أسفة ع التأخير
- كنت خايفة من الفضيحة ده أبني الوحيد ..
- أبنك الوحيد تهتمي بيه مش تسيبي المرض عمال يفرق بينه و بين أعز أصحابه و كل ده عشان خاطر الناس .. خدنا أيه من الناس ؟!
- مش عارفة يا فاطمة مش عارفة أرجوكِ حسي بيا شوية
- و أنتِ ماحستيش بيه ليه و هو عمال بيفقد صاحب ورا صاحب لحد ما بقي لوحده و هيموت لوحده ..
- أنا غلطانة أني أتكلمت معاكِ أصلاً ..
و قبل أن تنطق فاطمة بحرف واحد تدافع به عن نفسها كانت قد تركتها والدتها بعد أن أغلقت الباب بغضب شديد جعل زجاجه ينكسر من شدة الغيظ
- طب أنا أعمل أيه بقي دلوقتي ؟!
قالتها فاطمة بعدما أحست بالذنب أتجاه والدتها جراء محادثتها بطريقة غير مهذبة جعلتها تخسر والدتها مثلما خسرت أخاها لكن كل ما قالته صحيح لم تخطأ في شئ فقط تحدثت بأسلوب غير لائق ما ذنبها لقد غضبت علي حال أخيها الذي قد تسببت والدتها في وجوده .. ماذا تفعل ؟!
- أدخل ..
قالها أحمد بعدما سمع طرقات علي باب غرفته و سؤال من أخته الصغيرة إن كانت تستطيع الدخول أم لا
- كنت عايزة أتكلم معاك ف موضوع كده يا ميدو
- من زمان و أنتِ مش بتدخلي الأوضة لا أنتِ و لا ماما و كمان بتقولي لي يا ميدو أيه اللي جرا
- أحمد أنا أسفة كان لازم أكون معاك ف محنتك و ماسيبكش لوحدك تعا..
- كفاية ..
و بعد أن قطع أحمد حديث أخته دون أعتذار لم تجد فاطمة مفر إلا الخروج و تركه يرتب كلماته ليجد ما يرد به علي أخته فاطمة .. و حتي إن لم يذهب لها للإعتذار فهي من بدأت بالأعتداء .. و البادي أظلم ..
طوال الليل كان يفكر أحمد في الذهاب مرةً أخري للمشفي لإكمال علاجه فإن نفر منه أصدقاءه مرة أخري فهو سيُعالج لسبب واحد فقط و هو الإنتقام ..
- أدخل ..
قالتها الدكتورة نور و هي تعبث ببعض أوراق المرضي أمامها عندما سمعت طرقات خفيفة علي باب مكتبها ليدخل هو ذاك الشئ الذي أقتحم حياتها بدون سابق أنظار و جعلها تنتظر الليالي و الأشهر علي أمل ملاقاته و لو صدفة
- أحمد ..
قالتها نور و الصدمة تعتلي وجهها منذ دقيقتين فقط كانت تبحث عن ملفه لتحصل علي عنوانه و تقوم بزيارته ليقوم هو بحرق تلك المفاجأة و يأتي هو مستسلماً لها عازماً علي ترجعة كرامته و حقه من كل من تركوه وحيداً دون مساعدة
- أنا أسف يا دكتورة نور بس أخر مرة كنت متعصب عشان أنتِ جيتي ع الجرح اللي ف قلبي
- كان لازم أعمل كده عشان العلاج ينفع يا أحمد الصدمة مطلوبة ف علاجك ..
- عايز أتعالج بقي عايز أتعالج عشان مابقاش وحيد يدوب بيطلوا عليا كل شوية و كأني ميت و عايزين يشوفوا أتعفن و لا لأ ..
- اليأس مش مطلوب ف علاجك بالعكس ده بيشتغل مضاد له خليك متفائل عشان أعرف أعالجك .. و بعدين أنا مش قولتلك مايبقاش بنا تكليف قولي يا نور ع طول و ماتتكسفش مني
- حاضر يا نور
- قولي بقي ازاي اتعاملت مع الصدمة اللي عملتها لك ياسمين
- بقيت بارد ..
- بقيت بارد لأنك كنت عايز كده ولا عشان مالقتش حل غير كده
- الأتنين ..
- حبيت بعدها
- لأ
- ليه
- عشان أنا مش هستحمل نكسة تانية ..
- ليه خليتها نكسة
- عشان بسبب جرحها ده حالتي أدهورت أكتر و أكتر ..
YOU ARE READING
شيزوفرينيا Schizophrenia
Romance- طب ما هو أنا و أنت واحد يا أحمد و لا نسيت - لأ أنت أستحالة تكون أنا .. أنت واحد قذر غايته تفرقة الناس عن بعضها يا أخي ده أبليس بيتعلم منك الشقاوة ! - يا حبيبي أنا و أنت واحد بس أنا النص الوحش اللي فيك و لا أنت كنت فاكر نفسك ملاك مالكش نص وحش .. ك...
