اسكربات Milliicia

القصه ال١٤

* احببته رغم غروره *
____
في منطقه جميلة كانت ماشية بطلتنا بإبتسامتها الجميلة وراحت المطاعم اللي هتشتغل فيه
نور: السلام عليكم
راجل كبير في السن: وعليكم السلام يا بنتي
نور: نا كنت جايه عشان الشغل اللي منزلينه
الراجل: اه تعالي ورايا
راحت وراه ودخلت مكتب فخم جدا وجميل وفضلت قاعده لحد ما دخل شخص طويل ووسيم وبارد الملامح قامت وقفت والقت السلام فمردش قعد على كرسيه بكل غرور وحط رجل على رجل قولتيلي كنتي عاوزه تشتغلي لي
نور بإستغراب: هو اي اللي ليه عشان اصرف على نفسي وعلى دراستي
هو: امم تمام.. اسمك اي
نور: اسمي نور
نور: تمام تحبي تشتغلي من امتى ومقدرتك كام ساعه
نور: زي ما حضرتك عاوز بس ايام الدراسه هبقى اشتغل بعد العصر كدا عشان محضراتي وكدا
بصلها شويه وقال نتي في سنه كام؟
نور: نا في سنه ٣كلية سياحه وفنادق
جاسر: تمام تقدري تشتغلي من بكره عالساعه ١٠تبقي هنا..
نور: تمام مرتبي كام. جاسر بصلها شويه وقال: ٢٠٠في اليوم..
نور: لاء زود حضرتك عشان مش هيكفي.. باصلها بغرور وقالها: نتي هتشتغلي هنا لمده اسبوع ولو شغلك عاجبني ومحدش اشتكى منك هتكملي وتاخدي مرتبك زي اي شخص. نور: تمام شكرا عن اذنك
مشيت وهو فضل باصص على مكتبه بغرور وقام اتصل بصاحبه جاسر: اي يعم
عامر: اي في حاجه ولا اي..
جاسر: مش هتيجي.
عامر: اه شويه وجاي اي يا جسورتي وحشتك ولا اي،
جاسر:لا يروح امك انت بس مجتش وعليك شغل كتير،
عامر: اممم ونا اللي قولت بتطمن عليا كدا ازعلا منك،
جاسر: اقفل يلا..
اسيل: استاذ جاسر اتفضل القهوة بتاعتك وطلعت.
نتعرف على جاسر (٢٣سنه شخصية بارده ومغرورة اوي بيشتغل في مطاعم والده والفنادق بتاعت العيلة جاسر وسيم الملامح وشديد الطبع شخصية جاده جداً عنده صاحبه وايده اليمين عامر في نفس عمره بس مش نفس طابعه عامر(مرح جدا ومغرور نوعا ما بيحب الهزار والضحك.
بعد فتره
_____
وصل عامر ودخل وقال ازيك يسطا واحشني من امبارح
جاسر: اطلع بره يلا.. ايه..
جاسر: نت داخل زريبه مخبطتش ليه..
عامر: معلش..
جاسر: اصرفها منين.
عامر: من اي كشك عادي هههههههه
جاسر: غور يلا..
عامر: خلاص يعم..
جاسر: تعالى اتزفت..
عامر: حاضر هتزفت
جاسر: في واحده هتيجي تشتغل بكرة في المطعم عاوزك تشرف عليها عشان لو كدا تشتغل...
عامر: اممم مزه
جاسر: متحترم نفسك يلا انت انت جاي تشقط ولا جاي تشتغل
عامر: يا عم مانت عارف ني بهزر..
جاسر: امم بتهزر تمام يسطا..
عامر: اجي امتى كدا
جاسر: ٩ونص كدا تبقى هنا..
عامر: تمام ماشي
جاسر: نا هروح نا بقى
عامر: نعم هتسبني لوحدي يا جسورتي
جاسر: نت اللي جيت متأخر لو كنت جيت في معادك كنت روحنا مع بعض..
عامر: طب اقعد معايا ونروح مع بعض وكمل عامر بغمزه: وهلبسلك قميص النوم الازرق تاني عارف كنت هتتجنن ونا لابسه
جاسر: ينهر اسود نت هتودينا في داهيه وهنتفهم غلط امشي يلا من هنا..
عامر: كدا اهون عليك..
جاسر زقه بهزار: غور يلا على شغلك
عامر وهو بيجري وبيضحك: حاضر...
راح عامر على مكتبه يخلص شغله وجاسر اخد حاجته وركب عربيته وراح بيته ولقى مامته وخالته وبنت خالته سلم عليهم وطلع اوضته..
مامته واللي اسمها شكريه: اي يحبيبي مش هتقعد معانا
جاسر: لاء يماما نا هطلع انام عشان تعبان
بنت خالته مريم بدلع: تصبح على خير يا جاسوره
طلع ومردش....
