شيزوفرينيا Schizophrenia

الفصل التاسع عشر

- كده .. كده يا نور تخوفيني عليكي كده
قالها أحمد بعيون حزينة و بعض اللمسات الرقيقة على رأس نور
- هو بمزاجي يا أحمد هعمل أيه طيب .. قضاء ربنا و نفذ
قالتها نور بإبتسامة ضعيفة لتجعل أحمد يبتسم بدوره
- أنا أسف
- أنا اللي أسفة .. بس كنت عايزة أقولك على اللي خلاني أقولك كده
- ششششش .. مش عايز أعرف حاجة أنا عايزك ترتاحي و لما تشدي حيلك إن شاء الله يبقى لينا قاعدة ماشي
- بس ..
- لا بس و لا هس .. بحبك
- أرجوك خليني أكمل كلامي و أقولك ع اللي خلاني أعم....
- مايهمنيش سبب قولك كده
- بس أنا يهمني
- نور .. مش عايزك تتعبي نفسك في حاجة مش هماني إن شاء الله لما تقومي و نخرج من المستشفى يبقى لينا قاعدة
- بس الأمر مايستحملش
- عايزة تقولي أيه
- أنا .. ماسميش نور السويطي
- أومال
- صدقني ماعرفش
- مش فاهمك
- ماما كانت متجوزة و جوزها مات و هي حامل فيا و ف نفس الوقت محمد السويطي أتقدم لها حكيتله قصتها ف زي نوع من الشفقة كتبني ع أسمه
- هي دي كل الحكاية
- ماكنتش عايزة أكمل معاك على كدب
قالتها و هي تنظر ليدها و تنطلق منها دمعة قد خزنتها لمئات الأيام و السنين
- العين دي ما اتخلقتش عشان تدمع بالحزن .. العين دي أتخلقت عشان تعيط بالفرح
قالها و هو يبتسم بحنو و يزيل تلك الدمعة التي فورما أُزيلت أطلقت بعدها أبتسامة تكاد تشق الوجه
- بحبك أوي
- و أنا بموت فيكي
- أحمد
- نعم
- هو مين اللي سماك أحمد
- والدي الله يرحمه
- طب و مامتك ماسمتكش ليه
- كانت عايزة تسميني نور
- برضو
- شوف حكمته يا أخي
- هههههههههههههههه
- شكلك حلو أوي و أنتي بتضحكي
- ليه الاحراج ده طيب
- يالهوي الساعة أتأخرت أوي يادوب ألحق اروح .. عايزة حاجة
- عايزة سلامتك .. سلام
- سلام
عبيب قلبي .. مطنشني و سايبك .. عاملة أيه now
قالتها سها و الابتسامة تكاد تصل لأذنها كعادتها منذ الصغر
- الحمد لله يا منكوشة هانم .. أنتي يا بت مش هتبطلي هبلك ده
- لا .. موتى بغيظك
- أموت بغيظي ليه يا حبيبتي .. أنا حلوة و زي الفل أهو
- ههههههههههههههههه .. قولتليش عملتوا ايه
- عملنا ايه ف ايه
- يا بت شيلي القاذورات اللي ف دماغك دي .. أتصلحتوا و لا لا
- هههههههههههههههه .. أتصالحنا
- أوووووف .. كويس ان الخطة نجحت .. ده أنا كان قلبي هيقف من الخوف ليكشف الحكاية
- ليه يعني
- أصل أنا مش دافعة لكله .. خفت ممرضة كده .. دكتور كده مش من اللي مدفوع لهم يدخلوا و تنكشف الحكاية
- يخربيتك انا مش قايلالك روشي كله عشان مانتفضحش
- الدكتور لوحده خد نص المبلغ ..
- ليه هيجبس بحق و حقيق
- هههههههههههههههههههه .. أنبي مااعرف هو قال تمن سكوتي 500 جنيه و كمان هو كده مرخص
- يخربيته
- هنعمل ايه بقى .. المهم عندي أنكوا أتصلحتوا مش مهم الفلوس
- حبيبتي يا سو ربنا يخليكي ليا يا روح قلبي من جوا
- أيوه ياختي أتمسكني أتمسكني
- ههههههههههههههههه .. يلا غوري بقى خليني أقوم افك الليلة دي عشان أروح
- هتفضلي برضو زعلانة من مامتك
- و الله ما بقيت عارفة أعمل أيه