيد اللي كنت ناويه اطبعه وكان هيكون اول كتاب ليا اتحرق في الحادثه
مهند: طب ومجربتيش تكتبي تاني...
ريم: لاء...
ابتسم وقال: طب جربي اكتبي تاني اصل اعرف ان اللي بيكتب ده بيبقى بيهرب من الواقع اللي عايش فيه زي ما قريت في كتاب "يتعافى الكاتب بقلمه...
ريم: هفكر تاني...
كانت هتمشي قال: عجبتك الروايه...
ابتسمت وقالت: اوي...
مهند: علفكره انتي ممكن تيجي العياده بتاعت زميلتي في الشغل وهتتعملي مع الناس وهتشوفي اللي زيك والمختلف عنك...
بصتله وكل اللي كان هممها كلمت زميلته..
ريم بنبرة غيره: هي زميلتك دي خطيبتك او صحاب...
ضحك وقال ببسمه: لاء زميلتي في الشغل مش اكتر...
ريم: اممم تمام... ومشيت وهو متابعها ومبتسم عليها...
في البيت...
اول ما دخلت بصت نعمة ليها بحزن وكانت هتقرب منها ريم قالت: قربي يا ماما...
قربت نعمة وحضنتها وقالت: سمحيني يا بنتي انا كنت عاوزه افرح بيكي
ريم ببسمه: محصلش حاجه يا ماما...
نعمة: كنتي فين يا بنتي..
ريم: كنت.. كنت في الشغل...
ابتسمت وقالت: ربنا معاكي يارب...
دخلت الاوضه وكملت قرايت الروايه اللي اداهلها مهند
تاني يوم...
نزلت ريم وراحت العياده وهي داخله شافت بنت جميله واقفه وبتتكلم معاه..
بصتلهم بغيره وقربت منهم وقالت: ازاي حضرتك يا دكتور مهند
ابتسم اول ما شفها وقال: ازيك يا ريم..
بصتله البنت ببسمه وقالت؛ دي ريم اللي جولتلي عليها...
ريم بغيره: هو كلمك كمان
استغربت البنت ومهند ابتسم وقال: ايوة دي ريم الكاتبه الجميله اللي كلمتك عليها يا خديجه...
ناريمان: دي اجمل من ما تخيلتها...
ابتسمت وقالت: شكرا..
قعدت معاها بعد ما مهند مشي..
ريم: هو انتي خطيبت مهند
ابتسمت وقالت: لاء بنت خالته
ريم بغيره وتسرع: اه... يعني تجوزيله...
ابتسمت وقالت: لاء اخته في الرضاعه...
اتحرجت وخديجه كانت بتبصلها ببسمه وقالت؛ انتي جميله فعلا زي ما مهند جالي...
اتكسفت وقالت بخجل: هو مهند قال كده
خديجه: اه...
عدت الايام والاسابيع وريم قربت من اكتر من مهند ووثقت من نفسها اكتر..
في يوم...
كانت قاعده ريم وضامه رجليها على كرسي في حديقه العياده قرب مهند منها وقعد جمبها وقال: جاعده لوحدك ليه...
ريم: سرحانه شويه..
ابستم وقال: كنتي عوزاني في ايه..
طلعت روايه وقالت؛ اتفضل كل سنه وانت طيب
مهند ببسمه: وانتي طيبه عرفتي منين انه عيد ميلادي
ريم: من على النت...
ابتسم وقال: طيب هديه مجبوله...
ريم: شكرا لوقفتك جمبي بجد انت وخديجه...
مهند: على ايه انتي زي اختي...
بصتله بحزن وهمست جواها: اخته؟؟..
بصوا لبعض شويه وهي قامت وقالت؛ طب عن اذنك انا هروح....
مهند: اروحك...
ريم: لاء شكرا انا هروح انا...
ومشيت وهي زعلانه...
في البيت...
كانت في الاوضه بتعيط وقالت؛ مستنيه ايه يعني يكون بيحبك ويتجوزك هو اشفق عليا وكان بيساعدني بس وانا وهمت نفسي بحاجه مش حقيقيه...
اتنهدت بزعل وفردت جسمها وراحت في النوم...
عدى شهر ومفيش تعامل بينهم خالص وانها بعدت عنه...
في يوم...
كانت قاعده على السرير وهي ماسكه ورقه وقلم وبتكتب روايه خبط الباب وكانت امها وقالت: بتاع الرواية جي بليل هو وابوه
دق قلبها اوي وقالت؛ مهند؟؟؟ واستغربت وقالت؛ هيجيب ابوه ليه
ضحكت نعمه وقالت؛ اصله قالي حب الروايه.... ابتسمت ونعمه قالت؛ حضري نفسك عشان جايين والبسي كويش بقى...
قامت جريت تحضر نفسها...
بليل...