مريم بخنقه: مغرور وبيتجاهلني بس بحبه
خالتها مامت جاسر: يا هبله حاولي وقعيه كدا
مريم: بحاول والله يخالتو بس هو مبيدنيش ريق خالص
خالتها ومامتها: امممم... احنا هنتصرف..
تاني يوم تصحى نور تصلي وتلبس وتروح شغلها
_فالمطعم
دخلت نور لقت عامر فوشها
عامر بمشاكسه: اي يا قمر يا صباح القمر عالقمر اللي واقف قدامي.
نور بحده: تصدق انك قليل الادب ومش متربي ومشفتش بربع جنيه تربيه
عامر: اي اي براحه علينا مش حرام القمر ده يطلع منه كل ده
نور: لم نفسك يا حيوان ياللي معندكش دم مستر جاسر فين..
عامر في سره: يابن المحظوظه وعملي فيها محترم ونت ليك فيه الكلام ده ماشي ياجاسر..
عامر بضحك: اوه نتي بقى من معجبين جاسر
نور بغضب: معجبين اي نا جايه عشان الشغل....
باصلها بغرور وتكبر يمثل جاسر وقال: اها هو نتي اللي جايه تشتغلي...
نور: اه انا انت مالك.
عامر: نا ابقى المشرف عليكي
نور بتبلع ريئها: احمم هو حضرتك..
عامر: اه نا وياريت ونتي بتشتغلي لمي لسانك شويه وبلاش قله ادب
نور: احمم حضرتك نت اللي قليت ادبك وكنت يعني بضايقني ونا كنت بدافع عن نفسي ونا اسفه حضرتك
عامر: تمام ماشي روحي المطبخ وشوفي اللبس اللي هتلبسيه بتاع الشغل
نور: تمام اوكي
_في بيت جاسر _
يصحى جاسر ياخد شاور ويلبس هدومه وينزل يفطر وهو نازل بنت خالته مريم بدلع: صباح الخير يا جسورة
جاسر: صباح الخير.. وياريت بلاش جسورة دي
مريم بدلع: ليه كده ياجاسر ده نا علطول بقولهالك واحنا صغيرين
جاسر: واحنا صغيرين بقى دلوقتي احنا كبرنا ونا مبحبش الدلع ده
مريم بخنقه: تمام ياجاسر مش هتفطر
جاسر وهو ماشي (وكان جعان وعاوز ياكل) لاء هفطر في الشغل ومشي.
مريم: شايفه ابنك با خالتو...
شكريه: معلش بقى ونفذي اللي قلناه.. وتعالي افطري وسيبك منه.
في الشغل
نور في المطبخ لبست هدوم الشغل ولقت بنت في سنها هناك جرسونه زيها
نور: السلام عليكم
البنت: وعليكم السلام نتي البنت الجديده
نور: اه انا
البنت: هتتبسطي معانا في الشغل اوي
نور: ان شاء الله
البنت: متعرفناش نا أسيل.. ونا نور
(اسيل بنت جميله بشرتها خمري عنيها رصاصي واكبر من نور بسنه خريجه سياحه وفنادق)
وبقو صحاب..
بعد اسبوعين... على نفس الحال في الشغل وكانت شاطره جدا
جاسر: هاتيلي نور
اسيل: حاضر يا جاسر بيه
(راحت اسيل عند نور)
اسيل: نور مستر جاسر عاوزك
نور بإستغراب: عاوزني ليه متعرفيش
اسيل:مش عارفه
نور: نا هروحله في المكتب
_في المكتب
نور: السلام عليكم
جاسر: وعليكم السلام اقعدي يانور..
نور: نعم حضرتك كنت عاوزني
جاسر: اه عامله اي فالشغل
نور: طبعا الحمد لله
بصلها شويه وقال: تمام تحبي تشتغلي فالمطبخ ولا جرسونه
نور: جرسونه احسن.. بس نفس المعاد والمرتب صح
جاسر: المعاد هيبقى 11الصبح وبالنسبه لكليتك هتبدئي شغلك بعد الكليه والمرتب 300فاليوم
نور: تمام يا فندم عن اذنك..
دخل عامر: اي يسطا وحشني
جاسر: لا ياشيخ عاوز اي يا عامر
عامر: اخس عليك هو لازم ابقى عاوز حاجه عشان ادلعك...
