Split Again

Chapter 13

Split Again by JellOfAllTrades
Chapter 13

"Ano, Gene? Anong kotse gagamitin natin ngayon?" Tanong ni Alexa nang palabas na kami ng kwarto namin ni Raegan.

"Hindi ko alam."

"Bilis na! Magdecide ka na!"

"Eh bakit hindi ikaw ang pumili ng kotseng gagamitin natin?"

Tiningnan ako ni Alexa na parang may hindi ako naintindihan sa tanong niya. Inihanda ko ang sarili ko sa pagpapaliwanag niya. Kahapon pa siya nagddrama sa bahay nila Joanne at Roland. Hindi pa maubusan ng hugot.

"Kasi ikaw na ang bagong reyna ng pamamahay na 'to?"

"Di kita gets." Sagot ko naman sa kanya.

"Look," umakbay siya sa akin, "Raegan is your girlfriend and Raegan is the heir of Zeus and because of what happened to her family, siya na rin ang reyna ng bahay na 'to."

"Anong kinalaman nun sa pagpili ko ng kotseng gagamitin natin ngayon?"

"Kasi you're not exercising your rights as Raegan's girlfriend. You practically have the same powers as Raegan...Okay, mejo exaggerated but do you get my point now? Hinahayaan mo kasi na si Raegan ang palaging nasusunod. Kung saan kayo kumakain, san kayo pupunta, sino ang sasamahan."

"Unang una, hindi si Raegan ang palaging nasusunod kung saan namin pinipili kumain. Oo, palagi siyang gutom pero ako ang palaging tinatanong niya kung saan ko gusto kumain. Sinisigurado niyang nasasatisfy yung cravings ko kung meron man and kung wala akong gusto and hindi ko alam kung saan kakain, saka lang siya ang nagdedecide para sa amin. Pangalawa, never diniktahan ni Raegan kung saan ako pwede pumunta. Kung kaya niya, sasamahan niya ako, kung hindi naman, pinapahatid niya ako kay Manong Elmer. Ayaw niya akong mapahamak sa daan kaya ganon siya and lastly, never din diniktahan ni Raegan kung sino ang pwede kong makasama sa paglabas labas."

"But I still don't see you stepping up to fill the role of Raegan's girlfriend. Oo, mabait ka and everything like that, kaya ka nga namin gusto for Raegan eh. Pero you're going to join the Familia in the future and ang partner ng Heir of Zeus is supposed to be strong-willed. I still don't see that in you."

Tiningnan ko lang si Alexa, "panong strong willed ba ang gusto mo makita sa akin?"

"I dunno."

"Then how would you know na nakikita mo na sa akin yung gusto mong makita kung hindi mo yun alam?"

"Ewan ko. I'll just know it when I see it."

Napakunot ako ng noo. Okay, mejo naguluhan na ako doon.

"Yung totoo, Gene. Pinapapili kita ng kotse pero andito pa rin tayo." Singit ni Alexa. "Walang nangyayari sa usapan natin."

"Fine, gusto ko yung pick-up ngayon."

"Okidoks!" Saludo ni Alexa. "Utusan mo na si Manong Elmer."

"Utusan talaga? Di ba pwedeng pakiusapan?"

"Empleyado niyo sila. You can order them around if you like."

Natigilan ako sa sinabi ni Alexa at tiningnan ko siyang mabuti. Independent na tao siya kaya kung kaya niya, hindi siya nanghihingi ng tulong sa iba. Pero bakit ngayon naman parang hindi niya kaya kumilos hangga't walang katulong na gumagawa ng gawain niya para sa kanya.

"Alexa, paulit nga nung sinabi mo?"

"I said, empleyado niyo sila. You can order them around if you like. Show some authority, Gene! Girlfriend ka ng may-ari ng mansyon na 'to. Don't act as if you're just a visitor at hiyang hiya kang utusan yung mga katulong dito."