كان قاعد مهند وابوه وقدامه نعمه وخال ريم
ابو مهند: انا طالب يد الانسه ريم لولدي مهند
ابتمست نعمه وقال خال ريم: طب نسمع رأي العروسه... وقالت بصوت عالي: يا رييم.. تعالي يا بنتي...
طلعت وهي لابسه فستان رقيق من فستنها ومسلمتش من نظرات مهند وبصت لأبوه ولقت ابتسامه على وشه وقال:بسم الله ما شاء الله فيكي شبه من مرتي...
ابتسمت وقعدت جمب نعمه وهي عنيها في الارض من الخجل وقعدت معاهم وهما بيتكلموا ومهند بيبصلها وبيضحك
خال ريم: هاه يا بنتي رأيك ايه
ريم بخجل: اللي انتم عاوزينه
مهند: لاء بالله عليكي اسمعها
ابو مهند: اتحشم يا ولدي...
احمر وشها وحطت اديها على وشها وهما ضحكوا وقالت بخجل: موافقه...
مهند: على بركه الله نقرا الفاتحه بجى...
قروا الفاتحه وهما قاموا وسابوهم لوحدهم...
مهند: الروايه حلوة اوي
ريم: شكرا
مهند: حبتها..
ريم؛ هي ايه دي
مهند: الروايه..
مردتش وقال: انا بحبك...
مردتش وهو قال: طبعا انتي مستغربه انا حبيتك ليه وازاي صوح..
بصتله وقالت؛ اه
مهند: بصي يا ريم انا بحبك من ايام ما كنتي في ثانوي كنتي بتجعدي دايما ورايا وانا فضلت احبك لحد ما عرفت بموضوعك ده زعلت عليكي بس بالعكس لقتني اتعلقت بيكي اكتر وكنت عاوزك ليا ومتوقعتش اننا هنتجابل لحد ما جابلتك واحنا بنشتري الروايه مصدجتش نفسي وكنت فرحان جدا...
ابتسمت وقالت؛ كل ده ومتقوليش...
مهند: خوفت تقولي. اني بشفق عليكي.. وبعدين يا جذمه تعمليلي بلوك اتفضلي فكيه...
ابتسمت وقالت؛ حاضر..
مهند: بحبك...
ريم: شكرا...
مهند: يا صبر ايوب...
ريم: هو بباك مضايقش بسبب شكلي
مهند: تعرفي انه حابك جوي لان امي كانت شبهك وهو عمل المستحيل عشانها
ابتسمت وهو شاور نحيه الباب وقال: اي رأيك
بصت للمكان اللي بيشاور فيه ولقت صف روايات جديده فوق بعضه وقال: جبتلك دول بدل الرواية اللي جبتهالي ومستني روايتنا...
ابتسمت وقالت: بحبك...
بعد سنين...
في الحديقه...
كانت قاعده ريم وهي ماسكه كتاب وبصت لمهند وهو بيلعب مع بنتهم ميرا وبصت للكتاب وقفلت وكان عنوان الكتاب مشوهه سلبت قلب صعيدي... وقالت جواها: زي ماوراء كل رجل عظيم إمرأة عظيمه، بردو زي ماكل وراء إمرأه ناجحه رجل عظيم.. (ويخلق الله لك شخص لاترى جمال الدنيا إلا به)...
مهند: يلا يا حبيبتي سيبي الكتاب وتعالي العبي معانا...
سابت الكتاب وقامت تلعب معاهم....
مشيوا وهما ماسكين ادين بعض وبنتهم بتجري قدامهم اتصدمت ريم لما لقت مهند وقف ومسح الكوتشي بتاعه وقال: اكده احلى...
ريم: وربنا انت مجنون
مهند: بيكي...
ابتسمت وقالت؛ انت رزقي والله...
ابتسم وقال: الكتاب عجبني اوي...
ريم: بس ايه رأيك يا مهند...
مهند: تحفه يا قلب مهند....
وقفوا لما وقفتهم ميرا وقالت بطفوله: انا عاوزه ابقى زي ماما عشان بابا يحبني زيك كدا...
ابتسموا ونزلوا لمستواها ومسحوا على شعرها بحب وقال مهند: انا بحبك طبعا بس دي ماما صح
ميرا: صح... شلها ومسكوا ايد بعض ومشيوا بفرحه وكل منهم يشكر ربنا انه رزقه نصه التاني...
- الـرزق أنواع ، أعظمها شريڪا حنونًا طيبًا إذا مالت الدنيا لا يميل...
تمت بحمد الله ❤🖋...
YOU ARE READING
اسكربات Milliicia
Romanceعندما تشعر بالوحده اقرأ قصصي كل انواع الروايات (قصص طويله_قصص قصيرة_ديني _كوميدي_اجتماعي_درامي_خواطر_عواصف_تبرعات_سعادة............)