جاسر: عاوز اي يلا
عامر بترجي: عاوز نخرج مع بعض شويه
جاسر: محسسني اني بتعامل مع خطيبتي... هههههه اه وماما عزماك عالغدا
عامر: شوشو تصدق وحشتني
جاسر: تمام نخلص شغل ونروح عالبيت نتغدى ونخرج شويه زي زمان
عامر: اوعاااا هنرجع لايام الشقاوة تاني... اه صح نور اخبارها اي
جاسر وحس بغيرة: مالها نور وبتسأل لي
عامر: لا مفيش اصل نت كنت عاوزها فبسأل
جاسر بحده: لاء عادي كنت بعينها في الشغل
عامر: اممم يسلام القمر ده هيكمل معانا
جاسر بحده: اتلم يلا
عامر: اي يعم متعرفش هي سنجل ولا مرتبطه
جاسر: لاء معرفش وملكش دعوة بيها
عامر بإستغراب: ليه يسطا
جاسر: هو كده ويلا على شغلك
عامر بمشاكسه: اوه بنغير
جاسر: بنغير اي مش فاهم
عامر بضحك: لا ولا حاجه
جاسر في نفسه:هو نا فعلا بغير عليها لاء مستحيل دي مجرد واحده بتشتغل مش اكتر ولا اقل
عامر: جاسر نت ياض يسطاااا
جاسر: هه عاوز اي
عامر: بقولك الساعه كام هنروح الساعه كام؟
جاسر: لما نخلص شغل
عامر: تمام ياعم سلام
_بليل في ڤيلا جاسر _
دخل جاسر هو وعامر الڤيلا استقبلتهم مريم
مريم بدلع: اتفضلوا ازيك يا موره
عامر: ازيك يا ميرو
مريم بنفس الدلع: الحمد لله وشدت عامر وقالت نت وحشتيني اوي يا عموره يلا بينا عشان ناكل ونتكلم شويه
جاسر بصلها بسخريه لانه عارف هي بتعمل اي
_ عالسفره _
قعدوا كلهم وحاولت مريم تخلي جاسر يغير عليها زي مامتها وخالتها قالولها
*فلاش باك *
شكريه: عوزينك تخليه يغير عليكي جاسر غيرته وحشه والعزومه اللي انا عملاهه عشان صحبه يجي عوزاكي تضايقيه وتخليه يغير عليكي بعامر زي زمان
مريم: تمام يخالتو
*باك*
مريم بأم الدلع بتاعها: اتفضل يا عامر عارفه انك بتحب الملوخيه ونا قولتلهم يعملهالك عشانك
عامر: شكرا
جاسر بعدم اهتمام: احنا هنسهر برا انا وعامر برا ياماما
مريم بضيق: اي ده مش هتقعدوا معانا
جاسر مردش عليها وكمل اكله
عامر بهزار: اصل واحشني سهرات زمان مع جاسر من ساعت مامسك شغل والده واحنا مش بنخرج زي زمان
مريم: اممم تمام
شكريه: تمام يا حبيبي بلاش قلة ادب ياعامر
عامر: يوه يا شوشو نا قليل الادب كدا ازعل
جاسر بهزار: الواد ده سافل وقليل الادب وكان عوزنا نروح كباريه بس... مكملش كلامه عشان شكريه شهقت
شكريه: اييييه كباريه لاء ومسكت عامر من ودنه
جاسر قعد يضحك عليه
جاسر: خلاص يماما نا بهزر
عامر وهو بيكلمها: خلاص يا وليه خلاص ما قالك بيهزر
شكريه سابته...
عامر وهو ماسك ودنه: كدا يا شوشو كده اهون عليكي وتصدقي الكلب ده
شكريه: ايوة اصدقه لانك قليل الادب
عامر وهو بيمثل الزعل: بقى كدا طب مش واكل واخد ورك الفرخه وقام
كله ضحك عليه
_في شقه صغيرة _
نور: الو ياماما اي يحبيبتي وحشاني
مامتها مكه: ونتي كمان يابنتي عامله اي
نور: الحمدلله
مكه: هتبدأي كليه امتى؟
نور: لسه الشهر الجاي وكمان دي اخر سنه فهخلصها وهاجي
مكه: وحشاني اوي يبنتي
نور: ونتي كمان يقلبي
مكه: بتاكلي يقلبي
نور: اه يماما.. لما اقبض هبعتلك الفلوس وهاتي بيها الدوا متجيبيش حاجات تانيه
مكه: حاضر يبنتي ربنا يخليكي ليا وميحرمنيش منك ابدا
نور: ويخليكي ليا ياقلبي سلام عشان عندي شغل الصبح وهكلمك بكره
مكه: تمام يبنتي سلام
_في مكان عالنيل _
كان قاعد جاسر وعامر وبيهزرو وبيضحكو
عامر: مش ناوي تتجوز بقى يا جاسر عاوز اشوفك بالبدله
جاسر: هههه مش لما اشوفك الاول
عامر بغيظ: لا يعم مش نا قليل الادب
جاسر: ههههه اي يعم كنت بهزر
عامر: اه ياودني اه منك ياشكريه
عامر: هو نت مش بتحب مريم ما تتجوزها
جاسر باستغراب: مين قال اني بحبها ممكن كنت بحبها لما كنت لسه صغير لما كنت مراهق اما دلوقتي لاء مش عاوزهه مش بحب الدلع بتعها هي دلوعه اوي ونا مش بحب كدا( وسرح فالكلام وهو بيفتكر نور) نا عاوز واحده تانيه تبقى شديده مش سهل الكلام معاهه واحده متدينه واحده عارفه ربنا مش واحده كل همها تلبس اي وكل شويه تتصور وبتحب الشهره وكلام النت بتاع بنات اليومين دول
عامر: اممم اللي يشوفك كده ميقولش خالص انك جاسر العمري ابدا كنت بحسب انك عاوز واحده من نفس طبقتك الاجتماعيه دي
جاسر بغرور: هههه مش اي واحده تدخل دماغ جاسر العمري... قام جاسر وقال: هروح اشتري حاجه وجي....
عامر: تمام
كانت اسيل ماشيه وخبطت في كرسي عامر
اسيل: اسفه
عامر وقف قدامها وهو بيعاكسها: لاء ولا يهمك يا قمر
اسيل بصتله بقرف وكانت هتمشي وقف قدامها
اسيل: مالك يا استاذ
عامر: مالي ياقمر
اسيل: استغفر الله العظيم ابعد كده يا اخ
عامر: متيجي تقعدي شويه يامزه
اسيل بغيظ: مالك يا اخ عديني عاوزه امشي
عامر: مالك بس تعالى نتكلم شويه نتعرف على بعض
اسيل: تصدق انك قليل الادب وزقته ومشيت
عامر بسرحان: اي قليله الزوق دي بس اي القمرر ده
جه جاسر ولقى عامر سرحان ومبتسم
جاسر بإبتسامة: مالك يبني اي البسمه دي
عامر: هه لاء مليش يلا نروح اصل تعبان
جاسر: اممم ماشي يلا
تاني يوم راحت اسيل ونور الشغل وحكت اسيل ليها وقعدوا يهزروا ويضحكوا وبدأو فالشغل
طلب عامر قهوة من بنت واسمها مروة فراحت مروة: اسيل اعملي لمستر عامر القهوة بتاعته عما ادخل الحمام
اسيل: اممم ماشي (وفي نفسها) اخيرا هشوف مستر عامر ده اول مره  هشوفه يا ترى مز زي جاسر باشا ولا
راحت اسيل مكتب عامر وحطتها على مكتبو ولسه هتطلع لقيته في وشها اللي هزقته امبارح
عامر بصدمه: انتي...
اسيل بصدمه: انت... نت بتعمل اي هنا
عامر بضحك: تصدقي كنتي لسه في بالي نتي ايه اللي بتعملي هنا
اسيل: انا هنا عشان بشتغل ومستر عامر كان عاوز قهوة
عامر ببسمه: اها مستر عامر
اسيل:نت بتعمل اي هنا
عامر بابتسامه: نا شغال هنا
اسيل باستغراب: واي اللي جيبك مكتب مستر عامر
عامر: نتي مشفتيش عامر ده قبل كده
اسيل: لاء ليه
عامر راح قعد على الكرسي بتاعه وحط رجل على رجل وقال بغرور: لاني انا مستر عامر وشكرا عالقهوة ولمي لسانه يا انسه بعد كده
اسيل بصدمه وخوف: يلهوي هو حض.. ضرتك مستر عامر
عامر ببسمه: ايوة انا قمر مش كدا
اسيل: لاء
عامر: ايه
اسيل: اقصد ونا مالي حضرتك
عامر ببسمه: امم طب روحي انتي على شغلك
طلعت تجري على نور وحكت ليها
نور: يعني مستر عامر اللي نتي هزقتيه امبارح
اسيل: اه شفتي
نور: ده شكل الايام الجايه هتبقى عسل
اسيل بقلق: ربنا يستر
كانت نظرات عامر لاسيل كل مايشوفها يحس انه فرحان وانها مش سهله زي بقيت البنات اللي كان يعرفها وكان بيتعمد يطلبها تعمله قهوة
فضلو اسبوعين عالحال ده
وصل جاسر ودخل لعامر اللي كان قاعد كعادته سرحان
جاسر بمشاكسه: ده مين الجميله اللي شغله دماغك كده
عامر: هه ولا حاجه
خبطت نور ودخلت: السلام عليكم مستر عامر اسيل تعبانه وبتعتذر انها مش هتعرف تيجي انهارده
عامر ادايق من اللي سمعه وحس بزعل انه مش هيشوفها
عامر: طب الف سلامه عليها...
نور: طب اتفضل القهوة بتاعت حضرتك ووجهت كلامها لجاسر: ازاي حضرتك يا استاذ جاسر عاوز قهوة او اعملك حاجه
جاسر بصلها شويه: اممم ياريت قهوة ساده
نور: حاضر... وبعد شويه جابتها مشيت على شغلها
جاسر لعامر: مالك زعلان ليه
عامر بزعل: مليش
جاسر بعدم تصديق: متأكد شكلك يقول غير كده
عامر: اه
عامر بتردد: انا.... انا..انا بحب اسيل
جاسر: اسيل مين اللي نور كانت بتتكلم عليها
عامر: اه
جاسر: وحبتها امتى؟
عامر: من ساعت ما اتخنقت معايا اعجبت بيها وبشخصيتها حستها مختلفه... وحكاله اول يوم شفها
جاسر بفرحه: طب ماتتقدم
عامر: هعمل كده بس مستني شويه
___
كانت نور بتشتغل وبتقدم الاكل والطلبات وواحد عاكسها ومسك ايديها
نور بزعيق: سمحتلك تعاكس وتتكلم بمراهقه وقولت ماشي عيل ومش فاهم حاجه لكن تمسك ايدي لاء نت كده يا بتستهبل يا عبيط.. وضربته بالقلم
الشاب واسمه عز: نتي مجنونه اي اللي نتي عملتيه ده فين مدير المكان ده
جاسر وعامر طلعو على صوت الزعيق..
جاسر بزعيق: في اي وانت بتزعق كده ليه
عز: انت المدير
جاسر: اه انا في ايه
عز: البت دي لازم تترفد
جاسر: ليه عملت اي
عز: ضربتني بالقلم
بص جاسر لنور بغضب وهو مش مصدق وقال: ده بجد يا انسه
نور بعياط: والله يا جاسر بيه مسك ايدي وكان بيتعدى حدوده فكنت بدافع عن نفسي والله بس ده اللي حصل..
كان فرحان من اللي عملته بص ليها بحنان وقال بهدوء: طب اهدي يا نور ووجه كلامه لعز كانت بدافع عن نفسها محصلش حاجه ونت شخص مش محترم واظن لو اي واحده مكانها كانت هتعمل كده واكتر من كده كمان..
ضحك عز بإستهزاء وقال: ههه هي اللي بتتبلى عليا وهي واحده مش متربيه ولسه نور هترد مسكه جاسر وقعد يضرب فيه وطرده بره كل ده تحت انظار الكل ونور المصدومه ومريم اللي كانت حضره الموقف ومصدومه من اللي جاسر عمله وعامر اللي ضحك على صاحبه وعرف ان فيه مشاعر تجاهه ليها
جاسر: تعالي ورايا يا نور... راحت نور وراه
عامر فنفسه: جاسر العمري وقع ومحدش سمه عليها لاء ووقع ومش هيقوم ده الايام اللي جيه هتبقى لوز اللوز هههههه...
عند جاسر ونور لسه جاسر هيقفل الباب مسكت الباب وقالت بعياط: ميصحش يتقفل علينا باب لانه حرام
بصلها باعجاب وابتسم وهي لاول تشوف ابتسامته فابتسمت وقعدت وهو قعد قدامها
جاسر: هو عملك حاجه
حركه دماغها ب لاء وقالت: بس مسك ايدي وكان بيعاكس هو لما عاكس نا كبرت دماغي بس لما مسك ايدي لاء كده غلط
جاسر ابتسم ليها وقال:اممم حلو
نور: هو ميقربليش حاجه عشان يمسك ايدي مش من محارمي حتى ابن خالتي لما كنا مخطوبين مكنتش بخليه يمسك ايدي ولا بنخرج لوحدنا
جاسر بغيرة وحزن: نتي مخطوبه
نور: لاء كنت مخطوبه بس مكنتش بحبه وهو دلوقتي متجوز وعنده ولاد وعايش حياته والصراحه كنت بتلكلك
بصلها وقال بفرحه: طب روحي على شغلك ولو عاوزه تروحي وتاخدي باقي اليوم اجازه معنديش مانع
ابتسمتله وقالت: لاء هكمل شغلي عادي بس ينفع لو روحت بدري عشان اجيب حجات الكليه
جاسر بضحك: ماشي يا نور
دخلت مريم وهي بتبص لنور بقرف: انتي يا شطره روحي اعمليلي قهوة مظبوط.... بصت نور ليها باستغراب وركزت في ملامحها ولبسها هي جميله ولابسه لبس فاضح اكتر ما هو بيستر
جاسر: في اي يا مريم نتي ازاي تدخلي كده
مريم بغضب: اي عادي انا حره ولا قاطعتك ولا حاجه
بصلها بقرف وبص لنور وقال: طب روحي يانور على شغلك...
نور: حاضر
مريم: اقفلي الباب وراكي... قفلت نور الباب وطلعت
نور بزعيق: انت كنت بدافع عنها ليه كانت تقربلك اي وازاي تصدقها وتكدب الواد شكلها هي اللي كانت بترسم عليه ولما كشفها عملت كده ونت شكلك صدقتها
جاسر مستحملش كلامها على نور وقال بصوت جهوري: متجبيش سرتها على لسانك تاني هي واحده متربيه ونا واثق فيها وفأخلاقها كويس والشاب ده اخد جزائه خلاص
مريم بحزن و بغضب: نت حبتها ولا اي لحقت تضحك عليك
سكت ومردش عليها اخدت مريم شنطتها ومشيت وقبل ماتمشي بصتله وقالت: نكمل كلامنا فالبيت
جاسر بحده: مليش كلام معاكي اصلا
مريم وهي هتعيط: تمام يا جاسر بيه ومشيت....
دخل عامر وهو بيضحك: ههههه اي يا وحش اي يا جاسر باشا اي اللي نت عملته ده ده الواد خلاص مش هينفع فحاجه اتخرشم خالص ههههههه
جاسر بغضب: نا مش فايق دلوقتي يا عامر
عامر: اممم هي مريم كانت عوزه اي وكانت بتعيط ليه
جاسر حكاله كل حاجه وقال: نت شكلك حبيتها ياصحبي
جاسر: مش عارف من ساعت ما جت هنا ونا حسيت بحاجه غريبه وبدأت افكر فيها وفي اخلاقها
عامر بفرحه: اجهز القاعه
ابتسم جاسر: جهز يسطا
-----------------------------------
خلص اليوم وروحت نور وحكت لاسيل كل حاجه
نور: مش قولتلك الايام الجايه هتكون عسل
اسيل: اه شكلها كده بصي انا الصراحه بحب عامر
نور: اممم ما نا عارفه
اسيل: وعرفتي منين
نور: قدرات يا بيبي
اسيل: لاء بجد
نور: باين عليكي اصلا من نظراتك
اتكسفت اسيل وقالت؛ هو كان باين اوي كده
نور بضحك: اه... هههه
---------------------------
_في ڤيلا جاسر _
دخل جاسر لقى مامته وخالته ومريم قاعدين بصلهم ولسه هيطلع اوضته
شكريه بغضب: استنى تعالى هنا
جاسر: عاوز انام ياماما مش قادر
شكريه: تعالى هنا يا جاسر
اخد نفس عميق وراح لمامته
جاسر: نعم يا امي
شكريه: اي اللي حصل انهارده في المطعم
بص لمريم اللي كانت واقفه بغرور وهو قال: عادي اي اللي حصل
مريم: نت هتستعبط يا جاسر
بصلها بغضب وقالها: صوتك ميعلاش عليا يا بنت خالتي بدل ما اتصرف تصرف تاني وملكيش كلام معايا فاهمه
سكتت ومامته قالتله: تعالى يا جاسر معايا فوق عوزاك
_عند جاسر وشكريه_
شكريه بهدوء: هي البت دي اسمها اي
جاسر: بت مين
شكريه: البت اللي دفعت عنها
جاسر: نور يا امي
شكريه بحنان: هو نت حبيتها
سكت ومردش... شكريه: يبقى حبيتها
جاسر: اه حبيتها زي ما نتي حبيتي بابا ونتي كنتي بتشتغلي عنده زيها وهو معملش حساب للفرق اللي كان بينكو بالعكس ده حبك زي ما نا حبيت نور واتجوزك.... اتنهد وقال: والموضوع ده هفتحهه معاها واللي مش هيوافق مش فارقه دي حياتي ونا حر فيها
بصتله بحنان وقالت: نا هاجي الشغل عاوزه اشوفها
جاسر: ملهاش لازمه كل اللي عاوزه ابعدي مريم عني بدل ما اعمل حاجه تزعلكوا كلكم
شكريه: تمام يبني اللي تشوفه
_تاني يوم _
راحت نور واسيل الشغل واول ما عامر عرف ان اسيل موجوده فرح جدا وطلبها
اسيل: نعم يا عامر بيه
عامر بصلها بحنان: حمد لله على سلامتك
اسيل: الله يسلمك هو حضرتك كنت عاوزني في اي
اتنهد وبصلها بحب وقال: اسيل انا عاوز معاد مع اهلك
اسيل: ليه
عامر: سمعت انكم بتعملوا مكرونه بشاميل طعمها حلو
ابتسمت وقالت: ماشي حضرتك
عامر: وبالمرخ اقولهم اني بحبك وعاوز اتقدملك
اتكسفت اسيل وطلعت تجري.. هو ضحك على كسوفها وقعد وهو فرحان راحت اسيل لنور وحكت ليها كل حاجه فضحكت بحب وقالت نور: مبروك يقلبي ربنا يتمم على خير طب قولتيله اي
اسيل بكسوف: اصل اتكسفت منه وكدا
نور: هههههه تمام يختي
عدى فترة كبيره ومرحش جاسر الشغل فيها عشان سافر لندن الفرع التاني بتاع المطعم عشان في مشاكل في المطعم وكانت نور زعلانه وخايفه عليه وبعد فترة خلصت نور كليتها واتخرجت وفعلا اتقدم عامر لاسيل واتخطبو لمده 5شهور وكانت اسيل فرحانه جدا وفتره الخطوبه دي اسيل غيرت في عامر كتير اوي قرب من ربنا ولما كانت بتسيب فرض او هو بيسيب فرض كانو بيتخانقو مع بعض ويتصلحوا بسرعه
نور وهي بتكلم اسيل فالتليفون
نور: احمم متعرفيش حاجه عن جاسر
اسيل: لاء عامر مبيكلمنيش عليه بس هسأله بكره
نور بحزن: تمام يقلبي عاوزه حاجه وقفلت معاها
_تاني يوم _
راحت اسيل لعامر المكتب
اسيل: عموري عامل اي
عامر بحب: كويس يقلبي نتي عامله اي
اسيل: تمام الحمدلله
اتكلموا شويه وقالت اسيل: هو مستر جاسر فين صح مبشفهوش خالص
عامر بغيرة: وبتسألي ليه
اسيل: هه لاء مفيش اصل كان بيجي على طول ومرة واحده مجاش ومجاش الخطوبه
عامر: اممم اصله مسافر لندن عشان يخلص شغل وهيجي عالفرح
اسيل: تمام يقلبي هروح اخلص انا بقى
راحت اسيل لنور تحكي على جاسر
اسيل: السنارة غمزت ولا اي
نور: هه لاء خالص
اسيل: اومال بتسألي عنه ليه
نور: لاء مفيش
اسيل: تمام يقلبي هو هيجي عالفرح بعد شهرين
نور: ماشي نا هسافر ارجع القاهره
اسيل بصدمه: ايه ليه
نور: عشان ماما تعبانه وكمان نا خلصت تعليمي بقى فخلاص ملهاش لزمه اقعد هنا
اسيل بعياط: طب نتي كده مش هتحضري فرحي مين اللي هيبقى معايا وهيختار معايا الفستان ومين اللي هيرقص في فرحي وقعدت تعيط
نور بحزن: معلش بس هاجي فرحك متقلقيش حضنتها وهي بتعيط
نور: نا هروح اقول لعامر عشان اخد بقيت مرتبي وارجع تمام
_عند عامر _
نور: السلام عليكم
عامر: وعليكم السلام اتفضلي
قعدت نور وقالت: كنت عاوزه من حضرتك اخد بقيت مرتبي عشان هسافر بلدي
عامر بصدمه: تسافري هتسافري فين
نور: هرجع القاهره بقى
عامر: نتي من القاهره طب ايه اللي جابك اسكندريه
نور: مجموعي جبني هنا
عامر: اممم تمام بس هتيجي الفرح مش كده
نور: اه ان شاء الله ربنا يتمم علي خير.... ومشيت بعد ما اخدت المرتب وروحت حضرت شنطها ونامت عشان معاد القطر بليل
عامر بيكلم جاسر
عامر: هترجع امتى يبني
جاسر: قبل فرحك بأسبوع كده
عامر: واحشني يسطا
جاسر: ونت كمان نا خلصت المشاكل اللي كانت فالمطعم نا كان ممكن ارجع بس هصبر لحد ما الدنيا تتظبط كده...
عامر: تمام يسطا
جاسر: بقولك اي هي نور عامله اي
عامر: كويسه اه صح فكرتني
جاسر: في اي
عامر: هي مشيت من الشغل وقالت هترجع بلدها
جاسر بصدمه: ايه ترجع ترجع فين ونت مرفضتش ليه
عامر: ارفض اي يبني بتقول هترجع عشان خلصت تعليمها ومامتها قالتلها ترجع
جاسر: اممم... تمام
عامر: هتعمل اي
جاسر:هقولك..............
____
بعد رجوع نور لبلدها ومامتها اتحسنت صحتها عن الاول قبل الفرح بأسبوعين سافرت نور ووالدتها اسكندريه عشان يساعدو اسيل وكانت اسيل فرحانه جدا ان نور جنبها
_قبل الفرح بساعتين _
اتبعت لنور فستان وكان من اسيل اللي قالتلها هبعتهولك هديه مني لبست الفستان كانت في قمة الجمال كان ابيض ومنقوش زي بتاع الافراح وحطت ميكب خفيف جدا يحدد ملامحها وكانت نور واسيل في قمه الجمال جه عامر قرب من اسيل مسك ايديها وبسها من ايدها كانت اسيل مكسوفه اوي
كانت نور بدور على جاسر بعنيها ومره واحده لقت حد بيعاكسها لسه هترد لقته جاسر قالت بفرحه: جاسر اقصد مستر جاسر.... كان جاسر في قمة الوسامه كانت البدله عليه حلوة اوي وعضلاته كانت مجملاه ده غير وسامته
نور: حمدلله على سلامتك
جاسر بفرحه: الله يسلمك شكلك حلو اوي
نور بكسوف: احمم شكرا وحضرتك كمان
جاسر: عارف
نور بصوت شبه مسموع: مغرور
جاسر بضحكه: بس عسل
جه وقت كتب الكتاب وكتب اسيل وعامر الكتاب واول ما انهى حضنها عامر بسرعه كانت اسيل فرحانه
قرب جاسر من نور وهمس: بحبك
نور بصدمه: ايييه بتقول اي
جاسر بحب: بحبك يا نوري ومسك ايديها وقال بصوت عالي وهو نازل على ركبته وطلع علبه قطيفه وقال: انا بطلب ايد الانسه نور قدام الكل وبصلها تتجوزيني يا نوري
بصت نور لامها اللي حركت دماغها بالموافقه
نور: موافقه
قرب جاسر منها ولبسها الخاتم وهمس ليها: ولو مكنتيش وافقتي كنت خطفتك ضحكت نور بفرحه
كانت مامت جاسر وخالته ومريم واقفين وبيسقفوا وفرحانين ومريم كانت واقفه مع خطيبها امير صاحب جاسر وعامر (امير عنده 23سنه خريج هندسه عينه واسعه لونها اسود فرفوش وجسمه رياضي وبشرته فاتحه وشعره بني بيحب مريم من وهما صغيرين وغيرها امير وخلاها تتحجب وقربها من ربنا وهي حبيته اوي) كتب جاسر ونور الكتاب وحضنها وقالها بحبك يلي ملكتي قلبي.. فرحت وقالت: ونا كمان بحبك بحبك رغم غرورك رغم اني مكنتش بحبك ولا بطيقك بس حبيتك... قال امير: طب نا عاوز اكتب كتابي على مريم... وافقوا كلهم
وكل واحده كانت في ايد جوزها زي الاميره وهو اميرها
جاسر: الفستان اللي نا جايبه هياكل منك حته
نور بصدمه: نت اللي جيبه مش اسيل
حطت ايدو على وسطها وقال بضحك: ههههه هو نتو تقدروا تجيبو الفستان ده
نور بغيظ: مش عشان نت غني ومعاك فلوس تقول كده
ابتسم ليها وقال بحنان وهو بيمسح وشها: انا من ساعت ما عرفت انك سافرتي ونا هتجنن واتفقت مع عامر على كده وهو قال لاسيل وهي سعدتنا.
نور بفضول: وعملتو اي
*فلاش باك*
عامر: ونت هتعمل اي
جاسر: نا حبيتها ومش هسيبها تضيع مني من ايدي مش جاسر العمري اللي حاجه بتاعته تضيع منه بعد ما اتعلق بيها نا هاجي على نفس المعاد قبل الفرح كده وهشتري فستان ليها ونت قول لاسيل عالخطه دي وانها تديها الفستان على كأنه هي اللي جيباه وكده ونكتب كتب كتابنا مع بعض وفرحنا مع بعض مش ده اللي كان نفسك فيه
عامر: اه كان نفسي يسطا
*باك*
نور: يعني نت كنت بتحبني من زمان
جاسر: اه
نور بغيظ: ومقولتليش ليه
جاسر: كبريائي وغروري لا يسمح وكنت عاوز اتأكد إنك بتحبيني ولا لاء
نور: ههههه تمام يحبيبي ومريم اتجوزت اهه
جاسر: اه ده امير عمل المستحيل عشانها كان بيحبها واحنا صغيرين ولما كبرت خلاها تحبه واديكي شايفه...
جاسر: طب بحبك
نور: شكرا
جاسر: شكرا؟؟؟ لاء عاوز اسمعها منك
قربت منه وهمست: بحبك.. احببتك رغم غرورك.. بحبك
" ربنا بيبقى مخبيلنا حاجات حلوة كتيره وبيكافأنا بالحاجه دي "
تمت بحمد الله❤️✨..